今朝 8 點半起身 又係半夜熱醒 瞓得唔係咁好囉 但都好在精神 沖埋涼就落去食早餐喇 ~
氣溫只係 26 度 可能涼過香港添呀 哈哈
呢座住宅勁正呀
炸雞好似好正咁
唔記得係紅咖哩雞定魚
Fried rice prawn with chilli paste - 一見到 Chilli 呢個字 就覺得好好食咁 哈哈
Stri-fried wide rice noodles with chicken (Phad see ciw) - 個名好長 其實即係泰式炒河粉 呵呵
其實我都鍾意食 Potato with bacon salad 但早餐就唔會食囉 因為好飽肚
哈密瓜汁 / 西瓜汁 - 今朝啲果汁都好寒涼下喎
居然有 Passion Fruit
Aloo Tikki 唔知咩來 以前真係乜都夾咗先 依家唔會喇 肯定自己食哂先會夾囉
麥皮呀 我一定唔食 哈哈
今日有 Black sesame smoke salmon
又 Potato Salad
無人等喎 咁就我嚟啦
食食下早餐 有個小朋友跌爛水杯 個職員即刻走埋去 同個小朋友講 Is OK Is OK Be careful 之後就再執玻璃 睇得出佢好緊張個小朋友咁㗎 反而佢媽咪無咩反應 ~
我嘅早餐 Roasted Chicken 唔好食嘅 粉同飯都好食 但唔可以食咁多 太飽肚喇
拎比里奧大人嘅米粉 之後我都食咗一碗
又再影米粉嘅份量
我又再食喇
名副其實芝士餅 我食咗幾塊添呀 肥死 之後整塊比里奧大人食 佢都話正 哈哈
真係好好味呀 所以聽朝會再食 哈哈
試新嘢 我知食芝士會好漏 所以我食哂所有嘢先食 Passion Fruit 我用匙更壓哂啲汁出嚟 酸到呢 不過覺得勁正呀 哈哈 當堂無咁漏呀
里奧大人話啲桶係擺到直線一條 同埋頭先留意到 如果張枱有人坐 佢哋會拎走個大黃色桶呢
今朝坐呢度食早餐
我本身一早諗住行上去睇下咩來 不過好似搞緊 Function 所以無得上去影相
老實講 第一次上樓見到佢哋部 Lift 覺得勁老土囉 完全無諗過呢間 Apt 係咁正㗎
里奧大人搞肚痛呀 唔知係咪尋晚食咗杯芒果布甸 因為我無食嘛 佢仲食哂成杯 話明有殺蟲水味都可以食哂成杯 我有啲暈 ~
2013 年 Keep 到依家㗎 諗住問佢仲有無得 Free ?! 但依家已經電子化 呢張 Free Coupon 都無用 lu
灰灰暗暗
影下廚房
都好多個廚櫃
好多杯杯碟碟
飲茶嘅又有另一套杯碟
整蛋糕用具都有
喺呢度住咗 3 次 但係我前晚先知垃圾桶喺櫃入面咋 我成日同里奧大人講話好奇怪無垃圾桶 原來收得咁密
有 20 隻匙更
撞哂 所以我鍾意 Marriott 係有原因 哈哈
10 點 45 分落去等 Shuttle 開 因為我驚無位呀 但又唔想行 ~
可以坐 4 個人
今日室內活動 落雨都唔怕 但最好唔好落啦 哈哈
28B/人 即係 HK$6.20 坐 4 個站咋 其實搭 BTS 都唔平
11 點 15 分 lu
個失明人士拖住 Security 而個 Security 仍都慢慢慢慢咁行
曼谷又係好多地方都起緊新嘅 Building
紅色座 Building 好似係新開無耐
11 點半去到 Chit Lom 就即兌換錢 今次唱 HK$2,500 (11,250B) 希望夠用啦 ~
好嘢 仍然係兌換 4.50
紅紅紅 今日同呀奧一齊咁啱着紅色 下次都係咪搞 哈哈
望到馬路 有啲腳軟
影夠就行喇
我好似吸緊啲紙咁 哈哈
影下馬路
我覺得好少機會見到巴士
繼續行 無乜人真係好舒服 因為星期六係好多人行
見到有條罅位 我同里奧大人講話 如果攰起來坐低 將部手機就喺度 唔小心跣咗落去就慘 因為無諗過會有罅囉
食飽喺度跑 3 個圈都唔錯
我覺得佢哋好似樣
對面係 Big C
慢慢行 因為個商場好焗呀
唔知學煮啲咩呢 ?!
