焗叉燒 + 蒜蓉炒豆苗 ( 7-JAN-2015 )

( 7-JAN-2015  WED )

今朝落毛毛雨呀   但就唔係話好凍咁囉   不過天陰陰就唔係咁好啦   會令到個人無咩朝氣咁   哈 ~

超級勁餓呀   所以食米粉餐   但食唔落牛油方包   咁都好喎   留番 Lunch ~

菇場唔忙喇   有啲唔慣添 ~

Lunch 食麥皮 + 方包   勁似病人呀   不過朝早食得太飽   差唔多 1 點半先食呀   好在所有大粒唔喺度   呵呵 ~

忙咗陣又 Hea 等放工 lu   今晚唔駛買餸實在太好   但番到屋企都即刻預備晚餐 lu ~

差唔多 7 點搞掂   咁自己食先喇   咁里奧大人 8 點放工   我就落去徑步   今晚徑咗 25 分鐘咋   真係未夠喉㗎   但趕住番屋企煮麵比里奧大人食   唔係再徑耐啲 ~

是日晚餐 - 焗叉燒 + 蒜蓉炒豆苗  

焗叉燒 - 無去之前買開嗰檔買梅頭就出事   我明明話要半肥瘦梅頭   我無睇佢切咩嘛   所以番到屋企先知應該係五花腩   因為有層豬皮   同埋一層好厚嘅肥豬肉   呃人嘅   以後唔幫襯佢 ~        

蒜蓉炒豆苗 - 星期日買咗 2 斤   到依家先食   煮埋都好多   不過我好鍾意食㗎   今餐食咗 1 斤都有   其他就比里奧大人同留番做 Lunch Box   里奧大人唔鍾意食菜   次次食唔哂都話飽   但個麵又食得哂   我話食麵點都會飽過食菜啦   食麵又食得哂嘅 ?!   既然你成日話 "最鍾意食菜"   乜唔係應該會食哂啲菜先嘅咩   頂佢   食剩少粉就快快食埋去啦   麻乜煩   我想沖涼嘛   之後叫佢 5 分鐘內好食哂   唔好阻住呀   麻乜煩   我遲啲一定會煮多菜少肉   話鍾意食菜嘛   一片肉都驚妳話嫌多呀 ~

沖完涼都無哂 Mood   見到佢個樣都憎   連電視都無心機睇呀   麻乜煩   所以 11 點即瞓喇 ~