泰感動 @ 曼谷。泰國 DAY 3 (PART 1/3) ( 27-JUN-2016 )

( 27-JUN-2016  MON )

尋晚瞓到半夜又熱醒   但其實冷氣開到 21 度㗎喎   不過我一伸對腳出被又好凍囉 ~            

今朝 8 點半起身   沖涼之後又落去食早餐喇 ~

天陰陰

今次坐入面

唔同嘅果汁

新鮮打嘅果汁   蜜瓜汁就擺件蜜瓜咁呢   橙色係 Mix 㗎   但相隔一個月   我完全唔記得係咩汁   好似紅蘿蔔加唔知咩

好想食乳酪   但最後都係留肚食其他好啲   呵呵

如果我食呢啲   咁肯定我真係食厭佢哋啲食物 lu

突然間好想食果 Jam 多士   因為想試下佢哋啲面包好唔好食   不過最後都無食

甜甜酥   今日有新款   就係左下角嘅藍莓蛋糕   之得拎比里奧大人食啦   試下好唔好味嘛

芝士呀  左手面嘅芝士又唔同咗款   如果我讀書係咁好記性就好 lu

居然有 Parma Ham

酸嘢呀   覺得好開胃   呢排可以食到酸嘢   以前食得太酸會胃痛㗎

沙律區   無粟米粒嘅   嗚嗚嗚嗚

朝早食沙律   都係清清哋好啲   如果夜晚食就一定加蝦同雞肉   咁樣飽啲   哈哈

我離遠睇 Fruit Yogurt  以為係紫洋蔥沙律呀

估唔到有一個真嘅火爐

屋企廚房咁大就好喇   哈哈

食物枱真係好乾淨   唔會有跌出嚟嘅食物

晚餐   哈哈

印度咖哩角 ?!   我好飽喇   唔係都會試一隻

如果係南瓜湯   我就會飲

雞湯都幾正咁   我見有個男人拎一個好大嘅碗 "北" 湯   我估佢應該係住客而唔係遊客   我之後都見到個鬼婆拎膠盒嚟裝炒飯同生果   唔知點計嘅呢 ?!

今日無咗鹹蛋   轉咗做魷魚   下次再嚟 Marriott   真係咩都要試少少先

我拎食物   里奧大人就多數影下相

我哋今日坐呢個梳化位

又拎隻金毛出嚟影   好悶嗎 ?!

成日偷影人   衰到爆囉   之後就同阿 Mi 佢哋講   話我食好多好多嘢   哈哈

我嘅早餐

濃濃嘅咖啡   再加 2 杯果汁   如果咁就飽就好咯   真係慳番好多呢   哈哈

原來比錯粉絲   我明明話要米粉㗎噃   我食咗好少咋   因為上次食完粉絲   個胃即刻好脹   所以比里奧大人食喇   唔好嘥嘛

仍然係我嘅早餐   炸魚唔好食

哈蜜瓜 + Prama Ham 正呀   加埋芝士餅    其實唔駛驚肥   我咁大食   但係都無增磅番嚟   因為成日出去行   又出哂汗   真係咩都消化哂

有 Prama Ham 沙律添呀   我無啦啦好想食加咗醋嘅沙律菜   完全唔係以前嘅我   哈哈

好掛住曼谷嘅雞蛋

有蛋味又唔腥   所以我叫里奧大人都食隻呀

Pancake 口感唔得

里奧大人自己拎嘅早餐   都話佢求其啦   啲咖哩汁掂到件窩夫   我接受唔到啦   所以我好驚佢夾餸比我㗎   混醬我接受   但混汁就唔接受到囉

9 點 45 分都開始靜 lu   但佢哋仍然咁忙

食到差唔多 10 點就番上房喇   抖到 10 點半就出發去大皇宮喇 ~

見到金色屋頂   所以 Zoom 去影張相   唔知係咪住宅呢 ?!   而佢前面間屋頂都好得意   好似香港嘅村屋   但天台就唔會攞嚟用   可能地方已經好大   根本唔需要用天台擺嘢呢

影下佢

撞哂色

仍然天陰陰   咁都好   無咁熱呢

依家房間都有 Wifi   之前係無㗎   所以實在太愛 Marriott 喇

天書唔少得   我真係唔想成日上網搵資料   不過咁   如果想去嘅地方   我都會上網搵齊資料   之後再比里奧大人睇睇   咁等佢知會去咩地方囉

10 點半出發   打的去 Saphan Taskin BTS 站   因為睇到個 APPS   打的同坐 BTS 價錢差唔多   但時間快一半   咁就試下啦 ~

Sukhumvit 真係多咗好多車呀   仲要等咗 5 分鐘先有的士   勁驚搭唔到車囉   但無理由頭先唔坐 Shuttle   要自己行番去 BTS 站家嘛   所以係咁行前睇有無吉的士囉

呢座 Building 好靚   搵晚行去睇下係咩來先

里奧大人話塞車呀   我話塞車唔緊要啦   我見啲車都會郁   應該唔會塞好耐   同埋可以睇下嘢都唔錯吖

到商業區了   波浪型設計幾特別   佢隻手拎住啲咩呢 ?!

