銀芽肉絲炒麵 + 漁香茄子煲 (外賣) ( 11-JUN-2023 )

( 11-JUN-2023  SUN )

嘩   尋晚個肚又痛   又嘔喎   仲要 1 點 2 點 3 點 4 點 6 點 7 點 9 點 10 點起身去廁所   我覺得係血崩咁呀   真係人生第一次咁   希望只係今次食完藥嘅副作用啦 ~

終於瞓下醒下   瞓到 12 點 45 分   咁我望塊鏡   見到對眼圈黑到好似人哋吸完毒咁   連我自己都覺得好恐怖呀 ~

我完全無胃口食嘢   不過瞓得太多    腰又痛   所以點都要坐梳化囉 ~

家姐真係好勁   有時我唔舒服都唔想話佢知   但始終平時做開啲嘢無做到   佢就估我有啲嘢咁呢 ~

星期日家姐一定問我有無番教會 ?!   食咩早餐咁 ?!   今日就 Whatsapp 問我係咪無番教會 ?!   我話無番   佢第二句已經知我唔舒服   仲話買嘢比我食   不過我話唔駛啦   里奧大人會買嘛 ~

本身今日約咗 Ivy 兩公婆食 Lunch   但尋晚已經話取消㗎喇   真係好邪   好多時約定就唔成事   係都要即興先得   哈哈 ~

今日里奧大人 2 點幾先放工   咁我幫手整熱啲飯比佢食啦   本來諗住叫佢自己整   但感恩我可以郁到呢 ~

里奧大人見到個午餐   話整得咁靚嘅   我好好奇咁問佢點樣靚 ?!   因為我真係唔覺靚嘛   之後佢話如果佢自己整   會一個碗放哂啲餸同飯   我話兩個汁都唔同味   點可能放哂一個碗㗎老公 ~

我今日應該都係全日休息   咁睇下 Youtube 又瞓下   醒完又睇   睇睇下又瞓咁 ~

感恩叫做有胃口食嘢   所以 7 點半可以開餐 ~

食完抖陣就開機洗衫   沖埋涼又睇陣電視   今晚 10 點半都瞓覺   個肚又無啦啦痛   雖然唔係劇痛   但都好唔舒服咁囉   唉 ~