漢陽苑韓國料理 @ 旺角 ( 10-JAN-2015 )

牛仔骨 + 牛柳粒 - 無咩味

辣牛肉 - 牛肉囉   唔可以話辣   因為又係無咩味   

牛扒 - 一樣無味   哈哈   

辣豬扒 + 辣豬肉 - 講到我悶啦   又係無味   

所以一定一定要蘸辣椒粉    

多春魚   要好有心機燒

粟一燒   最期待燒粟米   但粟米係無味

我唔鍾意食凍咗嘅菜   咁多數會炒一炒先   不過變咗好多油   哈哈

椒鹽魷魚鬚都有椒鹽味   但中華沙律 & 酸辣鳳爪就無味

壽司   白色嗰塊好似醃蘿蔔

三文魚刺身 + 壽司   

里奧大人必食涼粉   我就食咗啲啲

里奧大人一坐低就食呢個豆沙煎堆   食到半路又食多個   想唔飽都難啦

咖啡雪糕好味呀   我食咗 2 球   因為自己唔會買呢隻味   我都有食黑芝麻雪糕   但完全係無味   勁呀

最後食埋啫喱糖   口感都 OK

我咃坐卡位   好舒服呢

對住電視都唔錯

都幾多款   但我都係主打食牛同豬

都好多蔬菜   不過就唔太吸引喇   但平時我去食韓燒   我會梅花間竹咁食菜同食肉   但今晚唔係囉

最驚啲毛巾周圍擺   仲要擺喺啲食物附近添

又係擺咗條毛巾   雖然條毛巾都白雪雪好乾淨   但咁擺法   比人感覺都唔好啦

( 10-JAN-2015  SAT )

今朝 7 點 45 分起身   不過唔會快手快腳沖涼洗頭   因為呢排等小巴等好耐   咁星期六嘅班次又無咁密   所以都係早啲出門口會好啲 ~

食到一半   8 卦又嚟埋   依家佢都好少話約食早餐   因為佢都知我喺邊度食   除非去試食嘢先會約囉 ~   

今朝阿姐唔小心   將枱嗰杯人哋飲剩咗凍檸茶整跌咗   倒哂落我件褸度   今日我仲要去街添   不過佢都好驚   係咁話唔好意思   又叫我洗咗件褸會比番錢我   又拎條新毛巾比我索乾   好在件褸可以落機洗咋 ~

菇場唔忙   Skype 傾偈到放工   勁爽   哈哈 ~

今日要申請回鄉卡   所以同里奧大人會去 MegaBox   佢就早啲去酒樓攞位   我放工就搭巴士去 MegaBox   幾個站都要 $9.1   都好貴呢 ~

又唔係話好餓   所以今次食得唔係好多   不過家姐成日話我同里奧大人飲茶食好多嘢   車  上次同佢飲   諗住一齊食多啲嘢之嘛   所以先叫 9 樣嘢   但我都記得最勁嗰次同里奧大人兩個飲茶   好似食咗 9 籠點心定 7 籠點心   同枱阿叔都話我哋好食得呀   哈哈 ~    

木耳 ( 小吃 ) - 今次無炸蝦片添   不過我都想食木耳   清下腸胃嘛   同埋辣辣哋幾好味

香脆叉燒包

鮮蝦炸雲吞

安蝦鹹水角

金菇牛肉腸粉

飲到 2 點幾就走喇   雖然 Book 咗 4 點去中旅社   但想早啲去早啲搞掂 ~

行到去到啱啱 3 點   再睇番手機資料   原來係 Book 咗 3 點   哈哈   成日以為係 4 點添 ~

拎咗 830 籌   去到只係叫到 726   起碼都要 1 個鐘㗎喇   不過叫得都好快   幾分鐘就叫 1 個號碼 ~

呢間中旅社好多人呀   又加上係星期六呢   好在有位坐   之後再睇下申請雖知   原來係要回鄉卡同身分證副本   又要去影印 ~ 

到我拎啦   原來唔可以帶自己影嘅相   一定要有光碟 File   同埋頭髮唔可以遮耳仔喎   所以要去再影囉   $30 有 4 張   阿姐好細心呀   幫我整好啲髮尾   又幫我整好夾喺前面嘅頭髮   叫我望低小小   咁樣塊臉無咁肥   哈哈哈哈   好在里奧大人聽唔到咋   唔係又笑㗎喇 ~

搞掂哂都係 4 點   比我哋預期中快呀   如果唔係要再影相嘅就更快呢 ~

聽日我要參加教事奉人員聚會同探訪   所以都陪唔到里奧大人   咁佢反而話想今日陪我   聽日先自己去買電腦或者 Samsung Tablet   因為佢其實知我唔鍾意去睇電腦嘢   但我話今日買好過啦   聽日喺屋企休息好過   所以去深水埗喇   電腦睇唔啱心水   所以去星際買 Samsung Tablet 喇 ~

出到旺角都 5 點 45 分   其實我有啲餓   所以里奧大人就話食嘢先   去到星際附近   見到瓊華中心有韓燒   咁就去試下喇   最正係無限時段呢   我地都係食到 8 點幾就走人 ~

去完星際買 Samsung Tablet 再去莎莎買暖手包   之後坐小巴番屋企 lu ~   

今晚唔徑步喇   所以沖完涼就休息   睇 "上班族楚漢誌" 睇到 1 點呀   要即瞓喇 ~