熱熱熱。新加坡吃喝玩樂 4 天團 + 2 天自由行 DAY 1 (PART 1/3) ( 31-MAY-2014 )

( 31-MAY-2014  SAT )

尋晚都瞓得好好呀   感恩感恩   所以今朝 4 點鬧鐘響就即刻充滿力量咁彈起身喇 ~

沖埋涼再 Double Check 所有嘢   抖陣就出門口喇   勁興奮呀 ~

出發喇   紅色個袋係裝滿哂比冰姑嘅手信   豆豉鯪魚同湯包唔少得   好有香港特式嘛   哈哈


車都唔多


4 點 50 分到停車場   的士已經到咗   車程暢順   6 點 20 分已經到咗機場喇 ~

6 點 35 分 E 區集合   同領隊報到之後   擺好行李   拎埋機票就去食嘢喇 ~

都好多人噃

等待中

我哋係 F 組

今次仍然去美心   第一次係大把位任妳坐呀   因為可能真係好早呀   哈哈   佢哋嘅奶茶咖啡真係好好飲   但今次啲早餐好難食囉 ~

牛扒同腸都 Overcook   乾到呢


塊肉好鹹

食完之後就入閘行下   估唔到喺 Duty Free 買咗個銀包   好開心呀   因為想買好耐呢 ~

終於天光喇

次次都會去 Disney 影相   不過今次太早啦   仲未開舖    因為當時只係 6 點半咋   哈哈

7 點 40 分要去到閘口   因為 8 點 05 分起飛   但最終都要 8 點半先飛囉 ~

64 閘口   好易記


填入境表   我覺得好似六合彩啲飛咁

起飛喇

飛機嘅玻璃窗好乾淨

睇下戲先   不過都係睇下瞓下咁   大佬   4 點起身呀   點都會有啲眼瞓嘅   哈哈

飛機餐唔錯喎   熱辣辣   最有驚喜係個包係脆卜卜

里奧大人居然食粥   一陣就知餓喇   呵呵

衝入雲海勁正呀   大大嚿雲喺妳面前略過

終於同冰姑吸同一啖空氣喇   哈哈

12 點降落喇   12 點半先 Check in 完 ~

出面有 30 度   不過都預咗熱呢

喺呢度集合   屋企牆身係咁就好 lu

好多人呀   差唔多 12 點半先搞掂

Belt 21 拎行李喇

齊齊集合   因為仲有其他團友未拎行李   所以里奧大人就即刻跑去兌換錢

里奧大人兌換咗 SGD318.8 (HK$2,000)   之後順便買埋電話卡   雖然張電話卡要 SGD33.05   出面好似 SGD1x 咋   但佢話一條龍服務唔駛煩喎   今次一定要買電話卡   因為最主要係同冰姑聯絡呢 ~

雖然新加坡真係好鬼熱   但就無香港咁焗囉   咁又係呀   香港到處都係高樓大廈   想有滴風吹埋嚟都難呀 ~

香港領隊係彩虹妹妹   新加坡導遊係米高叔叔   團友總共 18 人  (1 家 6 口 + 3 對母女 + 1 對兄弟 + 1 對夫婦)   好感恩我哋坐大旅遊巴   即係起碼有 40 座位嘅旅遊巴呢   咁我同里奧大人都分開前後坐   因為里奧大人個背囊好鬼大個   抱住坐好辛苦啫   唯有忍痛同佢分開下啦   不過睇得出佢好開心自己坐   哈哈哈哈   其實去旅行係鍾意同佢分開坐   最好一左一右添   可以影唔同嘅嘢嘛 ~

1 點終於出發喇   第 1 個景點係去 "亞坤咖央多士咖啡" 食 Tea   真係好 Tea 㗎   因為唔會飽   不過咁鬼熱   真係無咩胃口   食完就周圍影啦   有里奧大人喺度   佢會專心影相   而我可以好專心食同買   所以好鬼感激佢   哈哈 ~

我哋坐司機後第 3 行   所以瞓覺有難度

我次次覺得一入隧道就好似喺香港咁   哈哈

@ 亞坤咖央多士咖啡 - 人頭湧湧  好在有冷氣

食 Tea 喇   每人有 2 件 Kaya 多士 + 1 杯飲品

呢度係 4 人份   我哋同 2 母女 Share 食

多士又薄又脆   無咩咬口   好在 Kaya 唔係好甜

凍奶茶 / 凍咖啡 - 米高叔叔叫我哋千其唔好撈勻嚟飲   唔係就會超級甜   咁熱天氣   都係覺得飲飲酸嘢好啲

幅畫都幾得意

介紹一下

Open Kitchen ?!   都算乾淨呀

吸引我嘅   係啲杯

建築物好靚

里奧大人戴住黑超影相   所以成日以為唔夠光

坐出面就唔好搞喇   勁熱

天氣好好   感恩感恩

亞坤隔離係酒 Bar   呢張櫈好似好舒服咁   不過唔係呢個時候坐囉

我地坐呢架旅遊車   好大架好舒服

黑白黑白黑白

里奧大人一馬當先過去對面行下影下 

外牆好靚

幾有特色噃

我好鍾意電話亭㗎

好鍾意呢個裝飾

真係好乾淨   讚

好闊落呀   涼涼哋喺度食嘢飲嘢真係唔錯唔錯

綠色植物   望住真係舒服呢

Aberdeen   好有親切感呀   哈哈

新舊大廈共冶一爐   我覺得係最有特色呢

最後我忍唔住買咗套咖啡杯碟   SGD4 (HK$24.8)   團友同領隊都呆咗   話呢啲都買 ?!   不過我上次去馬來西亞都買唔到嘛   所以今次買到好開心呀 ~

差唔多 1 點 50 分就出發去第 2 個景點   就係 Gardens by the Bay ( 濱海灣花園 ) 嘅 Flower Dome & Cloud Forest   呢個地方真係好值得去   我覺得大開眼界呀   同埋最最最最緊要係有冷氣   嘆住冷氣欣賞唔同種類嘅花真係好鬼正   我鍾意睇花   但好多時都係室外家嘛   會熱到無心機睇囉   逗留時間由 2 點 15 分至 3 點 45 分   真係要好好把握時間咯 ~

想落雨咁噃   不過唔緊要   我哋喺室內

出面周圍都係花   好靚呀

大石春   團友摸完之後話好冰涼喎

入去喇

紫色   即刻諗起家姐

米高叔叔喺呢度拎團體飛

米高叔叔話新加坡每日都會落一場雨   所以好多地方都有簷逢   好細心呀

鱷魚櫈

3 點 45 分番黎呢度集合

入去喇   估唔到冷氣咁勁囉   所以一入去就唔想出番去   哈哈

好得意呀   呢度有好多唔同國家嘅植物   真係好值得去睇呢

跌咗入去就慘咯

好似隻手指

顏色好特別

好似隻 "毛神神" 嘅蜘蛛

顏色又係好特別   灰灰白白咁

心型仙人掌   里奧大人唔識欣賞

比佢 "吉" 一嘢真係命都無

好似跳緊舞

影到摩天輪噃

太陽能板

好得意呀

影到好似幅畫咁   但其實真係咁嘅顏色   好深綠色㗎

其實我覺得唔夠時間慢慢睇   不過里奧大人就想多啲時間去 Cloud Forest 睇囉   所以 2 點 45 分要走喇 ~

走人喇

呢日未完㗎 ^^