東寶小館 @ 北角 ( 26-DEC-2015 )

啤酒妹妹一放低支啤酒同碗   之後就即斟啲啤酒落碗度   里奧大人話想洗下隻杯先   不過啤酒妹妹話係雪杯嚟   呵呵   唔講真係唔知

最緊要係相機食先   哈哈  

飲勝

表表話有個勝字   佢唔講真係無留意   哈哈  

1664 大支 ($38/支) - 叫咗 2 支   藍妹同其他啤酒都係 $38/支   咁當然叫 1664 啦   掛住傾偈   我飲下飲下   飲咗里奧大人嗰碗   佢話奇怪點解越飲越少   哈哈哈哈   零舍誇張 

南乳炸豬手 ($118) - 我係咁易上網睇幾個食評   都話豬手好好味   啲皮脆卜卜   我食咗好多嚿都無嚿脆囉   真係好日唔睇食評   一睇就出事   哈哈   

豉椒炒蜆 - 中辣 (時價) - 我哋一致都話好味   表表同小寶話有辣味   我覺得係超級辣啦   食完個咀唇都有少少痺   番到屋企   個胃仲慶合合   但我最鍾意有芽菜底   撈埋啲辣汁好鬼好食呢   

黃金蝦 (時價) - 都幾大隻   同埋好爽口   我覺得好味

百花茶釀豆腐 ($128) - 表表話想食   咁當然叫啦   豆腐係自家制   黃黃哋色   但我覺得無咩豆腐味咁   仲有個汁蘸嘅   但我無蘸到       

豉油王炒麵好似 $80 - 呢個我話叫嘅   又係上網睇話必叫喎   同埋好過叫白飯嘛   但我真係覺得無咩特別   但就真係好乾身   但得嗰啲啲芽菜韭菜咋噃   我覺得貴囉

其實張枱都唔係咁夠位擺   每人一隻杯同兩隻碗   再加埋個茶壺同支酒呢      

( 26-DEC-2015  SAT )

今朝 9 點半起身   因為約咗媽咪 家姐 姐夫 11 點去彩晶軒飲茶   咁我諗住先到先等位   唔想成日都係家姐等位呢 ~

沖埋涼諗住抖陣先   點知家姐 10 點半話有位   咁我哋拿拿聲搞掂哂就打的接埋媽咪同工人一齊去酒樓喇 ~

鮑汁菌菇腐皮卷 - 我覺得蘸喼汁一齊食係好好味呢

皮蛋香茜牛肉腸 - 唔覺有皮蛋噃 

花彫酒香煲仔叉燒包 - 無咩特別   

即製南翔小籠包 - 家姐知我鍾意食   所以叫一籠   但一早食小籠包   感覺好似好飽咁  哈哈   但都幾好味   幾多肉汁呢  

月半彎水晶鮮蝦餃 - 無食呀   

三姐巧弄潮州蒸粉果 - 我鍾意食呢啲皮   煙煙韌韌   但估唔到今次里奧大人話食粉果   平時佢唔食㗎   

艇頭海味香煎蘿蔔糕 - OK 好味  

糖醋五柳炸雲吞 - 普通啦  

紫金名醬豉蒜蒸鳳爪 - 完全唔掂   

椰果紅豆沙 - 茶杯 Size   兩啖可以食哂   呵呵

桂花紅豆糕 - 一匙更 Size   口大嘅話可以一啖食哂

飲到差唔多 12 點半就分手喇   家姐同媽咪就行下一田   我同里奧大人就搭地鐵去荃灣   估唔到今日同聽日搭地鐵係小童價優惠   真係要多多搭地鐵呀   哈哈 ~

1 點 40 分已經到荃灣   放低啲嘢喺酒店就周圍行下 lu ~

見到 Check-in 櫃枱有條人龍   再見埋呢堆行李陣   希望一陣番嚟唔見哂佢哋啦 

我覺得啲行李好震撼 

酒店好焗呀   同埋我無啦啦有噂餓   所以我話去大家樂食個 Tea 先 ~

2 點半即走   諗住去酒店排定隊   咁里奧大人上網 Check 到機場巴士喺 2 點 45 分已到咗酒店   咁佢話佢入去排隊先   我就搵下表表   點知我一向後望   就見到表表同小寶喇   勁開心呀   太耐無見喇   好掛住佢哋呢  ~

