翠園 @ 大埔 ( 21-OCT-2023 )

琵琶金珠滿盈門 - 好耐無食乳豬喇   雖然個皮好脆   但係超級多肥膏

夏果鳳片炒蝦仁 - 呢個勁好味   呢期好鍾意食蝦

脆皮鮮奶百花球 - 炸蝦球非常好味   但脆皮鮮奶個脆漿唔脆

翡翠玉環瑤柱脯 - 呢個好味   因為我鍾意食翡翠苗

燕窩芙蓉龍蝦湯 - 我好鍾意飲龍蝦湯㗎   可惜有燕窩唔飲得

紅燜鵝掌鮑螺片 - 鵝掌燜得好林   但里奧大人話啲螺片好林   但我無食到呀

清蒸沙巴花尾斑 - 食咗好少咋   因為真係好飽

當紅一品脆燒雞 - 完全無食

金腿海皇炒絲苗 - 呢個都無食   但拎咗一盒做聽晚晚餐

蝦子金菇炆伊麵 - 呢個都係無食呀   但里奧大人鍾意食伊麵   所以都拎咗一盒   其實個個食雞嘅時候都停哂手   所以基本上後尾嘅餸都係打包呢

紅雞蛋 & 酸薑 - 我無食呀

杯白酒甜甜地   我覺得好好飲呀  

回禮

( 21-OCT-2023  SAT )

又係瞓到 6 點左右去廁所   感恩好快瞓得番 ~

里奧大人以為今朝去買早餐   不過我話有麵包唔駛買囉   所以早餐都係食甜餐包夾芝士 ~

菇場唔忙啦   得一半同事番   加上西瓜又唔喺度   勁 3D ~

放工即走   同里奧大人去十二味食 Lunch ~

土豆絲都好味   但我鍾意食花生多啲

咕嚕脆皮雞球飯 ($63) - 里奧大人話試新嘢   呢個好有驚喜呀   最正係有薯片   哈哈

份量都唔少

雞翼麻辣香鍋 ($56) - 我叫番舊嘢   因為我好想食蓮藕片呀

慾望酸梅 (+$8)

食完就番屋企抖陣   差唔多 4 點半就出發去大埔喇 ~

上次買咗啲船襪好好着   所以里奧大人再買比我   之後再行多陣就去酒樓喇 ~

好耐無見班兒甥仔女同姑奶們   見到面都要逐個攬下先 ~

其實我有啲咳   今日姑奶打比我   話聽見我把聲都好好   所以好開心今晚可以見面   佢仲買咗支止咳嘅涼茶比我   再買支羅漢果夏枯草比里奧大人   感動感動   始終兩支涼茶都好重嘛 ~

差唔多開席就見到嫲嫲   估唔到一見到我就即過嚟攬住我   真係無諗過會咁   希望遲啲得閒就再掙佢啦 ~

食下傾下   差唔多尾聲嘅時候   里奧大人就去洗手間    佢表姐就問我住邊區 ?!   之後問邊條街 ?!   我心諗駛唔駛問到咁仔細邊條街呀   我家姐都無咁問我啦   答完又問大廈叫咩名 ?!   我真係諗緊佢會唔會問埋我住幾樓幾室㗎   如果佢真係問   我會問番佢   妳做咩要知道我咁多嘢呀 ?!   大佬呀   同妳又唔係熟   加上我知佢又好八   所以對佢都無咩好感囉 ~

9 點半搭車走人   番到屋企都即沖涼休息喇 ~

我同里奧大人講話好感恩今晚食咗好多嚿乳豬   又好感恩今日全枱都係長者咁滯   無人同我爭食   之後佢又笑   只要有得食就會感恩   我話咪亂講呀   我係凡事謝恩的 ~

今晚 11 點幾先瞓   始終好飽   想多啲時間消化   哈哈 ~