我嘅第 1 Round 一定係食啲酸嘢開開胃先
阿 Y 拎比我嘅凍檸茶
第 2 Round 食啲飽肚嘢 南瓜湯好 Creamy 同埋夠熱呀 阿妹果然無介紹錯
我食第 2 Round 嘅時候 里奧大人已經食甜品 佢話件朱古力蛋糕好食
第 3 Round 我特登拎蟹鉗比里奧大人 榴槤同樹葉 但我正想話比佢哋嘅時候 咁啱要去做嘢 所以叫里奧大人幫我比佢哋食 之後我番到埋位 里奧大人話榴槤話唔食 我話特登拎多啲一齊食㗎 所以榴槤最後都食咗 里奧大人就話鬼榴槤呀 話頭先比佢食嘅時候 話唔好比佢 但我比佢佢就食 笑死
我嘅甜品 一啖入口最方便
焦糖餅乾味雪糕 里奧大人就食咗雲厘拿味同咖啡味
食完甜又要食番鹹 哈哈 碟沙律加咗兩湯匙藜麥 因為我未食過㗎 阿妹又話粟米湯好好飲 估唔到又係好 Creamy 同好熱 但大家都唔敢飲咁多 唔想成日去洗手間 哈哈
( 11-OCT-2023 WED )
尋晚去完廁所 之後就成日記住旅行要做嘅嘢 但感恩都好快瞓得呢 ~
今朝早啲同里奧大人出去食早餐 食完就即去佢公司準備 ~
諗住食飽啲 但食剩一半通粉同丹麥酥 因為好頂胃咁 我覺得可能係緊張呀
8 點 45 分工作人員集合 但我哋 8 點半都到咗 之後見到榴槤同丸丸都到埋 其他就陸陸續續到集合地點 ~
今次有 10 個工作人員同百幾位長者老友記一齊香港一日遊 所以事前功夫要做足 每位長者同工作人員必須掛名牌 巴士座位就貼 Label 仲要安排午餐嘅枱號同座號 咁就一定唔會混亂 同埋唔會出現爭位坐嘅情況呢 ~
里奧大人開咗個群組 安排我哋每個工作人員要做啲咩 我同阿妹係最有默契 可能同佢由疫情開始拍住做嘢 加上我哋會留意埋身邊工作人員會做啲咩 如果我哋做得快 就即刻去幫手 團隊互相配合係最重要嘛 ~
10 點開始出發去赤柱 沿途有領隊小寶寶介紹香港嘅歷史文化 都幾生鬼 ~
我同榴槤一齊坐 里奧大人同樹葉一齊坐 最搞笑榴槤話坐第一行都唔係咁好 始終領隊開咪講嘢好大聲 想傾偈係無可能 哈哈 ~
雖然天氣報告話會有陣驟雨 但感恩今日天氣非常良好 ~
我今日主要嘅職責係扶住長者上車落車 即係做人肉扶手 比佢哋上落嘅時候捉實 其實係我會捉住佢哋隻手 等佢哋可以慢慢行落嚟 好在旅遊巴有張櫈仔可以放喺地下 咁樣上落真係方便好多呢 ~
去到赤柱 我哋工作人員本身都唔諗住行赤柱大街 因為都比較熱 不過最後都同阿妹兩個一齊行咗赤柱大街 哈哈 ~
今朝都好熱 但係好感恩有好天氣 始終今日都有戶外活動 就算落毛毛雨都好麻煩啦 老人家多嘛
食店好多都未開
VERY VERY HOT
里奧大人話我哋頭先明明話唔行赤柱大街 依家突然間又行 所以女人講嘢唔好信 哈哈
以前同里奧大人星期六或者假期入嚟 係好多人㗎
赤柱街市 店鋪
呢個塗鴉好靚
@ Raymond Deli Club Stanley
阿妹話我買咗嘢 所以先敢試食 我話其實唔買都可以試食啦 唔係做咩切到咁呀
我好鍾意霓虹燈招牌㗎 香港特色嘛
我走先影呢個路牌 哈哈
舒服
跑步一流
都係好多舖頭都未開
11 點半集合就出發去酒店食午餐 所以個個都好期待呢 哈哈 ~
我坐窗口位都幾曬㗎
坐車影㗎 都算清啦
今次講好寧靜 哈哈
個天灰灰暗暗 真係好驚會落雨呢
海洋公園嘅海馬標誌 影得唔太清楚添
平安符 ?! 都唔記得呢啲叫咩添
感恩車程都暢順 差唔多 12 點就到酒店喇 ~
里奧大人同榴槤第一時間去餐廳 因為要記住各人負責嘅區域
工作人員就安定哂所有人先開餐 今次我真係掛住做嘢多過想食嘢 始終照顧長者係我哋責任 同埋兩個鐘真係好夠食啦 ~
見個個長者都守秩序 同埋見到佢哋食得好開心 我都好開心呀 ~
