龍城冰室 @ 九龍灣 ( 22-MAY-2026 )

海陸空雜扒 (豬扒+吉列魚+雞全翼) 配意粉 ($73) - 我話想食吉列魚呀   所以叫呢個喇

2 人餐 ($158) 

招牌古早鹽焗雞 (例牌) - 里奧大人諗住叫咕嚕肉   但最後都係轉鹽焗雞   因為阿 Jack 啱食啲

西蘭花炒龍躉球 - 份量少咗好多

紅湯 & 中湯

( 22-MAY-2026  FRI )

感恩瞓得都唔錯   所以鬧鐘響都即刻起身 ~

今朝同里奧大人出去食早餐   出去食係特別開心㗎   因為唔駛執嘢   哈哈 ~

里奧大人話要凍飲   我話飲囉   今日最多收少啲   佢話唔明我講咩   我再講多次今日收少啲算喇  佢就喺度笑喇   之後話唔食都要叫多份外賣   等我無得賺   哈哈 ~

佢會儲靚 Number 嘅銀紙   我話儲嚟做咩啫   佢話關我咩事   我話如果你收番張銀紙即係我蝕咗   佢話妳應該話自己本身係無就真啦 ~

食完就去里奧大人公司坐一陣先番工   所以星期五真係好 Relax 㗎   哈哈 ~

菇場忙下停下   又好快 11 點 45 分 lu ~

Lunch Time 蒸完飯就去一田行下   因為今日好焗熱   一定要行冷氣地方呀   行咗半個鐘就番菇場開餐喇 ~

扇屋合裝芝士條 (特價 $32 原價 $49) - 好似幾好味咁   所以買嚟試下

仍然忙下停下   放工去淘大行下   之後就 Join 埋里奧大人同阿 Jack 一齊食飯喇 ~

今晚好開心見到阿 Jack 好有胃口食嘢   食完飯仲食意粉   諗起之前第一次同佢食   佢係食得好少好少   第二次算係食得多啲   但今次係食得最多呀   真係為佢有胃口食嘢而感恩呢 ~

因為食唔哂豬扒意粉   咁我就拎走啦   反正我有飯盒   咁我夾落碗嘅時候   佢突然拎張單   好在我睇到咋   所以里奧大人即刻搶番啦   其實我已經張張單擺喺我對面仲要係角落   估唔到佢咁都拎到   哈哈 ~

食完就番小組   今晚弟兄 A 兩公婆無番   如果唔係就齊哂人呢 ~

10 點鬆啲就散會   因為要等 15 分鐘車   所以傾多陣偈先走   之後里奧大人話咁仲好   唔駛咁趕 ~

諗住番屋企嘅時候   里奧大人話想食雪糕   所以我話去 7-11 買喇 ~

番到屋企即沖涼休息   本身想開機洗衫   但最後都唔好喇   唔好搞到自己咁辛苦   哈哈 ~

里奧大人鍾意食綠茶雪糕   我覺得 $40/3 盒都抵呀   所以叫佢買喇

睇多陣 Youtube   今晚 11 點半先瞓 ~