極品海南雞 (半隻) + 香煎手刴魚香肉餅 + 香麻辣鳳爪 + 健康翠綠時菜 + 雞油香飯 (外賣) ( 26-JUN-2023 )

( 26-JUN-2023  MON )

尋晚半夜隻腳又痛   之後搽一條筋先再瞓   今晚一定要睇睇醫生先 ~

早餐食十字包   終於食哂盒笑牛牌芝士   我應該唔會再買嚟食㗎喇 ~

菇場忙呀   星期一忙都好㗎   咁樣無咁悶   哈哈 ~

Lunch Time 出去買燒賣炒麵就番菇場   真係唔想行咁耐   差唔多 12 點 45 分瞓咗下   好在 12 點 55 分醒咗   唔好睇少呢 10 分鐘   因為瞓醒之後真係精神好多呀 ~

忙下停下   但隻腳痛到個人都無咩心機 ~

放工去睇醫生   我同醫生講話雙腳痺痛   隻右手都有小小痺痛   咁係咪中風呀 ?!   佢話唔駛咁驚啦   唔係咁大件事   可能風濕痛啫~

不過佢話如果再痛就睇多次   之後要去驗血   睇下係咪類風濕   真係聽見都煩   唉 ~

睇完醫生就買外賣番屋企食   其實唔駛煮飯真係好爽   哈哈 ~

食完就休息一下   之後里奧大人幫我按摩小腿   真係舒服好多   感覺小腿真係鬆咗好多咁呢 ~

沖埋涼就睇 Youtube  今晚 10 點半都瞓覺 lu ~