西貢環島遊 + 西貢咖啡餅店 (Part 1/2) ( 24-JAN-2015 )

( 24-JAN-2015  SAT )

今朝里奧大人 9 點唔夠起身整電腦 lu   咁我就懶床到 9 點幾   之後問里奧大人仲瞓唔瞓 ?!   佢話瞓咗 12 個鐘都夠喇   哈哈 ~

咁梳洗就落去食早餐   食完就番屋企沖涼   抖下   咁尋晚幫咗家姐買蛋糕同湯丸   咁啱家姐又去坑口配藥   所以順便車埋我哋去坑口地鐵站喇   因為嗰度有 101M 去西貢呢 ~

家姐差唔多 12 點半先到   去到坑口都 12 點 45 分   好感恩我哋一落車就見到 101M 小巴站   上車無耐又開車   差唔多 1 點就到西貢市中心   天氣其實都灰灰暗暗   但天文台話今晚先會有一兩陣雨   咁信佢啦   所以去買環島遊船飛   之後就即去食嘢喇 ~

今次係里奧大人嘅朋友 "鬼仔" 介紹嘅   咁我哋又去下咁囉   $80/位   玩 2 個半鐘   咁都幾抵   不過坐船坐好耐咁囉 ~   

天陰陰

就係跟呢間 "生記" 環島遊喇 

今次唔食得泰國菜喇   因為 2 點開船   咁真係要快囉   所以去松記車仔麵   不過我覺得又貴又唔好食 ~

炸魚皮 + 籮白米粉  

原來就咁牛腩麵已經係 $27   再加埋泰式魚餅 + 炸黃金墨魚卷就已經 $43

香滑珍珠奶茶

我就係食食下睇到 $43   以為佢哋計錯數   之後問點解係 $43 ?!   我覺得唔值囉   又唔係好食喎

我哋跟呢個行程

2 點去到碼頭   諗住即開船添   點知 2 點 10 分先開船 ~

坐喺船無嘢做就影下人咁啦

之前就跟過呢間 "貓記" 環島遊 

我覺得影到塊木 (左邊) 好似塊蜜糖脆餅   好令身   好脆好好味咁 

如果我放咗支水喺枱   一定唔會記得拎番呢

出發喇   我哋坐船尾   開揚啲嘛   哈哈

撞色

仲同人撞埋鞋添   嘩哈哈   不過係同色唔同款   但遠睇就勁似同款呢

後面架船都係同我哋行同一路線

我好少見到呢啲船身   應該係喺度住埋㗎喇

好似想落雨咁   其實我係校暗咗   哈哈   因為我想睇下啲雲嘅層次

我們的船伕

我想坐出面影相   不過里奧大人話危險喎

無遮無檔   凍到呢

唔同相機影   天空顏色都唔同   我都係鍾意自己部機嘅顏色多啲   哈哈 

好凍呀   所以將件衫領包住個頭   里奧大人話好似俄羅斯公仔   一個個由細至大嗰啲呢

好大浪   隻船想撞埋去咁

之後介紹 "象鼻洞"   船伕停低咗隻船比我哋去影相   就咁話係象鼻洞   咁唯有 "3 分形象   7 分想像   唔想唔像   越想越像" 啦 

我覺得點睇都唔像呀   哈哈 

又繼續飄去另一個地方喇 

悶到同船伕傾偈

海中心真係無咩好影    所以一見到船就影下啦   無咁悶 

中間位置唔知係咪碼頭   我見到有啲屋有人咁   不過我哋唔喺去嗰度囉

無啦啦有嚿石凸出嚟   夜晚出海真係好危險呢

好多隻手指

同妳 Say Hi

唔知洞入面有咩睇呢 ?!

漁排

有哂 Number 

漁排實有狗   好耐之前同朋友去漁排玩   隻狗同埋我哋一齊行嚟行去   勁驚囉

好穩固咁噃

到喇



落船喇   其實我哋唔知邊度㗎   只知道有半個鐘 "慢慢行慢慢影" 囉 ~

埋岸嘅時候係好大浪   隻船拋下拋下   咁我哋係最尾先上船   我嚇到同里奧大人講話唔上岸呀   佢聽完覺得好驚啦   哈哈   咁難得可以鬆一鬆筋骨   好感恩最後隻船無拋   我哋可以安全上岸呢

親眼見到係好震撼㗎   全地都係魚仔

諗緊點影好 ?!



我哋要行入去嘛   咁見到隻狗瞓喺度   我好驚囉   之後里奧大人話唔駛驚   後尾有個男人出嚟望實隻狗   咁我都定啲   因為隻狗應該係佢養   聽佢話嘛

全地都係魚仔

有間士多   不過無人嘅   增添神秘感   哈哈

雖然對眼好純   不過我都驚   哈哈 



又見到佢   

見到月亮喇   超勁難影 

應該無人住 

條路咁窄   阿狗先生比條生路行下好喎

繼續行前 

唔會放過任何地方放魚仔

用手機影嘅全景

有人準備出海玩獨木舟

離遠見到   以為係鐵線   原來係一大堆魚仔

Load 相嘅時候   我以為係里奧大人影㗎   因為見到對波鞋   但後尾再睇啲  Number 先知原來係我影   哈哈   我同隻狗擦身而過呀   嚇到我腳有啲軟   係咁捉實里奧大人   隻狗又無啦啦聞下我呀   勁驚啦   好在里奧大人引下佢   佢先走開   嚇死我呀   里奧大人叫我千奇唔好掂啲魚仔   唔係隻狗以為我偷嘢喎

十字架

呢條樓梯可以上去   但比啲草遮住哂囉 

零零舍舍一條大魚



企喺呢個亭入面影相   大風到呢

有啲人氣   哈哈

我好鍾意呢啲牆身   不過就超級難打理呢

呢日未完㗎 ^^