煎釀三寶 (外賣) + 臘味蘿蔔糕 + 菜心苗 ( 30-JAN-2024 )

食剩一半   聽晚再食

( 30-JAN-2024  TUE )

尋晚半夜又比里奧大人嘈醒   又要起身塞耳仔 ~

今朝都起身做運動   雖然有啲攰   但呢刻都要堅持去做   哈哈哈哈 ~

早餐食牛油窩夫   焗到脆卜卜真係好味道   依家唔會搽牛油花生醬   因為本身都好夠牛油味呢 ~

菇場唔忙   又做下自己嘢先 ~

問家姐要唔要黑糖 ?!   之後問佢會唔會去買增城片糖 ?!   佢知道我想要   就叫工人即刻去買   我已經強調話唔急㗎   無都無問題   但佢話記得新年前先有得買㗎   所以最後買咗四包   每人兩包

Lunch Time 出去行陣   食完墨丸河又周圍行   差唔多 12 點 40 分就番菇場喇 ~

阿齋話我做咩空手而回   我話今日真係無嘢好買   哈哈 ~

唔忙就做自己嘢   咁啲時間就好快過㗎喇 ~

放工即走   因為今晚只係食蘿蔔糕   所以叫里奧大人買煎釀三寶   之後諗諗下都係唔好買   我買麻辣手撕雞好過 ~

咁差唔多落車啦   里奧大人打比我   話買咗煎釀三寶   我話好彩打比我咋   唔係我買手撕雞㗎喇 ~

佢話本身想比驚喜我   因為我好少叫佢買嘢食   咁即係代表我想食   好在最後都係驚我會買嘢   所以打比我話買咗呢 ~

因為蒸糕要時間   我叫里奧大人沖涼先 ~

是日懶餐 - 臘味蘿蔔糕 + 菜心苗 + 煎釀三寶 (外賣) 

煎釀三寶 (外賣) - 里奧大人揀㗎   每款 2 件啱啱好   佢話買嘅時候係新鮮熱辣   所以好想我快啲番到屋企食呢 ~

臘味蘿蔔糕 - 家姐之前比嘅奇華臘味蘿蔔糕   估唔到好味喎   仲有一條條嘅蘿蔔絲   其實本來諗住遲啲先食   不過家姐擺咗落冰格   我冰格又無位放   所以就要今晚食囉   里奧大人都好奇怪咁早就食糕   哈哈 ~

菜心苗 - 終於清哂   又要轉下食第啲菜喇 ~

洗埋碗就開機洗衫   之後沖涼喇 ~

叫里奧大人熨衫先   咁就可以一路食蕃薯糖水   一路睇 "長命百二歲" 同開電視嘅 "深圳地圖" 喇 ~

影相就唔會落咁多糖水   里奧大人以為係無哂糖水   哈哈

里奧大人話好似南瓜湯

睇多陣 Youtube 又打陣機   話咁快又 10 點半   我都要瞓覺喇 ~