吉列豬扒鍋燒烏冬配半熟玉子 ($118) - 我鍾意食壽喜燒湯底 同埋烏冬都煙韌 但豬扒唔得啦 不過最搞笑係手機點餐 搵極都無 原來呢個限定係人手落單 但店員話用手機落單 無諗個呢個唔得囉 之後幾枱客人都同我情況一樣 但其實係咪店員應該講埋如果呢張 Menu 係用人手落單 咁就唔駛客人搞咁耐啦
肉汁燴牛肉蛋包飯 ($138) - 咖哩汁 OK 但牛肉真係唔得
( 15-JUN-2023 THU )
尋晚去完廁所 都唔係咁快瞓得番 之後瞓到半夜覺得凍 但無耐又熱到成身汗 感恩起身都精神咋 ~
早餐食牛油排包 仍然係我夾芝士 里奧大人就醬占 ~
菇場忙下停下 其實咁真係唔錯 起碼有啲嘢做呢 ~
Lunch Time 落勁大雨 好在今日諗住食杯麵咋 ~
仍然忙下停下 話咁快又放工 ~
今晚同里奧大人去買手機 本身諗住買 "榮耀" 但最後買咗 Xiaomi 13 Ultra 雖然係 $8,999 但感恩有 Trade-in 價同信用卡優惠 慳咗 $1,650 呀 不過其實我都覺貴 但里奧大人話部機影相真係靚啲 所以就買喇 ~
真係最衰手機影唔到相 唔係真係唔會換囉 因為已經用慣咗嘛 買新機之前又要 Back-up 好多嘢 上次用咗半日時間 Back-up 影片呀 ~
今日 4 點再 Back-up Whatsapp 所以今次差唔多 20 分鐘就搞掂 職員都話算快 咁始終我哋之前有 Back-up 嘛 ~
我好鍾意呢部手機㗎 所以真係唔捨得佢呢
搞掂哂都 7 點半 我勁餓呀 好在上次睇到有間餐廳唔錯咁 可以快快去開餐呢 ~
今餐好飽 係飽得嚟好唔舒服 唔知係咪烏冬脹胃呢 ~
食完即刻搭巴士番屋企 我即刻沖涼喇 里奧大人就幫我搵手機套 次次我買手機 佢真係一條龍服務 非常感激佢 所以叫佢沖完涼食甜筒 哈哈 ~
今晚好攰 我 10 點 25 分要即刻去瞓覺呀 ~
沒有留言:
發佈留言