KFC @ 九龍灣 ( 18-JUN-2016 )

勁鬼熱   所以今晚豪啲   加兩蚊雞轉大汽水   飲到 2/3 真係好鬼飽囉   但無理由唔飲哂   下次都係唔要加大 lu 

家姐問我食咩   我話 KFC   之後佢話佢只係食炒飯   咁我話剩咗 1 件雞   佢話想要呀   因為工人鍾意食   如果佢早啲問就更好   可以買多份比佢嘛        

( 18-JUN-2016  SAT )

呢排瞓得好差   瞓咗陣又醒   醒完又要好耐先瞓得番 ~

9 點都醒咗喇   喺廳睇下雜誌   里奧大人 9 點半都話起身食早餐 lu ~

食完早餐就番屋企沖涼   之後坐巴士出去旺角周大福商業中心整手機 ~   

有隻唔知熊貓定狗仔圖案   又幾得意喎   其實呢條路成日都望到   但就無留意有咁嘅圖案囉  

11 點半出到旺角   上到 LG 維修部都 11 點 45 分   感恩有位坐咋   因為上之聽阿 mi 講話要等兩個鐘呢 ~

里奧大人真係當我細路仔咁   我都已經帶咗旅遊書睇行程   之後我話睇到好攰   佢就即開 Minions 比我睇   咁頭先行去巴士站   我話今日真係好焗   佢就好緊張話唔記得帶把風扇仔比我   係咁話唔好意思   我話都唔關佢事 

去埋星際睇嘢   之後買咗把風扇仔比媽咪工人   希望佢鍾意啦 ~

$40 又抵喎   

又未餓   所以行陣 H&M 先去食酸辣米線   衰奧陪我行女裝就係咁放蚊   咁我醒啦   叫佢自己行去睇男裝   之後佢成個人醒哂呀當堂   一支箭咁走咗去唔知邊 lu ~

豬軟骨酸辣米線 (中辣) - 辣到我呢   所以我比啲辣湯比里奧大人   佢又比番啲無咁辣嘅湯比我   哈哈   但都好鬼辣啦   嗚嗚   

紫菜豬腩片酸辣米線 (小辣) - 真係一啲都唔辣囉   好在有我啲辣湯底撈番勻   呵呵   

呢排勁想買 G-Shock   所以周圍行下   諗住上樓平啲   但啲款都唔靚嘅 ~

之前已經見到有塊嘢喺空中度飄來飄去   仲以為係汽球添       

原來係呢個整出來嘅   

條街勁焗熱呀   所以買埋芝麻糊就即坐小巴番屋企喇 ~

里奧大人買 3 碗   話一碗 $25 㗎 ?!   我話唔知喎   好似無咁貴㗎喎   不過可能加咗價啦   同埋頭先佢問人幾錢碗先啱嘛   問我無用   哈哈       

7 點半落樓去食嘢   食完行陣就番屋企沖涼   今日真係好鬼熱   所以沖完涼真係舒服哂呢 ~

10 點落樓去拎嘢   因為家姐頭先車完麥包睇醫生   因為發燒呀   要吊鹽水同留院   最緊要唔好係敗血病就得喇   之後就想我拎埋啲嘢比媽咪工人   咁無問題啦   我聽日都見到佢嘛 ~ 

睇下電視   我同里奧大人講話聽日唔番教會   我瞓得唔好   想瞓到自然醒 ~

今晚 12 點幾先瞓   但其實一啲睡意都無   但點都想試下瞓唔瞓到囉 ~