蒜蓉蒸鮮魷 + 臘鴨 + 蒸撻沙 + 菜心苗 ( 26-JAN-2015 )

懶到豉油都無落   唔知以為係生嘅   哈哈

( 26-JAN-2015  MON )

潮潮濕濕嘅天氣   真係令人好易攰咁呢 ~

早餐食芝腿治   但其實想食奶油多   不過星期一嘅早餐想食飽啲   無咁眼瞓嘛   哈哈 ~

番到菇場即做 Report   之後就 Hea 過喇 ~

出去食 Lunch   行咗陣就番菇場喇   天氣潮濕唔係咁想行街 ~

同工廠同事 Skype   佢問我哋幾點放工 ?!   我話我哋 5 點半放工   之後我話如果有 Urgent 嘢都會做埋先放工   我唔想話自己準時放工呀   哈哈 ~

放工即走喇   約咗整燈師傅 7 點   今次換廚房燈火牛   上次佢話燈制有事   所以換燈制   但佢一換就"卜" 一聲燒埋 Fuse   咁都信佢啦   但無耐盞燈又唔着   佢再嚟跟進就話火牛   都唔知係咪上次佢整壞咗燈制   所以話燈制壞   之後仲話係里奧大人話要換添   咁今次佢話只收火牛錢   人工費唔收   大佬   對佢無信心啦   但佢跟開先叫佢整咋   同埋最緊要約啱時間囉   我去問另一間   成日話師傅呢排唔得閒   我都等唔到咁耐喇 ~   

搞掂哂都 6 點半   我要即煮嘢喇   好在我安排今晚所有餸都係蒸   所以好快煮完呢 ~

食完諗住洗碗   抖陣就出去徑步   點知里奧大人 7 點半放工   約咗兒生仔上嚟屋企幫佢開淘寶 A/C   但原來 2 姑奶同兒生仔已經喺屋企樓下   所以上嚟坐住等喇   我無得去徑步囉   唉 ~

里奧大人番到嚟就即搞 A/C 啲嘢   都搞咗成個鐘   之後兒生仔佢哋都走 lu   佢都即刻食飯喇 ~ 

是日懶餐 - 蒜蓉蒸鮮魷 + 臘鴨 + 蒸撻沙 + 菜心苗 

蒜蓉蒸鮮魷 - 媽咪之前買比我㗎   諗住用豆板醬炒   不過里奧大人啱啱好番   所以蒜蓉蒸啦   最方便   哈哈 ~

臘鴨 - 又係媽咪之前買㗎   因為我唔識買呢啲臘味 ~  

蒸撻沙 - 唔係執好冰格   都唔記得有 2 條撻沙   所以成日叫媽咪唔好買嘢比我   唔記得食之後壞埋仲嘥 ~ 

菜心苗 - 尋日買嘅   $13/2 斤   我聽有個女人話之前買過好甜   所以我又買   因為睇佢個樣唔似 "媒" 樣   哈哈   同埋啲菜又真係幾甜嘅 ~ 

搞掂哂都 10 點喇   即沖涼   打一陣機又已經 11 點   要瞓 lu ~