Check-in 櫃位仍然係排長龍呀   我地本來 4 個人一齊排住隊傾偈   不過有個 Staff 話叫兩個排隊   咁唔駛將啲行李推嚟推去   另外兩個可以搵個地方企埋一邊   咁我同表表就行埋一邊傾偈呢   掛住講   都唔記得表表應該都攰   因為佢 5 點半起身嘛   我應該唔好講咁多嘢   哈哈 ~

足足用咗 45 分鐘排隊 Check-in   真係超勁耐囉   無諗過會咁多人囉 ~

雖然我住喺香港   但我真係唔知香港啲酒店房間係點嘛   所以今次跟埋表表上房   感覺都好似自己去緊旅行咁   哈哈哈哈 ~

門就一定係佢哋開㗎啦   之後我就即刻將自己件褸喺椅背   過後諗番真係當正自己住咁   佢哋都有着褸嘛   應該佢哋放椅背先啱呢   哈哈   咁我再一路開窗簾   一路問表表開唔開得窗簾   哈哈   其實佢未答我已經開哂簾   呵呵 ~

表表就好忙喇   拎下嘢又放下嘢   我同里奧大人就坐喺度   小寶就唔記得佢做啲咩   佢啦   成日咁靜   真係差啲唔記得佢存在呀   哈哈哈哈 ~

不過最搞笑係佢一開電視   見到自己個名   望住個電視機喺度傻笑   話有佢個名 ~   

今晚唔去安利喇   其一時間唔夠   其二唔想食飽唔夠一個鐘又食第晚飯   所以決定去表表想去嘅 Teakha (茶家)  估唔到當時已經 5 點半喇   時間過得咁快 ~

我真係覺得表表好勁   去埋啲地方我真係無去過   仲大鄉里過佢   所以我話佢嚟香港   我跟佢搵食先真   哈哈 ~ 

初初坐呢張貼近地面嘅木櫈咋   我差啲起唔到身呀   好在後尾轉咗坐草地 (假草皮)   反而我覺得坐得仲舒服   起身又無腳痺噃     

有啲帶埋狗狗一齊嘆茶呢  

我好鍾意個 Menu 設計   夠簡單   

開餐喇

Pumpkin and Honeycomb Cheesetart 南瓜蜂糖脆脆起司餅 ($44) - 因為我想食 Honeycomb       

呢個小寶叫㗎   我完全唔記得咩味道添 lu   但記得口感係一絲絲咁呢   

居然無開杯蓋就影相添

表表嘅 Mulled Roselle Tea 聖誕香料洛神花茶 ($30) - 佢飲嘅茶好 Lady   哈哈  
小寶嘅 Sea Salt Yin Yang 海鹽鴛鴦 ($40)  
我同里奧大人 Share 嘅 Masala Chai 印度香料奶茶 ($48) - 我哋幾個好似做緊飲食節目咁   一杯飲品大家一齊試   如果我哋搽咗唇膏   男士們就慘 lu   呵呵           

都好多人影相   

@ Teakha (茶家)

@ 東街 

好似差唔多 6 點半就起行去東寶喇   又搭番地鐵去北角   唔記得阿 mi 今朝話條街定商場好靜   但地鐵就超級多人   後尾先醒起今日搭地鐵有優惠   唔怪得咁多人啦   焗到暈咁滯 ~ 

我訂咗 7 點   佢話我遲到咗 7 分鐘   所以要再等過位   因為佢哋唔會留枱 ~

好感恩等唔夠 5 分鐘   我哋就有枱呢 ~

@ 東寶小館  

外牆有得掛外套   枱底又可以擺袋   都幾細心噃   同埋好在我哋坐近牆邊咋   哈哈   

其實環境都唔係上網咁講話好嘈好 Dirty   可能我哋坐近門口   又無人猜枚飲酒   所以唔係好嘈呢 ~  

食下傾下   今晚小寶都講咗好多嘢   算佢啦   我哋差唔多 10 點就走喇   之後一齊行去地鐵站   今晚幾大都搭地鐵呀   哈哈 ~

番到屋企即沖涼   抖多陣   12 點先瞓 ~