泰感動 @ 曼谷。泰國 DAY 5 (PART 1/2) ( 29-JUN-2016 )

( 29-JUN-2016  WED )

今日要番香港喇   好唔捨得曼谷添 ~

8 點半起身   沖完涼又落去食早餐喇 ~    

29 度嘅天氣   真係好舒服

每層有兩邊 Lift 嘅   所以次次一出 Lift 就會望下門牌指示先   因為里奧大人之前試過開錯人房門呀   好在房入面無人咋

我覺得真係老老土土咁㗎喎

右邊係 French Toast

Spicy squid salad 好正咁   所以拎一杯試下先

Roasted chicken

油炸鬼   其實真係好想食   但驚唔脆好難食   所以最後都無試

估唔到有叉燒包同燒賣

Red cabbage with pear salad

Salami beef

無咗 Chedder Cheese   無得食芝士餅 lu

超勁鍾意呢啲大兜   如果唔裝食物   用嚟裝散銀都唔錯   裝滿哂就發達喇   但講明唔可以裝毫子   哈哈

蕃茄汁 / 菠蘿汁   兩樣我都鍾意

今次轉咗有雞絲同蝦同魷魚   但無咗長身嘅魚蛋

好多人 Order 雞蛋

今朝坐呢度

望出去是咁的   火紅紅   我鍾意呀

見到有人喺對面食早餐   我覺得要行好遠先拎到嘢食咁呀

里奧大人好驚再屙呀   所以飲茶   太可惜了   Marriott 嘅咖啡   每睇一次都好想飲一次呢

我嘅早餐

其實我只愛丸類   但都會樣樣試下嘅   最後一撃嘛   哈哈

再來煎雙蛋   我食埋蛋黃㗎   難得唔腥嘛

都幾辣   呵呵

里奧大人嘅清湯米粉

仍然係窩夫 + 咖哩 Roti

好想拎哂番屋企   哈哈

里奧大人好驚訝咁話   原來水有咁多唔同嘅寫法   嚇死我咩   以為有嘢爬緊

今朝有紅毛丹呀   所以拎幾粒食先

用刀切開一半   好過用手拻喎原來   但食到最尾   啲肉黐住啲核就最煩囉   食剩好多肉咁

10 點番上房喇   再 Double Check 所有嘢   又影下相咁   真係好唔捨得走   唔知點解   唔係好想番香港   可能心情仲未回復哂啦 ~

我夢寐以求嘅 Open Kitchen

最鍾意呢塊大鏡

我一定開住門㗎   次次去旅行   真係好多時都會睇到水上遊戲節目   不過我都好鍾意睇㗎   仲會睇到好鬼緊張添呢

我覺得關咗門嘅感覺唔係咁好   唔知點解

好在我堅持帶埋細喼同大量環保袋咋   哈哈

Marriott   我哋會再見㗎

佢哋自己排住隊行出嚟

阿 Pui 工作態度非常之好   希望下次可以再見到佢啦

11 點 Check-out 喇   有啲想喊嘅感覺   所以同里奧大人講話下年想再嚟呀 ~

好快搞掂   可以走人喇

今日主要行 Sukhumvit 區   幾次都無行過   真係要認真行下呢 ~

好在今日唔駛坐 Shuttle 出去咋   因為我無拎背囊嘛   咁我行出去影下相啦   點知相機無電呀   所以即刻行番去換電   但係頭先仲剩 2 格電㗎喎   搞咩一下子無哂電㗎 ~

一出 Marriott 轉左手面   認住呢隻大龍蝦嘅方向   就知係行去 Phrom Phong BTS 站喇

就係呢隻大龍蝦

我哋向右手面方向行   呢座 Building 都望咗幾日喇

繼續向前行

唔知咩植物來

呢邊好多高樓

The Davis Bangkok   原來係 Hotel 嚟嘅

成日喺 Emporium 等 Shuttle 嘅時候   都會見到 The Davis 嘅 Tuk Tuk

佢哋嘅 Tuk Tuk 都好靚

流動小販車

佢好好笑容

經過幾間按摩店

呢個標誌係話比妳知   妳已經到咗餐廳位置喇

行到半路望到個天灰灰暗暗咁呀   醒起無拎遮   第一日就係無帶遮變咗落湯豬   有陰影呀   但今日就唔變得啦   要上機嘛   無衫無毛巾比妳換   所以我話一陣要去 Big C Extra 買咗把遮先 ~

我同里奧大人講話係咪裝咗尿 ?!   佢話唔係呀嘛   咁又係   掛咁高都有難度   哈哈

電線陣

油站附近都有間麥當勞   正呀

又行番嚟呢度喇

頌通酒家係 4 點先開門

一陣去完 Big C 會再去對面嘅 Tesco

大馬路

士多

11 點 50 分喇

唔知有無人買嘅呢 ?!

做招牌嘅舖頭

我好鍾意行呢啲好舊嘅街道

12 點去到 Big C Extra   經過啲檔口仔   估唔到有最鍾意嘅裙款   仲要只係 100B/條   所以即跑去揀喇   買咗 4 條   好開心呀 ~

泊咗好多部電單車

有咩好睇呢 ?!

