黑椒牛扒 + 瑤柱節瓜 + 蒜蓉菜心 ( 8-MAY-2014 )

( 8-MAY-2014  THU )

瞓晚瞓得麻麻哋   所以今朝都唔太想起身 ~

今朝食麵餐   但真係食唔哂   同埋食到有啲反胃   可能唔餓呀   哈哈 ~

菇場忙啦   對手完全未停過   又要做 Report   對住 d 數字真係頭都暈 ~

1 點幾先開餐   就係朱古力奶 + 10 粒 Flakes   其實仲未餓   不過唔食唔得   因為我要準時開工呢 ~

忙呀忙   超級勁攰呀   放工都仲未做完   不過對眼真係好攰   所以聽朝再博殺過 ~

又去百佳買菜   之後就番屋企預備晚餐 lu ~   

今晚自己食先   所以 7 點半可以開餐   里奧大人 8 點放工   佢話對鞋太跣   落到最後一級扶手電梯就向後仆呀   好在有個背囊頂住   唔係就慘啦   之後佢話驚整爆部電腦   我問有無人扶佢 ?!   佢話自己起身之後再跑入車廂   我咪話佢黐囉   明知地下濕立立就咪跑啦 ~            

佢番到屋企即問佢痛唔痛 ?!   佢話背脊同左手有啲痛喎   我話勁痛就即睇醫生   唔可以拖呀 ~

是日晚餐 - 黑椒牛扒 + 瑤柱節瓜 + 蒜蓉菜心  

黑椒牛扒 - 仲諗住屋企有黑椒汁   估唔到原來無哂   好在頭先買咗李錦記黑椒汁   其實可以煮茄汁   不過我想食啲惹味啲嘅嘢呢 ~  

瑤柱節瓜 - 勁呀   啲節瓜放喺雪櫃成個星期都未壞   所以整埋佢喇 ~  

蒜蓉菜心 - $8.9/Pack   不過唔甜嘅 ~ 

之後我沖涼喇   等埋佢沖完涼再問佢痛唔痛   佢話唔痛喇喎   咁我都安心啲 ~

9 點幾行雷閃電   又係睇住由黃雨變紅雨再變黑雨   睇黎有排落 ~

勁攰呀   所以 11 點瞓喇 ~