蕃茄海鮮意粉 + 西蘭花 ( 13-JUN-2016 ) + ( 14-JUN-2016 ) + ( 15-JUN-2016 )

( 13-JUN-2016  MON )

星期一喇   唔係咁精神係正常嘅   哈哈 ~

早餐食奄列   雖然都係大份   但比以前就細咗咁   依家啲食店都係咁㗎喇   加價但份量少咗 ~

菇場唔忙啦   做埋 Report 可以 Hea 過 ~

Lunch Time 未餓就出去行陣   行到 1 點先番菇場叮包食   尋日里奧大人飲茶食唔哂   我話拎比我當今日 Lunch   呢排口味好奇怪   鍾意中午食包   我以前最唔鍾意食包家嘛 ~

今日里奧大人 4 點半喺葵涌見客   所以 6 點應該可以番到屋企   所以我放工都即走喇   去埋養和堂買支雞骨草比佢   佢話呢排成日夜瞓   成口飛滋   鬼咩   成日追瑯琊榜   依家終於睇哂啦   佢可以早啲瞓 lu ~

番到屋企即預備喇   無耐里奧大人就番到嚟   我開門比佢   之後佢見我眼濕濕   我扮喊   但其實我係切緊洋蔥   哈哈   之後佢話叫我戴眼罩   我話唔好睇得我咁勁喎   戴眼罩都切到 ?!   我驚會切親手指喎   所以我話唔好以為煮餐飯咁簡單   成日煮咩都話食唔哂   依樣嗰樣 ~

7 點唔夠可以開飯   實在太好喇   咁樣多好多時間用咁呢 ~ 

是日晚餐 - 蕃茄海鮮意粉 + 西蘭花

蕃茄海鮮意粉 - 我好鍾意切粒粒洋蔥炒意粉㗎   爽爽哋好有口感   同埋又有益   開咗包急凍海鮮   蟹柳就最多   家姐最鍾意   我就麻麻哋 ~  

西蘭花 - 今日 Lunch Time 買㗎   好在買咗   咁樣今晚唔駛特登去買菜   可以慳番起碼 15 分鐘 ~

諗住食完出去行   不過條街好焗熱   所以都係沖涼算喇   開埋機洗衫就休息 lu ~

里奧大人話要早啲瞓   咁 11 點都瞓喇   星期一係比較攰啲咁呢 ~ 

( 14-JUN-2016  TUE )

尋晚發夢見到媽咪同朱朱   見到媽咪個樣只係白咗啲   好似搽咗粉底咁   我好記得問媽咪隻腳痛唔痛 ?!   佢話唔痛   仲話有坐車周圍去   仲多謝我哋比佢離開   嗚嗚   之後見到朱朱   我仲抱佢   佢肥到成隻龍貓咁   好得意   我抱佢貼埋牆   佢仲反白眼望住我   呢個夢都算開心   起碼夢見媽咪同朱朱都係健健康康呢 ~

唉   個肚谷住谷住   勁唔舒服 ~

早餐其實無胃口   但想飲杯熱咖啡   所以食多士啦 ~

終於每月一到   只係好鬼攰   但就有好少嘅痛   所以即刻食止痛藥   同埋最緊要千奇唔好有嘢做呀   我想抖下 ~

Lunch Time 嚟料   開始有啲痛   同埋想嘔   所以都係瞓覺 ~

之後又敷埋暖手包   但都唔舒服囉   又有啲痛同嘔   勁想番屋企 ~

放工即去睇醫生   好在之前掛咗號   一去就有得睇 ~          

里奧大人今日 2 點半出發去荔枝角見客   估唔到 6 點前番到屋企   咁都好   可以陪我   呵呵 ~

佢買叉鴨飯番屋企食   不過我唔食喇   即沖熱水涼   7 點幾入房瞓添喇   我覺得自己好勁   可以瞓到   哈 ~

( 15-JUN-2016  WED )

里奧大人今朝去大陸見客    不過佢可以 7 點 45 分先起身   咁都好   叫做瞓晏啲嘛 ~

我起身打埋番菇場請病假就瞓喇   仲諗住 OK 添   點知 11 點幾又開始痛同嘔   不過都預咗㗎喇   瞓得唔好又無運動   就多數辛苦 ~

唔知幾點   里奧大人番咗屋企   話姑奶拎咗啲橙比我   我仲以為聽錯   哈哈   佢好似上咗嚟屋企   不過我無出廳   照瞓覺 ~

瞓到 6 點幾都醒喇   聞到陣燒味飯味道   勁想嘔   所以都唔出去住   等埋里奧大人食完先出去 ~

9 點幾又入房瞓   但其實唔眼瞓   不過個肚谷住有啲痛   所以先瞓囉   希望瞓得好啦 ~