ME.N.U @ 九龍灣 ( 5-MAY-2014 )

我真係無胃口食呀   夾咗 2 次咋   每次仲係半碗   之後同里奧大人講佢好勁   差唔多食哂   佢話因為佢真係好餓呀   哈哈

( 5-MAY-2014  MON )

超勁眼瞓呀   呢排頻頻樸樸超勁攰呀 ~

食飽早餐再飲埋咖啡都勁想瞓   不過唔知係咪因為餐廳焗得滯呢   哈哈 ~   

菇場做完 Report   諗住抖下   點知勁多嘢做   嗚嗚 ~

今日晏晝 Off 呀   因為要去拎護照   但我就食埋 Lunch 先番屋企   因為之前留咗電話見醫生   所以唔餓都要食   咁我就可以隨時 Ready 走嘛 ~

食完就番屋企   勁攰呀   所以 2 點 15 分瞓到 2 點 45 分   我仲叫埋家姐 3 點一定要叫醒我呀   拎唔到護照我就死梗   哈哈   不過其實我都教咗鬧鐘   不過都係雙重保障穩陣啲呢 ~ 

雖然約咗 4 點拎護照   但我都醒咗   所以我都出發 lu   去到佢哋比即場籌我呀   所以我等咗 20 分鐘就搞掂   好感恩呢   因為上次里奧大人等咗 1 個鐘呀 ~

呢排個人比較攰   所以想去買衫   感恩又比我買到 3 件 Tee 同 1 件 One Piece   仲買咗件 Tee 比家姐   個袋太重喇   所以走人 lu ~

我搭地鐵去官塘   咁順便行下 AEON 買嘢飲   咁啱媽咪打嚟話要買王林蘋果同脫脂奶   又係好感恩啦   因為我本身諗住由藍田直接去醫院   但又唔見醫生打嚟   所以就去 AEON 行陣   因為喺病房出面坐真係好辛苦囉 ~

坐小巴去醫院   5 點都到咗 lu   咁就打機解悶啦   6 點一開門即入去咯 ~

頭先聽到廣播   醫院依家取消咗 12 點至 1 點探病時間   咁我見到媽咪即講比佢知   唔係一陣叫工人嚟拎嘢比佢   我講完之後   佢啲語氣好差咁同我講話今日心臟病發   食咗粒脷底丸   嗰下有啲驚   但佢啲語氣唔多好   所以都無理佢   咁我咁啱隻手摸個鼻   佢以為我喊   我話我唔會喊喎   之後佢無啦啦又話驚想見下我哋   都唔知想點   驚就咪鬧人嘛 ~

之後 Fat Fat 嚟探佢   不過媽咪好攰   同埋想抹身   所以 Fat Fat 坐到 6 點半都走喇 ~

咁我去問當值姑娘   媽咪今日係咪心臟病發   姑娘話唔係心臟病   係血糖太低   所以暈   之後又話頭痛   呢樣痛嗰樣痛   咁醫生巡房嘅時候   媽咪話心口翳住唔舒服   所以醫生開咗粒脷底丸佢食囉   因為姑娘話頭痛醫頭   腳痛醫腳   咁最嚴重係心臟問題   咁當然第一樣行先啦   之後仲抽咗 2 次血   我唔記得話驗啲咩酵素   只記得佢話心臟病發就要驗呢樣嘢囉   但 2 次嘅報告正常   所以唔係心臟病發 ~

好在我問一問姑娘咋   之後講番比媽咪聽話佢唔係心臟病   佢無咁驚啦   之後仲有胃口食嘢添   又話我駛咩見醫生  妳識啲咩   一陣講咗啲嘢   醫生唔理佢就慘   佢講呢句我真係發火啦   大佬   我關心妳先想見醫生咋   同埋我話如果醫生真係聽我講   嗰個就唔係醫生啦 ~

之後佢無啦啦發工人脾氣   話佢好話比 Fat Fat 知佢入院   我話得啦   總之咩人打嚟都唔好聽   之後佢又繼續講講講   又九唔搭八係咁嘈嘈嘈   搞到我發顛   佢講咩   我都話得啦得啦   又話唔舒服仲咁多嘢講   留番啖氣啦   唔係一陣又話無氣依樣嗰樣    點知佢又再嘈第啲喇喎   真係激到我顛   我即 whatsapp 比家姐   話媽咪黐黐哋   係咁嘈嘈嘈   我叫佢一陣唔好打嚟   等我喊完先好打嚟   因為我真係好激氣   正想叫埋里奧大人唔好打嚟   點知佢打嚟問媽咪有無事   我即刻喊咗出嚟呀   嚇到佢死   以為媽咪有事   我話媽咪無事   不過媽咪係咁嘈嘈嘈   激到我喊啫   我話喊完先再打比佢 ~

我呀   激到喉嚨兩邊好脹呀   抖唔到氣咁   勁想叫姑娘比粒脷底丸我食添呀 ~

差唔多 8 點 15 分走呀   媽咪成日 8 點先叫工人拎嘢   搞到我哋比姑娘話探病時間過咗 ~

同工人一齊打的番屋企   最搞笑里奧大人話同我食部隊鍋   因為我尋晚想食嘛   所以佢咪今晚特登陪我食囉   食完之後我話   人地今晚慶合合   仲同我食部隊鍋   嫌我未夠慶咩   哈哈 ~

里奧大人想買 Headphone   所以就去商場睇下   感恩買到 Beat Monster   咁唔駛成日再去搵 Headphone 呢 ~

番到屋企沖涼喇   之後休息   雖然聽日假期   但 11 點半都瞓喇 ~