西貢環島遊 + 西貢咖啡餅餅店 (Part 2/2) ( 24-JAN-2015 )

PART 2/2

又上船坐呀坐   我初初以為係行路居多   點知原來坐船居多   好悶囉   仲諗住舒展筋骨添 ~

又飄喇

我覺得獨木舟好難玩   好難平衡咁呢   我一定反艇多囉

膠枱布當地板   如果濕咗水會好跣   好危險囉 

落船喇   今次個景點就好啲   起碼有路行   但又係得半個鐘   根本唔夠時間囉   又係來去匆匆 ~

我影緊十字架 

好好玩咁 

望機多過望我

廢物利用 

有個大樹洞 

咁有特色嘅屋   唔維修真係好可惜啦 

我鍾意呢啲屋多過 3 層嘅村屋 

我有咁嘅地方   一定會種好多香草

又見到狗 

行上去睇下先 

行入去睇下

大算盤 

石磨   我覺得影到好似馬桶

行入去教堂呢邊 

無人估到我鍾意睇花   可能覺得我係無文靜嘅一面啦 

有班人喺度唱詩歌 

足球咁大嘅菜 

有 2 隻狗周圍走 

一塊塊瓦片   好古代 Feel 

好荒廢呀

行番出碼頭喇   



如果唔係坐船   我都想試下 

好多人買茶粿   鬼咩   無嘢好做嘛   哈哈 

上船喇

望緊咩呢 ?! 

一齊玩係開心啲嘅 

雞屎滕 (無餡) + 南瓜茶粿 (紅豆餡) - 好煙韌呀   我超鍾意   里奧大人問點解唔買多幾個 ?!   我話呢啲少食多滋味啦   食得多好鬼滯㗎

有哂救生衣   頂帽隔離對木門係廁所門嚟   即係我哋係坐緊廁所隔離

船尾就係咁㗎喇   所以唔敢放袋呢 

差唔多到碼頭   所以好多船 lu 

好尖嘅浪

4 點 45 分番到碼頭   真係坐到 Pat Pat 痛   諗諗下 $80 坐船就唔係咁抵喇   哈哈 ~

今次又係要食菠蘿包   好感恩有位咋   同埋我哋叫完之後   無耐就話無哂菠蘿包喇 ~

里奧大人一見到就好大聲講 : 嘩   買咁多嘅   隔離個女仔即望住我呀   整到我好似好為食咁

因為里奧大人話飲檸茶   咁一杯檸茶都 $17 啦   咁一個蒜蓉多士 Tea Set 都係 $23   咁買 Tea  Set 抵啲囉   不過呢個壺仔都裝到幾多茶   可以沖 3 杯呀  

好香蒜味   同埋又脆卜卜   好好味呀

食完都 5 點半   諗住出旺角拎 coupon   但超多人等車   起碼要 3 架小巴先上到   咁唔去 lu   番屋企算數   但去九龍灣嘅小巴都等咗好耐 ~

好在里奧大人睇到小巴站喺百佳對面   唔係有排等   但又有好多人排隊喎   咁我問排頭位個女仔   佢話等緊旺角小巴喎   之後我哋去百佳對面啦   真係好多人等緊   咁頭先嗰班人咪有排等 ?!

去埋 Taste 買齋滷味就番到屋企   抖陣就煮嘢   7 點半就開餐   不過我只係食咗水餃同少少齋   抖陣就食埋啲馬蹄糕 ~

鮮菜豬肉水餃米粉 

泡菜餃   諗住 Product of Korea 好味啦   點知完全唔掂 

食咗幾嚿咋   要留番聽日食囉   因為好鬼飽   之後唔買啦   哈哈

之前整㗎   到今晚先食 

洗埋碗就沖涼   食埋生果就抖下   今晚唔徑步喇 ~ 

聽朝要番教會   所以 11 點幾都瞓 lu ~