麻酸樂米線專門店 @ 九龍灣 ( 25-DEC-2015 )

麻辣一品雞煲二人餐 特式拚盤 ($148)

呢個係特式拚盤   有爽脆豬潤  / 手打肉丸 / 順德魚腐 / 墨魚丸 / 雪場蟹捧 / 百葉結 / 金菇 / 蕃茄 / 珍珠雲耳 / 芽菜 / 腐竹 / 唐生菜 / 米線   估唔到都有幾多嘢呢  

( 25-DEC-2015  FRI )

今朝想去活力食五香肉丁麵   點知無位   咁轉去海景啦   唔想行番轉頭去太興呀 ~

Plan 好今日行山   不過落毛毛雨   所有唔行 lu ~

難得連放幾日   所以買飛睇戲   睇今晚 10 點 35 分嘅 Star War   即係今晚起碼 1 點半先瞓 ~

番到屋企抖陣   我話近近哋出旺角行下啦   出到去都 1 點   第一時間去十蚊店   其實依家係叫 Living Plaza   不過慣咗叫十蚊店囉   依家最平已經係 $12 啦   所以一覺得有 9 折就好抵   咁我要買茶葉袋同襪   咁可以買多啲   反正都要用嘛   難得有 9 折   呵呵 ~

買咗 45 個裝同 100 個裝嘅   分啲比里奧大人同家姐

$20/對   買比媽咪㗎   佢話着咗暖笠笠好舒服

買咗 4 張 Placemat   唔知點解好鍾意買 Placemat   哈哈

買完就去行朗豪坊   因為我見到 Line 公仔呀   咁經過 GAP   又入去睇下   諗住買完件乾濕褸就走   減咗價只係 $449   之後 Cashier 話買 3 件有 6 折   話抵好多   咁我再睇下啦   之後買多件冷外套 ($378)   里奧大人就買咗件長袖裇衫 ($278)  Total $1,105   折咗之後只係 $663   咁又真係好抵   即係比多二百幾蚊買 2 件衫   好在 Cashier 講咋   因為我無睇到話做 Promotion 呀 ~

等我呀下 

買完即過對面朗豪坊影 Line 公仔   上埋露天廣場影完相之後都即走喇   實在太焗呢   其實我一入商場已經焗到好眼瞓   所以基本上我真係好驚冬天行商場   真係越行越眼瞓呢 ~ 

成條街都係 LINE 人物

其實我接受唔到自己喺香港企喺條街影相   哈哈   但反正都影到人   我叫里奧大人影我啦  

好鍾意個摩天輪   因為齊哂啲人物呢  

里奧大人影到呢張真係好難得   因為企喺熊大前面影相   係要排隊㗎

我都鍾意莎莉   里奧大人話因為佢係黃色   但我鍾意佢係因為無乜表情   又細細粒  

部長都鍾意   因為佢夠哂樣衰   呵呵  

要排隊影㗎   真係完全無諗過   自己幾十歲人走去排隊等影相   唔係因為同最愛一齊坐低影相   我一定唔會咁啦   哈哈哈哈   唔係幾十對眼望住   我堅想同佢做埋同一動作囉   哈哈  

里奧大人擺埋我部電話上去   我勁驚人哋真係以為係裝飾走去摸呀   哈哈

隻青蛙好似比人迫咗出嚟咁   好搞笑 

開始有啲餓喇   原來已經 3 點   係時候要食嘢   食完就坐小巴番屋企喇 ~

H 餐係挪威煙   哈哈

魚柳漢堡+薯條 ($52) - 呢個係下午茶餐   3 點先開始   呵呵

香草茄醬燒豬肋骨配意粉 ($48) - 呢個係午餐   個意粉係炒過嘅   又幾好噃      

熱檸茶 / 凍奶茶 (+$3) - 奶茶好飲喎   唔澀口

里奧大人番到屋企即入房瞓   我就睇雜誌   差唔多 6 點半就出去食嘢喇 ~

食完行陣商場就番屋企抖   里奧大人要做公司嘢   我又係睇下雜誌   眨下眼又 10 點半   要即落樓睇戲喇 ~

我話唔食爆谷嘛   因為次次食一大兜真係好辛苦   之後里奧大人無啦啦又話想食   見佢咁難得想食   咁就買中 Size 啦   因為細唔抵   但大又食唔哂   哈哈 ~

睇到 12 點 45 分就散場   勁鬼攰呀   沖埋涼又整呢樣嗰樣   差唔多 2 點先瞓呀 ~