譚仔雲南米線 @ 紅磡 ( 24-MAY-2026 )

過橋米線 (重慶三小辣湯底) ($60)

( 24-MAY-2026  SUN )

感恩一覺瞓天光呀   里奧大人今朝 6 點 45 分要起身   咁我都起身喇   可以早啲出發去家姐屋企 ~

今朝早咗落車嘛   Berry 女又好快搞掂   所以家姐叫我喺巴士站等   我背住佢哋扮等車   諗住校好自拍睇住 Berry 行過嚟   點知鏡頭都未 Set 好   Berry 已經喺我後面撲埋嚟   家姐話頭先離遠見到我   Berry 對耳都已經豎起咗㗎喇 ~

送埋 Berry 同 U 姐番屋企就去食早餐   食下傾下   家姐又講下將來嘅計劃   佢都真係好錫糟糟   所以好感恩介紹到呢個朋友比佢識   咁佢哋有咩都可以互相幫忙嘛   哈哈 ~

阿活脆邊煎雙蛋+黑椒牛扒 ($40.5) - 食嘅同上次一樣   因為我哋唔想食米粉呢啲   家姐又係鍾意食脆皮腸   但里奧大人就唔鍾意食

即炸原條脆魚柳配阿活脆邊煎雙蛋+英式多士 ($42) - 我將塊多士切到一粒粒   咁易入口啲嘛   但原來家姐係蘸蛋黃食   我話之得唔切啦

食完去 A1 買麵包同拎咖啡   最後去埋藥房買 Berry 女用嘅濕紙巾就番屋企喇 ~

一入屋   Berry 女又係咁尖叫   真係摸咗好耐先唔叫咋 ~

成日望住家姐

好似個 "山" 字

由細到大都要咁樣飲水

難得瞓喺廳

但成日攣嚟攣去   所以同佢影相要周圍行先影到

我行嚟行去   佢就會咁望住我

同家姐執下個零食櫃   佢比咗啲花茶比我   之後幫佢擺番好餅乾同朱古力嘅位置   當堂整齊哂   但我叫佢咪再買零食   食哂我啲先好買囉   唔係又擺到過哂期就慘 ~

咁我比咗支喼汁比佢   佢話之前喺超市拎住咗支喼汁但又無買   所以估唔到我會比喼汁比佢   之後佢比支泰國甜酸醬比我睇   佢話之前買㗎   但無金龍牌子   我話係咪咁啱呀   我之前先買咗支金龍牌喎 ~

又想瞓覺

糟糟話九龍醬園金牌抽油皇好味   所以家姐又買   但唔記得係 $60 定 $90

傾下傾下   真係話咁快 12 點半   我要走喇   今次只係家姐送我搭車   因為唔想 Berry 女咁熱呀 ~

里奧大人要準時開會   所以我叫佢買飯番公司   我就唔駛特登再去買喇 ~

椒鹽豬扒拚生炒骨飯

里奧大人食完要預備開會嘅嘢   咁我就同阿妹傾偈   不過 2 點唔夠都走喇   因為我要去 AEON 幫里奧大人睇褲   如果有特價就會買 3 條   但去到無特價   所以我就行超市   買咗啲嘢就番屋企 lu ~

雪印特級植物牛油 ($18.9) / S&B AJIWAI 咖哩甘口 X 4 ($8.9/盒)

AOIFOODS 無鹽蕎麥麵 ($8.9) / AOIFOODS 日本產小米無鹽烏冬 ($8)

睇下 Youtube 又瞓咗半個鐘   之後就執下嘢同熨衫   搞掂又 5 點半了 ~

啱啱咬咗啖蘋果   里奧大人就番到屋企   我話你早 5 分鐘番嚟就好   我唔駛食個蘋果住   仲諗住起碼 7 點先食飯就食個蘋果咋 ~

抖多半個鐘就出去食晚餐   諗住食車仔麵但無開   里奧大人話去黃埔都可以呀   但我話食米線算喇   近近哋食完可以即番屋企休息呀   哈哈 ~

食完都即番屋企開機洗衫   今日都行夠   所以唔做機喇 ~

沖埋涼就同里奧大人睇 "中年好聲音 4"   睇完就再睇 Youtube ~

里奧大人 10 點半瞓覺   不過我 10 點 45 分都瞓覺   今日出咗一身汗有啲攰呀 ~