蠔油燜冬菇 + 辣汁焗金沙骨 + 鎮江骨 + 油麥菜苗 ( 23-OCT-2023 )

星期六飲宴嘅炒飯   今晚要食埋去 lu

( 23-OCT-2023  MON )

同里奧大人 9 點半自然醒   我今朝 7 點 47 分都醒醒地   但難得假期又真係唔想咁早起身   所以繼續瞓囉 ~

今朝同里奧大人去試新嘢   去到原來已經 10 點 35 分   要快啲叫早餐喇 ~

千島汁吉列龍脷柳脆豬包 ($38) - 估唔到里奧大人揀吉列魚柳   因為佢係怕熱氣嘛

五香肉丁公仔麵拚太陽蛋腸仔及牛油多士 ($34) - 好耐無食過辣嘅五香肉丁   所以下次一定會再嚟食呢 

食完就去超市買嘢   里奧大人就要番公司做一陣嘢   佢做完之後話 Join 埋我一齊番屋企   咁就好喇   因為我買咗 3 樽蠔油同 2 支豆漿都幾重下呢 ~

家姐頭先豆漿   搞到我又買嘛   之後佢話佢嗰邊超市平多 $5 呀   話幫我再買   不過我話唔駛啦   始終好快到期嘛 ~

今日有大工程呀   就係要將啲衫換季喇   再執下其他嘢咁   話咁快又用咗兩個鐘 ~

搞掂哂就燜冬菇   之後聽歌啦   望下個鐘係 12 點 04 分   我同里奧大人講話做哂所有嘢都只係 12 點 04 分   佢話係個鐘無電呀   咁唔怪得啦   真係以為時間過得咁慢添   哈哈 ~

咁里奧大人整電腦   所以差唔多 3 點先食午餐 ~

食完又周圍行陣   美心買2件西餅只係$17.5咋   所以即買   哈哈 ~

番到屋企又抖下   之後熨衫   諗住 6 點半食得   但又係 7 點先搞掂 ~

是日晚餐 - 蠔油燜冬菇 + 辣汁焗金沙骨 + 鎮江骨 + 油麥菜苗

蠔油燜冬菇 - 今朝一起身就浸冬菇   差唔多 2 點先燜冬菇   但都好入味 ~

辣汁焗金沙骨 - 呢排啲金沙骨好細條   不過咁都好   食落無咁滯咁 ~

鎮江骨 - 尋晚食剩   今晚再接再厲   但個顏色真係勁唔似鎖江骨   哈哈 ~

油麥菜苗 - 終於清哂喇   我覺得油麥菜苗無咁大陣味咁呢 ~

洗埋碗即沖涼喇   里奧大人做功課   咁我差唔多 9 點半就開始靈修半個鐘   之後再睇陣 Youtube ~

我同家姐都鍾意食荷蘭撻㗎   以前美心係無果仁   同埋係普通西餅價錢   之後加咗果仁就貴 Double   但其實我覺得無果仁仲好食

今晚 11 點幾先瞓   里奧大人問我睇唔睇  Anya ?!   我話 11 點幾喇喎   梗係唔睇啦 ~