相比之下   覺得呢座 Building 薄切切咁   哈哈

坐咗接近半個鐘   差唔多 11 點就到 Saphan Taskin BTS 站   即係同坐 BTS 嘅時間一樣   哈哈 ~  

人車合一

好多雙條車

沿途有啲檔口仔

行前少少有座廟宇

一列雙條車   我話係酒店嘅雙條車   但里奧大人話唔係囉   咁又係   如果酒店用呢架車嚟接我   我都應該打個突嘅   哈哈   右手邊幅塗鴉好正呀   如果影到哂成幅就好 lu

經過呢度有陣陣酸叔臭味   我好佩服佢哋可以食到嘢

行番去 Saphan Taskin  BTS 站   所以其實搭 BTS 仲方便   哈哈哈哈

我問里奧大人   點解有綠色同藍色線   佢話係 BTS 同 Skytrain 嘅分別   我真係完全唔記得喇

又見到白鴿

我哋由 Exit 2 方向行去碼頭

11 點 15 分去到碼頭   因為唔知點搭船   所以左問問右問問   問完之後   咁啱 11 點半有船開   感恩感恩 ~    

到喇

買船飛嘅位置

我哋唔需要 1 Day Pass

11 點半開船   11 點 50 分落船   因為我哋想去鄭皇廟影下相   原來要 50B/人   仲以為係 Free 添 ~   

坐呢隻船

40B/人   開咗船先 Check 飛   真係好奇怪囉

都坐滿人㗎   有個男人周圍幫人影相   似做 Record 多囉   因為影完之後佢都番埋位   無叫人落船去買相呢

有講解員介紹景點特色

我好鍾意呢條褲呀   質地非常之舒服   仲要只係 200B   下次會再買多條   呵呵

開船無耐   聽到後面 "沙" 一聲   原來後面個香港男人開樽裝可樂呀   之後佢仲將樽可樂向前   好在無整濕我哋囉   咁里奧大人即開張濕紙巾比佢   但佢哋只係抹自己身上嘅可樂   無抹番個地下啲可樂   咁成地下都立黐黐囉   無公德心 ~

經過嘅地方

呢間屋都好殘舊喎

到 N5 喇   但無乜人上落船   應該好多人都係去大皇宮呢

繼續向前

裝到係 N8   即落船喇

落船

其實坐唔夠 10 分鐘就到 N8

跟人行

望到對面嘅鄭皇廟

行去買飛過對面海

一奧當先

3B/人

已經 11:40 了

等上船

搖搖晃晃最驚   所以一定要扶住   哈哈

唔似船嘅船

里奧大人成日就咁放低個背囊就去影相   我話成個背囊跌落海就慘啦   所以我一定捉實囉

唔記得點解最後會坐呢個位置添

無位座就企啦

仍都可以坐出面的

介紹單張

飄過對面只係 3 分鐘

個個景點入口一定有飲品賣嘅

去鄭皇廟喇

入場要 50B/人

行喇

我同里奧大人講話啲相影出嚟好暗呀   睇唔到影咩   佢叫我校曝光補償   我睇完自己部相機   之後問佢邊度校曝光補償   我真係完全唔記得呀   佢話即係 +1-1   仲話我太耐無用相機   哈哈   不過依家都無行山   真係好少拎相機周圍影囉   同埋發覺用手機影真係好方便   出嚟效果又唔錯   佢話梗係啦   V10 呀   但其實我真係唔知 V10 影相係靚   因為我唔會睇手機資訊   總知佢送咩機就用咩機囉 ~

又影到隻鷹   但當時唔見㗎喎

校咗 +1 就好好多喇

屋頂好靚

守護神 ?!

其實太光又唔好睇    但太暗又乜都睇唔到

行入去睇喇

再去另一個入口

入到去係咁嘅

估唔到無人

設計好靚呀

另一邊

好復古 Feel (廢話)

底部好靚

頂部都好靚

繼續行

無行入去睇呀

唔知佢地做緊咩呢 ?!

有個唔知咩人像

個個都瞓緊覺

又行另一邊睇   比咗 50B   所以乜都行去睇呀   哈哈

呢日未完㗎 ^^