我同里奧大人 榴槤 樹葉一張 4 人枱 隔離就係阿妹 阿 L 阿 Y 加 2 個長者 所以我哋好似坐長枱咁 哈哈 ~
雖然大家坐埋一齊 但好少傾到偈 因為榴槤 樹葉主力照顧班長者 又要幫手影下相咁呢 ~
我以前唔食呢啲 Cold Cut 但呢幾年又鍾意食
海鮮區
凍蝦都幾大隻
青口
唔記得叫咩螺
沙律區
甜品區 點影都得 因為唔會有人一嚟就食甜品 哈哈
菠蘿 / 哈蜜瓜
西瓜
麵包布甸
里奧大人一定會拎朱古力蛋糕
生日蛋糕 哈哈
芝士系列
焗撻
只供欣賞
炸芝士條
炸薯條
食得嘅麵包
粟米
香茅雞扒
唔記得係咩魚柳
我唔敢食刺身呀 因為依家好怕腸胃敏感呀 無謂影響大家嘅行程啦
海鮮沙律
菠蘿雞肉沙律
影嘅時候 我諗定最後一定要食布甸㗎 但最後唔記得拎 呵呵
白酒煮青口
匈牙利燴牛柳
唔記得咩炒飯
最愛嘅壽司 哈哈
黃蘿蔔壽司正呀 我見係無人拎的 哈哈哈哈
日式冷麵
日式螺肉 我睇完就覺得里奧大人一定拎嚟食 點知我番埋位 里奧大人真係有拎到
蕃茄沙律
湯粉麵區 好似幾正咁
菠蘿燒蜜汁火腿 我初初以為係牛扒
炒菜
豉椒魚柳 阿 L 話好入味 不過我無食呀
椒鹽蟹鉗
咖哩南瓜
唔記得係咩炒火腿
椒鹽蝦
差唔多 1 點 40 分 咁同榴槤一齊去洗手間 但酒店入面嘅洗手間好多人排隊 咁啱里奧大人啱啱去完洗手間番嚟 佢話上兩層都有洗手間 所以帶我哋去 我哋話里奧大人好似領隊 榴槤話里奧大人細心到連女洗手間都帶埋 呢句好笑 ~
真係唔好講笑 又搭扶手電梯又要行 都真係幾難搵 所以之後有個伯伯去洗手間 佢入去嘅時候 叫里奧大人要等埋佢呀 不過我哋都有個共識 就係最遲出洗手間嘅人 要留意有無其他長者未出嚟 有就一定要等埋佢喇 ~
都唔記得幾點出發 只記得好似 3 點前到山頂 ~
我好怕坐車上山頂 因為太多彎喇
山頂唔算多人 可能係平日關係
影完張大合照 其實剩番時間都唔多了 所以我哋工作人員都無話想周圍去睇 ~
因為丸丸帶老友記去洗手間 所以得阿 L 一個 我同里奧大人過去陪佢 咁里奧大人拎自拍神棍出嚟 話我哋一齊影張相吖 之後阿 L 話好呀 再捉住我手話我哋兩個一齊影張相吖 里奧大人就即刻轉番部手機幫我哋影 真係笑死呀 ~
咁之後班長者都有地方去 我同阿 L 一齊去完洗手間 咁啱見到阿妹同阿 Y 所以阿妹話一齊去平台影相 我話里奧大人等緊我呀 衰妹唔比我搵里奧大人 係要捉住我一齊行 ~
但我都要打比里奧大人先 唔係佢以為我去咗邊 ~
我話叫里奧大人幫我哋影相啦 里奧大人問係咪平台 ?! 但阿妹聽到話肥婆 真係痴鬼線 哈哈 之後叫里奧大人一齊上平台幫我哋 4 大顛王一齊影相呀 阿 L 話要咁咁咁影 阿妹又話要點點點影 之後又話行去邊度邊度影 咁里奧大人又幫我同阿 L 拎住個大環保袋 又拎大機影相 又要跟我哋要求影相 真係慘過番工 哈哈 ~
之後榴槤見到我哋影又一齊影 因為佢好多時要照顧班長者 好難見到佢呀 ~
3 點幾就坐纜車去茶具博物館 喺行去茶具博物館嘅時候發生咗啲小插曲 所以有少少影響咗心情 ~
我哋所有工作人員都無入去參觀 始終呢度地方大 怕佢哋行錯出口 所以企喺度等佢哋出嚟
去完茶藝博物館就番去喇 都接近大半人唔跟車 所以佢哋話點坐都得 哈哈 ~
沿途見到呢個 "月亮"
5 點幾番到里奧大人公司 Debreifing 始終今日發生咗啲小插曲 都想知道日後要點樣處理 不過 6 點都要散會 因為丸丸趕住走呢 ~
我唔餓呀 咁里奧大人又話買紅豆燒餅 如果一陣餓就可以食 ~
番到屋企即開機洗衫 之後沖涼休息休息 ~
呢樽酸青瓜好似 $24 我一個人係食唔到咁多 咁阿妹原來又鍾意食 所以比半樽比佢
咁啱我想買意粉 咁見到 $15/包 我覺得好抵呀 所以即買
今日體力勞動咗成日 所以 10 點半瞓覺喇 ~
沒有留言:
發佈留言