別府 @ 九龍灣 ( 15-DEC-2015 )

壽喜燒 ($65)

韓式部隊鍋 ($62)

切得好整齊嘅半個辛辣麵   哈哈      

炸雞軟骨碎 ($40)

( 15-DEC-2015  TUE )

尋晚唔知因為真係眼瞓定啲中藥令我好瞓呢   今朝都叫狀態半回勇   咁都好啦   起碼叫做有精神呢 ~

早餐食芝腿治   其實唔餓   但口快快叫咗   所以食唔哂啲麵包   嘥哂   如果有半件叫就好啦   唔駛嘥嘢 ~

菇場忙呀   但之後可以抖到個幾鐘   抖完又忙 lu ~

食完 Lunch Box 就去一田同 759 買嘢   我覺得好似好耐無出去咁呀   所以突然間覺得好有新鮮感   哈哈 ~

繼續忙   呢兩日做到個腦實哂   所以真係反應都慢啲 ~

里奧大人 3 點半喺葵興見客   咁 6 點都應該可以番到屋企   咁我放工都即走喇  之後去拎中藥   咁里奧大人又差唔多番到屋企   所以我一去就拎起杯中藥   一飲而盡   豪邁到爆   人哋唔知以為我好口渴   哈哈   之後佢比嘉應子我食   我話唔要喇   佢碌大對眼又高 8 度話 : 妳唔要 ?!   我話係呀   佢知道今次啲中藥係比較苦   好多人都要食涼果   但我黃蓮都飲過啦   加埋之前日日飲中藥   飲到都無哂感覺   同埋真係唔覺得苦囉   哈哈 ~

諗住食韓嘢   咁去睇下 Menu   又覺得無咩好食   所以去別府啦   反正頭先里奧大人話想去別府   同佢做冬   食好啲   哈哈哈哈 ~

別府搬咗位置   但枱與枱之後嘅位就闊落咗   因為我以前一定唔坐入面梳化位   因為我驚啲枱太迫   行唔到出嚟呀 ~ 

食完就番屋企喇   唔想拎住杯中藥周圍走 ~

今晚攰呀   所以都唔徑步喇   沖埋涼就 Hea 過   個腦好實   唔想打機唔想睇雜誌 ~

差唔多 8 點半又要飲埋杯中藥   之後里奧大人無啦啦食腰果   我又要食嘛   又問人幾多粒   好似要配給咁   我話 10 粒   佢好似好驚咁   腰果之嘛   毒藥咩   之後佢話 4 粒就夠喎   因為好熱氣   我話我唔會熱氣囉 ~

沖埋涼就睇雜誌   之後同佢講   食完啲腰果   個胃有啲痛   佢又 8 婆語氣咁話腰果頂胃㗎   所以佢唔會食咁多   咁頭先你話熱氣之嘛   都無話頂胃   好在痛咗陣就無痛咋 ~

攰呀   10 點半即瞓 ~