生炒上肉排
燒味拚盤
蒸立魚
冬瓜盅 - 加 $30 轉嘅 天時暑熱 飲冬瓜盅真係好鬼正 哈哈
( 29-MAY-2014 THU )
好攰呀 諗住食完藥會瞓得到 點知番工嘅時候就勁眼瞓 但一到瞓覺時間反而瞓唔到 ~
天氣又熱又焗喎 行上行落超勁辛苦 ~
早餐食奶油脆豬 都無咩胃口食嘢 ~
菇場唔忙 但食完藥就會呆下呆下咁 都無咩 Mood 上網 ~
10 點幾開始餓喇 所以 Lunch Time 即飛去食酸辣米線 勁好味呀 ~
好熱呀 所以行咗一個圈就即番菇場喇 ~
放工即走喇 約咗媽咪同家姐食飯 估唔到姐夫都嚟埋 食下傾下差唔多 8 點先走 之後再上媽咪屋企拎喼 今晚 9 點先走呀 好少咁夜走 ~
之後去商場買嘢 拎住個大喼勁有自由行 Feel 其實拎喼都好 "阻掟" 同埋我最驚係買完嘢唔記得拎番個喼呀 哈哈 ~
買完諗住走啦 點知里奧大人打嚟叫我去萬寧買嘢 麻鬼煩 我一袋二袋又拖喼 咁之後屋企部 Lift 又倒緊垃圾 所以我要行落一層 勁驚碌落樓梯呀 因為我好論盡嘛 ~
一開門即話里奧大人啦 尋晚已經比哂 Cash Coupon 同會員卡比佢 佢話今晚買 咁佢今晚 7點已經放工 但又唔去買 仲話趕住番屋企洗衫 咁先令我發火啦 唔記得就唔記得 唔好用洗衫做藉口 我夠成日放工番屋企開機洗衫啦 又唔見我話唔記得買餸 ?! 我呢個月真係好攰好攰 仲成日咩都要我問咩都要我買 好煩啦 好似去旅行佢無份咁 但樣樣嘢都係佢自己要問要買 但就成日靠我 勁煩 ~
之後我無同佢講嘢喇 里奧大人就睇緊 "愛情公寓" 呢套劇幾好笑㗎 夠寫實 不過咁環境之下 我咩都笑唔出啦 同埋我估我塊臉都應該全黑 因為由我拎衫入去廁所沖涼 里奧大人全程望住我 應該知我好嬲 因為我平時唔會咁家嘛 之後沖完涼一開門 里奧大人又係望住我 不過我仍然無望佢 佢佢都好少會咁樣望我嘛 今次佢應該知衰啦 ~
不過我抖陣就無嘢啦 仲問佢食唔食生果添 佢即刻話好啦 難得我彩佢嘛 哈哈 ~
里奧大人 11 點就瞓先 不過我差唔多 11 點 40 分先瞓呀 但其實仲未眼瞓 不過點都要瞓囉 ~
沒有留言:
發佈留言