住家飯 @ 家姐屋企 ( 4-JUN-2016 )

茄汁蝦 - 個汁好味呀   

蒸龍躉腩 - 我話想食魚   家姐話買龍躉腩好啲   因為啖啖肉   呢度好似 $100   我話都抵喎   一條鯧魚都要 $80 嘛   之後佢話第時去開街市買就買埋比我   不過我話唔駛啦   又要佢拎嚟拎去   第時去佢屋企食咪得囉    

豉椒炒蜆 - 我好飽呀   食咗 1 隻   

煎鯧魚 - 好脆但好鬼鹹   我初初以為食邊邊位   所以咁鹹   但之後食啲肉都係好鹹   我同家姐講話點解咁鹹嘅 ?!   原來佢話一個星期前諗住食   點知成個星期都 OT   等到呢晚先食到   咁唔怪得啦   我覺得真係鹹過鹹魚呀

乳鴿 (外賣) - 其實唔需要買都得   除咗龍躉腩   其他樣樣餸都食唔哂         

粟米餅 - 我話要食㗎   但我真係好飽   食咗 1 件   所以好後悔食大爆谷   之後食唔落晚餐  

西芹雲耳炒鮮魷 - 又係我話要食西芹   因為我唔識煮嘛   家姐覺得好出奇   大佬   我識煮好少嘢㗎咋   

老黃瓜豬骨湯 - 我話想飲祛濕湯水   家姐話煲老黃瓜     

( 4-JUN-2016  SAT )

今朝瞓到 8 點先起身   食埋早餐   估唔到無遲到喎   呵呵 ~

菇場唔忙   其實覺得呢日番工真係好無謂   根本個個都係上網等放工囉 ~

嗱   執定好哂嘢   熄埋電腦   搭正 1 點就個個一齊彈起身㗎   真係走火警都無咁快呢   哈哈 ~

放工真係要即走   好驚星期六坐巴士   啲班次超勁疏呢 ~

同里奧大人食完嘢就去睇戲   我地睇 2 點 20 分嘅 X-men Apocalypse (變種特攻-天啟滅世戰)   所以一定要喺屋企附近食   咁就唔駛咁趕喇 ~

豬仇家米線 (中麻辣) 爽脆豬潤 + 潮人咸肉 + 爽脆豬耳 + 香茅骨 + 韭菜 + 芽菜 + 腐竹 - 今次好麻辣   個咀唇麻到痺咗 

招牌十式米線 (小麻辣) 手打肉丸 + 墨魚丸 + 爽滑牛丸 + 韓風泡菜餅 + 冰豆腐 + 百葉結 + 雪場蟹捧 + 珍珠雲耳 + 鮮雞柳 + 腐皮角 + 韭菜 + 芽菜 + 腐竹 - 里奧大人話湯底完全無味   加埋佢啲餸本身無味   所以佢係咁講話無味   我話比啲湯佢   佢又唔要

好開心呢日   好想食嘢呀   哈哈   所以買爆谷食      

真係要雙手捧住架   中 Size 好似係 $36   大 Size 好似係 $43   所以要大嘅抵啲   但真係好似食極唔完咁   勁辛苦   到最後都係食唔哂要掉   唉              

睇咗 2 個鐘頭 20 分鐘   又幾好睇喎   唔係就好難捱   哈哈 ~

睇完就番上屋企拎嘢比家姐   之後再番咗媽咪屋企整嘢   搞掂哂就搭巴士去家姐屋企   去到都差唔多 6 點半 lu ~

眼啤啤嘅麥包

啤咁耐㗎   哈哈  

點都唔望鏡頭

B 仔老咗好多咁呀   同埋家姐話呢晚佢抖氣好辛苦咁   但工人話佢緊張就係咁喎   

姐夫今日放假   所以唔打邊爐喇   同埋今晚最主要係同媽咪工人 Farewell   如果打邊爐   佢實唔敢食嘢   哈哈 ~

佢成日同家姐講話媽咪唔喺度   唔想留喺香港做嘢   家姐話梗係唔得啦   要賺錢嘛   做多幾年   賺夠錢先番印尼呢   所以佢真係好錫媽咪   有呢個工人   真係我哋一種極大嘅福氣   所以我成日都同佢講   佢唔做之後   我當佢係親人㗎喇   有咩嘢都唔駛驚   我哋能力幫到實會幫   我最緊要佢做得開開心心   始終新環境係驚啲   自問我番新工都驚啦   做耐啲就習慣   最緊要唔好咁緊張   記住自己日常要做啲乜就得㗎喇 ~     

B 仔甩哂牙   好似朱朱咁   所以真係老喇   希望佢健健康康呢    

叫里奧大人用哈蜜瓜引麥包望鏡頭   里奧大人係咁大力 Fing 嚿哈蜜瓜

我地傾下食下   再食埋生果又 8 點幾   抖到 9 點幾都走喇   家姐車我哋番屋企 ~

一大盤哈蜜瓜   真係十個人都夠食   哈哈

沖埋涼就休息   里奧大人就睇狼牙捧   我 11 點幾都入房瞓先喇   由得佢好好享受自己私人嘅時間呢 ~