百樂門國際宴會廳 @ 九龍灣 ( 17-JAN-2015 )

沙薑雞絲泡油麥菜

西芹腰果帶子蝦仁

惹味黑椒牛仔骨

炸子雞

清蒸沙巴龍躉

香酥陳皮骨

瑤柱蛋白炒飯

紫米露 (送)

( 17-JAN-2015  SAT )

今朝 7 點 45 分起身   好攰咁   所以慢吞吞   差唔多 8 點 10 分先出門口呀   着鞋嘅時候   里奧大人話陪我食早餐   醒咗瞓唔着喎   咁食完早餐之後番嚟瞓過   其實我都係咁㗎   嗰時休養呢   里奧大人一起身   我就唔係點瞓得着   但又無可能跟佢咁早起身家嘛   之後瞓多個幾鐘就會醒  但如果假期呢   我起身先或者佢起身先   又唔會咁喎 ~

好在番到菇場都係 9 點 10 分   唔算最遲   哈哈   不過大粒唔喺度先咁   唔係都盡量唔會遲到   妳知啦   好嘢唔會記   衰嘢就會記一世家嘛 ~

番到菇場叉手機電啦   叉下停下   勁驚呀   睇嚟部電話都係凍過水   我又唔敢講真相比里奧大人知   不過遲啲都係要講㗎 ~

平時星期六無 Mood 做嘢   多數同 8 卦 Skype   今日佢 Off   所以我可以專心做嘢   終於清哂啲手尾喇 ~

里奧大人要去高登買電腦   咁佢自己去先   我放工就去深水埗 Join 佢   我都未去到深水埗   佢已經買咗電腦同 Keyboard   咁之得唔去深水埗 Join 佢啦   哈哈 ~

無啦啦勁想食辣菜甫呀   所以去大家食   呢間分店好味呀   地方又乾淨 ~

里奧大人加 $4 要酸辣湯底   本身都 OK 辣   之後我話辣菜甫好辣好味道   佢又加   之後話加咗之後仲辣過本身嘅酸辣   哈哈  

食完就去搭小巴   經過間買零食又去睇下   又買咗二百蚊零食番屋企   依家啲錢真係好唔見駛 ~

低糖合桃糖做特價 ($80) / 牛肉粒 $88/半磅 / 紫蕃薯條 + 黃蕃薯條 ($44)

搭小巴真係好快   番到屋企都差唔多 4 點   里奧大人就約咗姑奶 5 點去 CSL 改資料   咁我都去啦   想行下嘛   搞掂哂就姑奶番舖頭先   我同里奧大人就行一陣德福   之後去到橋底就買咗 1 隻燴蕃薯   1 磅 $16   我揀隻最細嘅    啱啱好 $16   其實好貴啦   哈哈   最慘唔甜又唔太熱咁 ~   

經過淘大又買咗 4 包腰果   1 包係 $39   但 $110 有 3 包   咁我實會買 3 包   因為真係鍾意食嘛   咁之後佢話話 $140 有 4 包   咁買 4 包喇   哈哈 ~

(2 包有衣 / 1 包甜 / 1 包鹹)

番到屋企里奧大人又再 Set-up 電腦   6 點幾就出發去舖頭喇   之後就去酒樓食飯   今晚同 2 姑奶慶祝生日 ~

7 點到咗   食到 9 點半呀   番到舖頭拎嘢   之後同埋大姑奶搭的士走喇 ~

番到屋企都成 10 點   所以即沖涼喇   之後睇電視   咁里奧大人幫我剷哂手機嘅嘢   之後再重新裝過   因為佢話我太多 Apps 所以手機成日無電   如果無咁多嘢呢   部手機唔駛日日叉電   10 點幾開始整   諗住最多個幾鐘搞掂   點知整到 1 點幾呀   仲要係明明裝完又話要再裝   所以放棄喇 ~

之後里奧大人又好疑惑咁問我   點解部電話會濕咗 ?!   咁我真係要講真相啦   話唔小心跌咗部電話落碗米粉度囉   之後佢話我勁衰啦   賴佢整壞部電話   哈哈   我話已經懲罰咗我啦   尋晚肚痛到暈咗呀   打和㗎喇   唔好再講   哈哈 ~