怪雞一堆   哈哈

好多嘢食

好想試中間彩色果盒   好似好煙韌咁   但我真係好驚勁甜   所以唔敢買   如果有得試食就好啦   哈哈

居然有車賣

都好多嘢睇

經過 Food Court

79/B 一件   唔買都摸下啲質地   睇下點解可以平得咁緊要   哈哈

終於買咗呢 4 條   100B/條   即係每條只係 HK$22   質地仲好舒服添㗎   真係喺馬莎買條底褲都唔得啦

我呢期好鍾意貓頭鷹   所以里奧大人一見到呢幾個袋   就問我要唔要 ?!   我話唔要   佢又會再問多次   好似好想我買   不過我唔鍾意呢啲袋款啦

里奧大人去到邊都鍾意睇筆   屋企起碼有 50 支原子筆   但佢都唔珍惜啲筆嘅   次次寫完就咁放番喺枱   唔會按番筆頭入去㗎   所以一跌就寫唔到啦   簡直浪費

199/B有一大桶筆   真係好吸引   但唔知好唔好寫呢 ?!

之後去 Big C 睇有無遮同香茅薑茶   里奧大人叫我千奇唔好買薯片   因為無位   不過我都唔會買啦   真係食少咗好多囉   我都係買比家姐多咋   不過最後咩都無買   所以轉場去 Tesco 睇下有無嘢買 ~

希望唔好落雨啦   哈哈

上條樓梯就行去 Tesco

呢棵樹有電線圍繞住   應該唔會咁易倒塌

如果我可以每日行 Big C 或者 Tesco 就發達咯   唔好講笑   每個場行 3 轉   真係可以當做運動㗎   咁鬼大地方

到喇

泰國人真係好尊敬泰王

我初初以為係免費曲奇餅呀

咁大塊   真係勁似囉

有好多呢啲檔口仔   20B/條毛巾   質地仲唔錯添   如果屋企唔係買咗新毛巾仔   我一定買番幾條番香港呢

男裝無興趣

發達喇   又係 100B一條   我叫里奧大人唔好周圍走   我要入去睇呀

最鍾意間條   但里奧大人就最驚我着間條   哈哈

買咗呢 3 條   里奧大人話完全係一樣款   哈哈哈哈   咁我就比個老闆   佢突然比番 100B 比我   原來我比咗 400B 比佢呀   其實佢唔比番我   我都唔知比多咗佢呢

原來呢間係銀行   我仲以為係診所   哈哈

又見到 Boots    里奧大人想買有番梘嘅淋浴擦   我話買啦   難得又有香茅味嘛 ~ 

呢間 Boots 好細間   不過都開心買到想要嘅嘢   買咗 260B

車陣

另一邊佈置到好似結婚場地咁

入去 Tesco 喇

又係好大間   真係好羨慕佢哋   有咁大地方買嘢

經過超市入面間藥房   即買膠布喇   手指尾好鬼痛呢

買咗 3 盒   總共 105B

罷工呀 ?!

59B 有 2 包真係好抵   可惜我唔可以帶妳番香港呢

我同里奧大人講話好似買咗過西瓜咁   哈哈

45B 係平過香港   但我覺得無以前咁好食 lu   所以更平都唔會買呢

里奧大人最愛嘅即食麵

即食麵牆紙

無時間研究係咩味道   我估都應該好味嘅   即食麵都難食   都好難搵   哈哈

MAMA 最出名

好想買 Pack 粉絲   但我上次食完之後   個胃即唔舒服   所以都有啲驚食粉絲呢

呢包薯片   好似 8 Kgs 米咁嘅 Size

145B 一包 5 Kgs 米真係好抵

凍肉區   唔臭喎   試過經過佳寶   佢哋放咗凍肉   一經過成陣臭味   真係好反胃囉

地方好大呀   香港人先會羨慕呢

104B 有 30 隻蛋   差唔多 HK$0.8/隻   唔係話特別平   因為街市都可能係 $1.x/隻   但就唔係泰國蛋囉

都算乾淨啦   我平時喺街市見到有好多蚊滋飛來飛去

酸咪咪

甜耶耶   底下桶大牛油   我估開餐廳先會買

呢度係買家品

我最愛嘅薯片

諗起表表   哈哈

我最鍾意薄荷嘢

里奧大人話抵   所以叫我買多啲

原來一個盒裝得 4 件咋

頭盔都有   不過好兒嬉

推咁大架車   只係買咗呢啲   買咗 376B

好多 Cashier   不過咁早   無咩人來買嘢

走人喇

經過 Watsons   膠布只係 32B 咋   所以再買 4 盒   唔係會心理唔平衡   其實想買 5 盒   不過佢無貨   因為我濕疹要貼膠布嘅話   一盒 10 塊真係好快用完呢

上機三寶

經過蛋糕店

630B一個蛋糕   唔知當地算唔算貴呢 ?!

呢日未完㗎 ^^