稻香 @ 九龍灣 ( 11-JAN-2015 )

鴛鴦湯底

黃金脆竹卷

鳳城水餃

四寶丸

北海三鮮 ( 珊瑚蚌 / 桂花蚌 / 雪花蚌 ) - 樣樣有 d 都唔錯

美國肥牛 - 叫錯咗呢個肥牛添

手唧蟹籽麵

田園菜籃

Asahi X 3 支 (大) - Ivy 兩公婆好飲得   里奧大人飲咗大半支都話夠   我最勁   飲咗兩啖   所以最後都係叫咗罐忌廉      

( 11-JAN-2015  SUN )

今朝要番教會   所以 10 點起身   鬧鐘響咗都懶床 10 分先起捨得起身   下次真係唔可以咁夜瞓呀 ~

食完早餐   抖陣就番教會 lu ~

崇拜完畢之後   我要留喺教會參加事奉聚會   所以里奧大人就番屋企喇 ~

1 點開始講下一陣程序係點   之後就食嘢 lu   1 點 15 分至 45 分就係用膳時間   教會安排咗沙律同三文治   我食咗芝腿治同小小沙律   又同啲教友傾偈   好似講幾講就要番入去開會咁   哈哈 ~ 

依家教會越來越多人   以前都做過司事係好簡單   依家要好有程序去做   有啲壓力   哈哈   因為編咗下星期到我做嘛   好在有組長跟住   唔係做錯就唔好啦 ~   

2 點半搞掂   約咗義工隊 2 點 45 分喺大堂集合   祈禱之後就出發去老人院探訪婆婆喇 ~

原定 3 點   今次遲咗少少   3 點 10 分先到   我哋主要探訪對象係婆婆   不過婆婆就啱啱病完   所以無咁多嘢講住   而個女就好多嘢講喇   咁啱個女喺我嗰邊   我就負責同個女傾偈   咁可以了解婆婆咩情況   而其餘 3 個義工就同婆婆傾偈   差唔多完結嘅時候   組長就將話題集中喺婆婆身上喇 ~

原定 30 分鐘   最後用咗 45 分鐘   所以下次要好好再運用啲時間喇   最搞笑係我哋去到探婆婆屋企   都無介紹到自己就開始傾偈   最後係個女問我哋叫咩名 ?!   我哋先記得介紹番自己咋   好在尋日約婆婆嘅時候   我都講咗自己係咩教會同咩名   唔係以為我哋白撞呀   哈哈 ~

探完婆婆就要再番教會寫事後檢討喇   今次探訪過程非常之順利   婆婆同阿女又好依靠主讚美主   真係好感恩   起碼唔會抗拒 ~

最搞笑我負責寫報告嘛   牧師話我哋咁開心   以為我哋玩遊戲呀   咁之後牧師又望住我好耐   我以為佢想搵我   所以問佢做咩 ?!   佢話見我笑得好開心   比我吸引住   哈哈   話好難想像係寫緊探訪檢討報告   寫得咁開心喎   為我哋感恩   事奉工作做得咁開心   係呀   我都覺得真係好開心好開心   好感謝神嘅帶領 ~

搞掂哂都 5 點 lu   行嚟行去好熱嘛   所以塊臉實會紅卜卜   去到屋企大堂   管理員又話我皮膚好好   白裡透紅喎   又問我用咩護膚 ?!   我話塊臉肥嘟嘟   睇落咪滑囉   哈哈哈哈 ~   

今晚約咗 Ivy & Jack 兩公婆打邊爐   所以我番到屋企一陣先   一入屋見到里奧大人熨衫   又開機洗衫   算佢啦   肯自動自覺做嘢 ~

5 點 45 分又要落樓去稻香 lu   因為約咗 6 點嘛   食下傾下   8 點幾走   但阿 jack部電腦用唔到   所以一齊上佢哋屋企   里奧大人同 Jack 整電腦   我就同 Ivy 傾偈   差唔多 10 點   里奧大人終於整好哂部電腦呀   實在太感恩喇 ~

番到屋企即沖涼   之後真係休息喇   睇下電視   11 點瞓添喇 ~