梅菜蒸鯇魚 + 焗 BBQ 雞翼 + 菜心苗 ( 7-OCT-2023 )

( 7-OCT-2023  SAT )

感恩瞓得唔錯   係瞓得好林咁   希望快啲瞓番夠   就有番哂精神啦 ~

早餐食醬占排包   之前同里奧大人講話可能呢幾日要佢買早餐   呢兩日我鬧鐘響   佢就即刻問駛唔駛去買早餐 ?!   搞到佢都緊張埋添 ~

菇場唔忙呀   所以好鬼凍   有啲凍到想嘔嘅感覺 ~

放工即走   里奧大人話起碼 2 點半放工   咁我都去街市買定餸   個風好似打得成咁   所以買定多啲餸   聽日唔駛出街 ~

買完番到屋企都 2 點半   里奧大人話放工   咁去餐廳等佢   點知佢比人捉住   遲咗成 25 分鐘先到   本身唔餓都變餓了 ~

食完即番屋企   開埋機再沖涼   之後休息休息 ~

6 點幾開始預備   所以差唔多 7 點鬆啲先開餐 ~

是日晚餐 - 梅菜蒸鯇魚 + 焗 BBQ 雞翼 + 菜心苗

梅菜蒸鯇魚 - 上次執雪櫃見到有包梅菜   所以就整呢個餸喇   呢件鯇魚要 $39   因為我唔想買一份份嗰啲 ~

焗 BBQ 雞翼 - 喺凍肉店買㗎   其實味道唔夠   但勝在方便唔駛解凍同醃咁囉 ~

菜心苗 - 食埋聽晚應該可以食哂   哈哈 ~

里奧大人 7 點 45 分要上堂   好在頭先趕得切食咋   今晚上半個鐘左右就可以落堂 ~

洗完碗就開機洗衫   之後沖涼休息了 ~

8 點半左右食蛋糕   店員話今晚食唔哂要放入雪櫃   同埋留一日好喇   咁所以我都要快快食喇 ~

脆脆朱古力批 ($60) - 家姐問我係咪好鍾意食蛋糕 ?!   係就佢做 A1 會員   可以比劵我買蛋糕   我話本身去地鐵站整嘢   不過無得整   見到有 A1 就買個蛋糕啦   叫做有啲收穫咁囉   我唔係咁鍾意食蛋糕㗎咋

比我想像中大個   因為我覺得芝士蛋糕同蘋果批無咁大個呢

Brownie 係最好味   同埋都幾多麻糬

睇下電視又睇下 Youtube   今晚 11 點先瞓覺 ~