原隻鮑魚竹筒糭 + 蓮蓉鹼水糉 + 腐乳唐生菜 ( 6-JUN-2016 )

隻糭原先喺竹筒入面   但因為我拎咗隻糭出嚟   所以放番入去   但糭葉就包唔番哂隻糭   咁唯有放喺碟度蒸囉   原來會塌哂落嚟   樣衰衰添      

蘸沙糖食   當甜品  

( 6-JUN-2016  MON )

尋晚半夜三更落雨   比落雨聲嘈醒   之後里奧大人鬧鐘響   6 點 15 分咋   佢應該教錯鬧鐘囉   最慘係我差唔多 7 點先瞓得番   所以我好怕半夜醒   一醒好難瞓番 ~

一起身即問里奧大人做咩鬧鐘會響嘅 ?!   佢話校錯咗   因為轉咗新電話   唔識點用 ~

菇場唔忙   感恩又唔係太眼瞓喎   做埋個 Report 就可以 Hea 過喇 ~

今日係媽咪工人去新僱主屋企   所以我都好擔心佢   朝早又落大雨   拎埋行李仲更加煩   好在家姐陪佢搭地鐵   佢哋分手嘅時候   工人又話媽咪唔喺度   唔想喺香港   又話唔捨得家姐   家姐話工人眼濕濕想喊   之後見佢拎紙巾出嚟   咁都即係喊喇   好在我無送佢車咋   唔係喊死我都似   其實我都好唔捨得佢   所以我叫佢一定要搵我   仲要過年一定要搵我   我要派利是比佢   佢同家姐工人都好 Frd   佢哋之後都會見面   咁都好   我可以買嘢比佢哋一齊 Share 食   我最驚工人食唔飽   所以我都特登買朱古力同餅乾比佢   呢啲夠飽肚嘛   希望佢做得開開心心啦 ~

Lunch Time 落大雨呀   所以食麥皮算喇 ~      

忙下又停下   開始有啲餓   好在買定個菠蘿包   唔係太餓會眼瞓呢 ~

放工去街市買餸   買完就番屋企預備晚餐 ~

浸完菜就煲青木瓜水比里奧大人   之後抖陣   里奧大人 7 點放工   佢放工多數 Line 我   咁佢用 I-fly 嘛   佢無啦啦 Send "狗肉湯"   咁啱我 Send 咗 Shopping 公仔比佢   以為佢串我啦   之後佢再 Send "九龍塘"   哈哈哈哈   原來狗肉湯即係九龍塘 ~

今晚只得單爐頭   所以要把握時間呢   因為菜同糭都係蒸呢 ~   

是日懶餐 - 原隻鮑魚竹筒糭 + 蓮蓉鹼水糉 + 腐乳唐生菜 

原隻鮑魚竹筒糭 + 蓮蓉鹼水糉 - 喺鴻星拎架   味道一般啦 ~     
 
腐乳唐生菜 - 勁想食腐乳   所以整唐生菜   今晚里奧大人不停夾菜   因為佢都鍾意食腐乳   如果平時就咁甜豉油呢   佢真係唔會係咁夾菜食囉   之前同表哥佢地講話我買 1 斤菜   佢哋話多   里奧大人即時和應話係啦係啦   但我話真係食得哂㗎喎   我次次買菜都係買 1 斤嘅   真係唔覺得多囉 ~

搞掂哂就沖涼   呢排個咀唇又好白   所以食士多啤梨補補血   本來想買車厘子   但去咗 Taste 兩日都唔見有   MP 又唔靚   咁唯有買士多啤梨啦 ~

里奧大人睇狼牙捧嘅時候   話今日晏晝好攰呀   瞓咗 20 分鐘   所以今晚唔再追狼牙捧喇 ~

我自己 11 點唔夠都瞓喇   瞓到就瞓   但最奇怪有時一覺瞓天光   到起身都好眼瞓咁喎 ~