茄汁豬扒 + 娃娃菜 ( 18-DEC-2015 )

( 18-DEC-2015  FRI )

又星期五喇   今日好開心   因為聽日係難得每月一 Off   呵呵 ~

早餐食芝腿治   呢排唔知做咩   食到一半已經好飽   但又唔想拎走   所以成日都食唔哂啲麵包   只食啲餡   其實連啲餡都唔想食   但就更加唔想拎走   凍咗嘅多士好難食呢 ~

菇場唔太忙   可以做下自己嘢 ~

Lunch Time 出去食粥   之後行個大運就番菇場喇   家姐頭先 Whatsapp 我食咩   無啦啦問呢啲開場白   我問佢咩料   係咪有嘢想買   佢話喺 Bank 排緊隊   突然間諗起我喎   之後到我番到菇場   佢又打比我   話同事鍾意食 Poifull 糖   叫我幫佢買 2 Pack   我咪話囉   頭先先去嗰間舖頭買嘢   一早講嘛   可以順便買埋   唔駛我心掛掛 ~

好嘢   今日唔太忙   心情真係唔同啲㗎   放工都放得開心啲咁呢 ~

今晚要燉湯   唔想去街市咁遠   所以去 Taste 買豬扒同菜   之後就番屋企 lu ~ 

燉好湯又浸好啲菜就熨 1 機衫   里奧大人 7 點打嚟話放工   咁我都要預備煮飯喇   今晚要煎嘢   要啲時間呢 ~       

是日晚餐 - 茄汁豬扒 + 娃娃菜  

茄汁豬扒 - 好有煎香啲豬扒㗎   最開心係清埋哂支茄汁   今晚煮辛辣麵   里奧大人話嘥哂啲汁   其實我都覺   但今晚我唔想食飯   個腦又記住要煮麵喎 ~

娃娃菜 - 我都幾鍾意食娃娃菜   甜甜哋又爽爽地咁 ~

搞掂哂就同里奧大人去買 Poifull 糖同萬寧買 Mask   咁叫里奧大人送 Mask 比我   因為我唔想拎銀包出來   因為隻食指位濕痕   一郁就爆同流血嘛   點知里奧大人無帶卡   佢個樣衰笑得勁開心呀   可以慳番 ~

我同事介紹㗎   喺日本買係 HK$105   依家萬寧 $148 有 75 折   即係 $111   都差唔多   所以即買

番到屋企飲埋燉湯   之後沖涼   Hea 到 11 點幾都瞓 lu ~   

今晚喺 Taste 買咗 Nivea 嘅 Cream ($29.9)   因為覺得好抵   同埋無咩香味   搽嘅時候好立黐黐咁   但之後又無喎   唔錯唔錯