熱熱熱。新加坡吃喝玩樂 4 天團 + 2 天自由行 DAY 1 (PART 2/3) ( 31-MAY-2014 )

( 31-MAY-2014  SAT ) - PART 2/3

Cloud Forest 就係里奧大人好想去睇嘅地方呢   佢話之前睇旅遊節目就已經好想去睇呢   終於夢想成真啦   恭喜恭喜 ~

入去睇喇

小瀑布
                           

里奧大人叫我企喺瀑布第 2 層影   咁我行去啦

望到第 4 層係咁嘅

好似菲林片

行下行下唔對路囉   都唔見入口   所以即打道回府搵番里奧大人一齊行去呢   唔係佢以為我盪失路

沿途有啲石公仔

好有戰鬥格噃

又嚟玩下   里奧大人最鍾意   哈哈

佢係一架車   唔講唔知呀呢   哈哈哈哈   因為我影得唔好呢

行喇行喇

我第 1 日就着密頭鞋   之後幾日完全踢拖囉   新加坡真係好鬼熱呀

半天吊

由下面影上去

望落去勁驚㗎   所以影相都要捉實

里奧大人喺對面幫我影相

企定定影張相先

右手邊企最開嘅印度人   佢等我影埋相先行   仲同我微笑   真係好 Nice

里奧大人又要幫我影   話難得無人行喎   其實好想佢快啲過嚟同我一齊行囉   勁驚呀   哈哈

我影到好似火車軌   哈哈

真係好高㗎   就咁望都腳仔軟 

天馬行空嘅感覺

走喇

呢啲石公仔都幾恐怖

我發覺新加坡都好多印度人   同埋發覺佢哋大部份都好有禮貌   因為好多次都等我哋影埋相先行過去   有次我哋影完相   見到十幾個企喺我哋後面   等我哋影完相先行   但佢哋無黑面㗎喎   我哋就猛話 Sorry Sorry   佢哋就同我哋笑一笑   好 Nice 呀 ~

出去 lu

沿途又有啲花呀草呀

好得意

星星葉   有層絨面   好似假咁

又影張相留念   順便影下啲鐘乳石

我哋出咗另一個出口位置   好在米高叔叔叫我哋咋   唔係都唔知行咗邊咯   之後佢叫我哋影埋全球最高嘅摩天輪 ~

如果夜晚去 Gardens by the Bay 仲靚呀

仍然藍天白雲   希望之後幾日都係咁啦

4 點準時出發去 Marina Bay Sands ( 濱海灣金沙 )   感覺似澳門威尼斯人咁   大型購物商場行下名店咁囉 ~

同澳門威尼斯人差唔多   所以我無咩興趣

一大堆人殺埋嚟   見到即走喇

熱呀   冷氣唔夠囉

里奧大人自己行出去影相

呢個係一個好大嘅兜

都幾特別

其實我最想食啲嘢同飲嘢就真   見到指示牌有 Food Court   不過行咗好耐都唔見囉   不過就搵到間 Cold Storage   買咗包薯條 (SDG 2.45) 同 1 支 100 plus (SDG 1.9)   不過個印度人 Cashier 嘅態度就勁差啦   我比 Coins 佢嘛   佢已經不耐煩   因為我都唔知邊個打邊個嘛   之後我問支 100 plus 幾錢 ?!   因為係里奧大人拎比我   我唔知幾錢   之後佢好大力咁擰個屏面比我地睇   個屏面比佢擰到直頭想爛咁滯囉   駛唔駛咁喎 ~

去到集合地點   彩虹妹妹都係買 100 plus   識貨呀下   哈哈   之後又傾下偈   佢又鍾意食榴槤   啱哂咀型 ~

終於明白點解里奧大人話我成日阻住哂   哈哈哈哈   鬼知妳影相咩   指比你睇 Bugis 呀


因為驚撞正食飯時間好多人   所以安排我哋食飯先   5 點幾食早飯呀 ~

去松發肉骨茶食 " 秘制星洲肉骨茶"   環境好懷舊   但個肉骨茶味道真係麻麻哋囉   不過米高叔叔都話似胡椒豬肚湯味道   所以我都無期望   同埋食團體菜仲更加唔好有期望   因為實會跟番香港人口味   唔得正宗咁呢 ~

唔好講笑   頭先真係有啲餓   但食完包薯條又有啲滯   不過咁早食飯都好   我驚里奧大人餓呀

我叫里奧大人快啲洗手先啦   不過佢無咁蠢   哈哈

好有歷史嘅痕跡

黑豉油好杰   辣椒醬好辣   勁好味呀   但啲辣椒就無料到嘅

4人份量   原來有咁多嘢食

燜豬手 ?!   無食到呀   今餐太多肉喇   同埋天氣咁熱   真係唔想食肉 

潮州肉骨茶   無味道嘅   不過就有我最鍾意嘅豬軟骨   蘸豉油就好好味呀

呢日未完㗎 ^^