韭菜豬肉蒸餃 + 椰菜雲耳豬肉煎餃 (外賣) ( 14-OCT-2023 )

今晚夜食   所以食 5 隻餃子都夠了

今次嘅煎餃都唔似煎咗嘅

( 14-OCT-2023  SAT )

尋晚去完廁所   好難先瞓得番   我覺得有啲熱呀   里奧大人話我可能食咗炸嘢   因為次次食完炸嘢   半夜會好熱咁   但佢話飲咗椰汁就唔覺熱喎 ~

今朝叫里奧大人去買早餐   因為今日出去整嘢   可能 2 點先食午餐呀 ~

里奧大人話買多份三文治   我話唔駛   食埋星期三買嘅甜餐包仲好 ~

菇場忙呀   搞掂哂都 11 點幾 ~

放工去深水埗還機同埋買電腦   所以約埋里奧大人喺深水埗等喇 ~

里奧大人塞車   咁我都周圍行下   睇下有咩好食 ~

真係越睇越餓   好在里奧大人 2 點左右搞掂   拿拿聲同佢一齊食午餐喇 ~

美國肉眼牛扒拚日式炸蝦 ($88) - 好耐無食鐵板餐   所以食得好開心呀 

我同家姐都話肉眼扒算厚身   炸蝦又熱辣辣   呢樣最有驚喜  因為我預咗係炸起哂   有客人要就夾上去咁呢

焗芝士咖哩魚柳飯 ($65) - 里奧大人話呢個都好味   佢話好味就得㗎喇   哈哈

羅宋湯 - 呢個好味道   同埋都幾多材料   最正係熱辣辣呀   講真我對呢啲湯唔會有要求   所以碗湯係熱辣辣嘅時候   就真係即加分呢   哈哈   

我哋坐個卡位好凍   所以一定要飲熱檸檬茶

食完就去佐敦裕華買王子麵   但居然無呀   勁失望   等我仲問家姐要唔要添   唉 ~

最後買埋洗頭水就番屋企喇   喺屋企抖咗陣   里奧大人又要番公司做嘢 ~

今晚同里奧大人一齊番崇拜   因為依家星期日有事奉在身   所以想改為星期六番崇拜呢 ~ 

崇拜完畢諗住走   但里奧大人又要番去公司做啲嘢   咁我都跟啦   反正未餓 ~

差唔多 8 點幾先走   咁買餃子番屋企食算喇 ~

食完抖陣就沖涼   今日出咗成日街   所以有啲攰 ~

睇下 Youtube   諗住今晚會早啲瞓   點知成 11 點先瞓 ~