我好鍾意電話亭
我會走去按下啲制 實在好鍾意按制呢
@ Isetan
一定要行入去睇啦
以前見咩都會買 依家真係諗清楚 再問問里奧大食唔食先買 真係唔想嘥嘢 磁場開始貼近阿 Mi 又酸又唔嘥嘢 但點解我仲係唔識煮嘢嘅 ?! 哈哈
我覺得街邊檔口都有筍嘢
熟悉嘅路 呵呵
2 個人就已經霸哂成條路 lu 所以一多人行就好危險 啲人會行出馬路邊呢
經過呢條河
佢哋雙對望 哈哈
係好有特色 但天氣咁熱 真係唔會坐喺呢度食囉
@ Platinum
Platinum 有 3 個 Zone 可以行一日
總知見到啱就買 唔想再番轉頭搵
開始行喇 其實無咩男人行咁 哈哈
無直身鏡 所以里奧大人影完就比我睇 呵呵 600B/2 件 所以買咗 2 件
細細間嘅舖頭
喺呢度買咗 3 件 Tee 600B/3 件 係咪抵呀 ?!
繼續行
披肩 100B/條 買咗 5 條
長袖 Tee 就 300B/件 我買咗 3 件
眼罩好抵 但摸唔到質地就唔敢買 因為好驚會好焗呢
行去 Zone 2 喇
里奧大人行行下話送個公仔比我 我一望右手邊 發覺勁似之前好興嘅鬼公仔 所以叫里奧大人唔好再亂指同亂講嘢
得意就得意 但一定唔會買囉
1000B/2 件 所以買咗 2 件 老闆娘話我唔肥呀 勁識做生意 哈哈 咁里奧大人負責比錢同拎嘢家嘛 老闆娘話佢係 Bodyguard 之後里奧大人同我講 話老闆娘問佢係咪 Come from Malaysia 哈哈 上次又比人問係咪泰國人 唔通尋日去完大皇宮 所以曬黑咗 ?! 可能我日日望住 唔覺佢黑咗啦 哈哈
想買錶好耐 見到 200B/隻即買
因為我要校短條銀帶 所以里奧大人負責昅住 哈哈
我鍾意呢隻色
1 點半有啲攰 我話最衰無咗 Black Canyon 啦 唔係飲杯咖啡都好 之後里奧大人話喎 我要嘅嘢 佢實搵到比我喎 原來佢知道搬咗上唔知幾樓 ~
放個咁大嘅垃圾桶喺度 就唔係咁好啦
Black Canyon Frappe (80B) - 其實我想飲熱嘅 Black Canyon 因為想食啲餅乾仔 如果好味就買番香港 但里奧大人買錯咗沙冰比我 不過我都無所謂 反正未試過 里奧大人飲 Orange Juice (50B) 但原來係橙汁汽水 咁我抵佢好多 lu 呵呵
我同家姐每人一盒 Butter Coffee 我再買多盒 Brownies 比家姐
收貴咗 ?! Frappe 係 80B 里奧大人杯汽水係 50B 咋噃 但依家發現 已經太遲 lu
晚禮服
平日無乜人行 如果星期六日就好多人呢
呢邊窄啲 因為得 2 行階磚
又周圍再行啦 又見到頭先買披肩間舖頭 見到啲帽好抵 又去睇下 之後買咗幾頂 唔記得比錢就走 咁諗住比嘅時候 我又睇到其他披肩 咁又買啦 之後又唔記得比錢就走 唔怪得老闆娘佢兩次個樣都咁驚啦 哈哈 ~
70B/件 抵喎
地方簡陋 但有筍嘢買 呵呵
藍色 Pattern 係150B/條 我同家姐每人一條
好多 Crossover 衫 里奧大人問我買唔買 Minions 我話唔買啦 我都唔着嘅
抖咗半個鐘再買過 2 點半去 Food Centre 食嘢 ~
唔知係平日 所以無咁多人呢 ?!
其實用食物卡買嘢 都唔知算唔算方便
次次去買嘢食 都會行哂全場先 見到多人同乾淨就跟 哈哈
講 Number 最好 一定唔會錯
Noodle Soup with Beef Ball (50B) - 得 6 粒丸咋喎 呵呵
我見好多人食煲仔粉 所以喺呢檔買喇
我要麵條 紅燒肉丸子 (45B)
終終明白點解見啲人嘅湯底好深色喇 原來瓦撐入面係啡色
本來就係諗住唔食辣 但最後都要落辣椒粉囉 同埋估唔到有牛腩
勁想食木瓜沙律
里奧大人話我食咩佢食咩 點知買咗番嚟就唔食 話驚搞肚痛喎 我知佢想我食嘢 但如果唔食就真係要講嘛 呢碟食剩 1/3 呀 好嘥囉 但我真係食唔落
一包要 10B 就貴咯 得兩塊仔咋
呢日未完㗎 ^^
沒有留言:
發佈留言