金滿庭京川滬菜館 @ 九龍灣 ( 5-DEC-2015 )

片皮鴨 

晴晴勁乖   佢第一個就夾比我喇   之後仲搞笑   我問佢   阿邊個靚定舅母靚呀   佢話阿邊個就靚過媽咪   點都無話阿邊個靚過我   佢勁識做啦   話完媽咪可以氹番   舅母就會哦佢一世嘛   哈哈        

榨菜肉末配叉子燒餅       

紅油抄手 - 估唔到個汁好辣

回鍋肉

宮保雞丁 - 今次又酸又鹹  

砂鍋雲吞雞 (全隻) - 又係雲吞   哈哈  

燻魚

擔擔麵 x 2 

( 5-DEC-2015  SAT )

今朝 7 點 45 分先起身   實在太攰喇   唔想咁早起身住 ~

食埋早餐   其實都可以睇陣報紙先番工   因為基本上星期六車程都暢順嘅   無咩人要番工囉 ~

菇場唔太忙   星期一就知味道喇   呵呵 ~

放工即走   約咗里奧大人喺 megaBOX 食嘢   無啦啦落雨   仲要幾密添   12 月都會落雨   天氣真反常 ~

今次又去喇沙大少食 Lunch   其實真係麻麻哋好食   不過唔想諗其他地方呢 ~

馬來雜菜喇沙 (雜菜 / 雞蛋 / 豆卜 / 芽菜) - 下次叫小奶先   因為食完都好想反胃

馬來海鮮喇沙 (大蝦 / 蜆肉 / 蟹柳 / 魚蛋 / 豆卜 / 雞蛋)

無骨酸辣鳳爪 (自選跟餐小食 +$18)

凍咖啡 

甜品 (送)

食完行陣就去睇戲   睇 2 點 50 分嘅 Hunger Games - Mockingjak Part 2   呢張戲飛好似里奧大人申請信用卡送㗎   不過就唔比網上訂飛囉   所以次次都要親身去訂   我覺得 UA 好煩   因為我地之前做咗 Member    但原來係唔比網上訂飛   一定要 3 日前或者當日去買飛   大佬   屋企樓下咩   所以次次都要睇尾水嗰啲戲   咁就實有位囉 ~

睇到 5 點幾   即去十蚊店買襪比媽咪   因為佢之前話瞓覺隻腳凍   咁啱我都想買呢啲襪比佢呢 ~  

$20/對   好 Soft 㗎   唔會箍住對腳呢   好記得以前里奧大人出 Trip   坐長途機送呢啲襪㗎   依家應該唔會送 lu       

$79.9/3 對   仲要有 8 折   所以買夠 9 對   因為里奧大人啱啱要買襪呢 

買完即去坐 Shuttle Bus 去九龍灣   不過等車都等咗 20 分鐘囉   如果唔落雨就一定行過去   唔駛等咁耐 ~

晴晴前幾日番咗嚟香港   因為過幾日要去大陸做 Summer Job   咁佢之前喺澳洲又幫人補習同做 Tutor   所以今晚特登請我同里奧大人  姑奶同 2 姑奶一家去金滿庭食飯呀   勁乖女 ~

咁之後同我講咗兩次話出糧會分錢比我   佢係我半個女喎   聽完勁窩心啦   佢真係好記得我㗎   由我未做佢舅母已經話養我   勁搞笑   所以里奧大人話佢勁偏心   因為佢無份呢   哈哈 ~

今次坐房   不過有啲焗囉   傾下食下   話咁快 8 點要交枱喇 ~

食完就陪晴晴兩母女去買 Suit   買少少嘢都亂鬼到呢   好在陪佢哋   中和下啲氣氛 ~

差唔多 9 點就番屋企喇   開機洗衫   之後沖涼休息喇 ~

睇下雜誌   又 12 點先瞓 ~