沙爹醬焗蝦滑 + 菜心苗 ( 14-JAN-2024 )

( 14-JAN-2024  SUN )

尋晚瞓得唔係咁好   半夜起身突然諗起媽咪   又淚洗滿臉了 ~

喊完又好似好瞓啲   感恩今朝起身都精神呢 ~

同里奧大人食完早餐就要去公司幫手喇   搞掂就同阿妹傾偈 lu ~

崇拜之後就要去事奉   差唔多 1 點先走得 ~

買埋麵包同菜就番屋企   里奧大人明明話 1 點 45 分放工   最後 2 點半先放工 ~

好在我沖咗涼先煮   唔係啲嘢就凍哂呢 ~

食完就睇 Youtube   里奧大人唔係咁舒服   所以佢都瞓晏覺   我就 4 點瞓到 4 點半 ~

起咗身就熨 2 機衫啦   之後抖到 6 點半就預備晚餐喇   今晚唔係咁餓   所以直頭唔煮麵同飯添喇 ~

是日晚餐 - 沙爹醬焗蝦滑 + 菜心苗

沙爹醬焗蝦滑 - 我加咗芫茜同蔥花   焗完再搽沙爹醬再焗   但蝦滑口感好怪   里奧大人話好似食緊魚   咁我下次唔買蝦滑喇 ~

菜心苗 - 今晚煮十條菜心苗就夠喇   始終里奧大人唔食得多   我又要食埋條粟米呢 ~

抖到 7 點 45 分就同里奧大人去做運動   里奧大人話做運動 "gur" 胃氣係舒服好多   呢樣又係真   我有時個胃唔舒服   一 "gur" 出嚟真係當堂舒服哂呢 ~

番到屋企即開機洗衫   沖埋涼就休息一下了 ~

里奧大人一齊睇 "臥底旅行團" 爆笑前傳   以為係蝦碌鏡頭   但其實係由第 1 輯開始播   咁都好呀   睇 youtube 好濛   同埋一忽忽咁   依家坐定定睇哂 1 集真係唔錯呢 ~

本來里奧大人 10 點 20 分   但整呢樣整嗰樣都仲未瞓   我今晚就 10 點半瞓   所以最後係我瞓佢都未瞓   哈哈 ~