放題 $688/位 但 3 位有 75 折 ($516/位) - 今餐家姐請 不過都預咗佢請㗎喇
Set D 皇 - M7和牛肉眼蓋 / M7和牛三角小排/ M6和牛肩胛肉眼 / M6和牛板腱 / 牛舌 / 牛肋條 / 日式胸腹肉 / 封門柳
日式胸腹肉都好核突喎
刺身 - 三文魚 / 八爪魚 / 赤蝦
海鮮 - 鯖魚 / 墨魚仔/ 帆立貝
海鮮 - 鯖魚 / 墨魚仔/ 帆立貝 - 家姐負責燒海鮮
無啦啦着火 嚇鬼死
呢啲唔算燶㗎喇 因為更燶嘅就比糟糟食 哈哈
蒜片好脆呀
糟糟負責燒 佢燒完就會夾比我同家姐先 真係無見幾年 依家咁識照顧人嘅 哈哈
有個隔油器都唔錯喎
我哋叫咗牛肋骨 / 牛小排 / 一口牛柳粒 / 牛板腱 / 牛頸脊 但上枱就分唔到咁清楚了
有肉就燒 因為大家都好餓
雞翼 / 雞腎 / 雞軟骨 / 雞胸軟骨 - 諗住燒完再影 但最後只係掛住食同傾
雞皮 - 呢碟上枱嘅時候 大家諗咗好耐係乜來
家姐燒雞翼同雞軟骨
不過家姐燒嘢真係唔多掂 所以糟糟拎番哂嚟燒 哈哈 話時話 我好似燒完一次就無燒 全程真係糟糟燒哂比我哋食
家姐安安份份咁燒雞胸軟骨就可以 千奇唔好比佢多過兩款 佢 Handle 唔到
燒芝士年糕
燒菠蘿
點搞呀家姐
名古屋雞翼 - 都幾好味 可能因為唔駛自己燒 哈哈
赤蝦好大隻
日式螺肉 & 日式海藻漬物
麻醬秋葵
蟹子蟹柳沙律
枝豆
家姐話阿妹鍾意食牛油粟米 所以叫比我食
雞泡魚乾 - 我哋以為唔駛燒 點知又要自己燒 哈哈
家姐食巨星雪條 但佢話好難食呀 同細個食嘅味道係完全唔同
食完鹹要食甜 所以食雪糕三文治
食完真係飽到上天花板
( 17-JUN-2023 SAT )
尋晚半夜去完廁所 都好快瞓得番 但今朝鬧鐵響 仲諗緊今日係咪要番工 呢兩朝起身都係咁 成日諗緊自己係放假定要番工 ~
早餐食菠蘿包 本身今朝沖咖啡 但整呢樣嗰樣 搞到唔夠時間 所以要飲罐裝咖啡 ~
菇場唔忙啦 仲要整冷氣 好在唔係太焗咋 ~
放工即走 落超勁大雨呀 所以我唔買午餐喇 直接同里奧大人出去食午餐呢 ~
木耳 - 少少辣都唔錯
川式口水雞 ($58) - 我要小辣 我覺得唔辣 但里奧大人話辣 不過我覺得都好味道 下次會翻單 哈哈
底部有青瓜
酸菜魚 ($68) - 咁樣睇份量都唔少
真係幾多魚肉㗎
里奧大人約咗菜仔同媚姨去尖沙咀食飯 所以佢食完番屋企休息 我就拎埋手信都即出發去家姐屋企喇 ~
去到家姐屋企就抖下先 隻腳仲有啲痛呀 真係唔想行來行去囉 ~
Berry 好怕行雷閃電 所以成日坐喺門口 真係好陰公咁 搞到我又要特登坐喺門口陪佢 ~
初初以為佢想出街 但其實係驚
家姐話 Berry 着咗之後真係無咁驚
八八卦卦
好醜樣 哈哈
工人話佢呢幾日驚到唔肯食嘢同飲水呀 所以我餵佢食零食 佢肯食就比咗佢食咗 6 件 咁就無咗六十蚊喇 狗零食真係好貴 但見佢鍾意食又會好捨得買 寧願慳自己 哈哈
又驚喇
無落雨就無咁驚
對眼好似粒龍眼咁大
今晚 Book 咗 5 點打保齡 但家姐同糟糟要 5 點幾先到 咁我同工人去攞場先囉 最搞笑個職員問工人要唔要鞋 ?! 好似我無人陪 要工人陪我玩咁 哈哈 ~
家姐同糟糟終於 5 點半到喇 糟糟居然攬到我實一實 仲話好耐無見 佢以前最唔鍾意攬人同比人攬嘛 所以今次見面 大家都非常開心呢 4 年零 3 個月無見呀 不過好在我都會知佢嘅嘢 佢又會知我啲嘢 因為家姐會講呢 ~
真係好多好多年無打保齡球喇
糟糟叫每人拎 $100 出嚟 但唔記得話贏咗拎去食飯定咩
我話對鞋好舒服呀 工人話問職員喺邊度買吖 ?! 佢好勁喎 反應咁快 不過我話呢啲鞋只係打保齡球先着㗎 出去行係好跣㗎
家姐同糟糟對鞋咁靚嘅
第1局嘅分數 有啲慘不忍睹 哈哈哈哈
糟糟話我個球係 "西" 得好勁 話我好大力喎 我又真係唔覺喎 之前 8 磅有啲輕 12 磅又重 最後全程用 10 磅
糟糟話以前一定過 200 喎 我話以前吖嘛 係都要激下佢 哈哈
第 3 局 簡直係每況愈下 哈哈哈哈
今次出嚟見面 真係算係即慶咁滯 因為菜仔同媚姨約咗里奧大人今晚食飯 咁我就一定去家姐屋企㗎喇 之後家姐突然話約埋糟糟去打保齡球 咁無所謂啦 因為我係咪都會去家姐屋企嘛 就係咁樣就今晚嘅飯局喇 開心開心 ~
同糟糟一路碌一路傾 所以好多回憶都番哂嚟呀 大家由後生女識到佢變依家熟女 但大家都仍然係顛顛得得 所以我哋 3 個一齊嘅時候 真係唔覺唔覺又過咗幾十年咁呢 因為相處方式無變過嘛 哈哈 ~
7 點左右就要走喇 但家姐 Book 咗 8 點食飯 我話腳痛唔想周圍去 所以就去家姐屋企坐下喇 ~
糟糟話 Berry 不嬲唔舔佢 今次係咁舔佢所以好開心 真係搞笑 ~
玩下傾下 我同糟糟食咗 2 粒荔枝 之後開始勁肚餓呀 好在差唔多時間出去食飯咋 ~
一路食一路傾 真係無睇時間 只係覺得食飽就走 ~
我跟糟糟車出旺角 諗住講我嘅嘢比佢聽 估唔到佢講咗家姐嘅嘢比我聽 哈哈 ~
出到旺角都 10 點 15 分 好在我望到手錶時間咋 因為我都唔知幾時食完同出車 最搞笑家姐話出去旺角要幾耐 ?!?!?! 喺邊方向出旺角 ?! 我話真係唔知呀 全程傾偈無望到喎 不過糟糟揸車就唔駛驚啦 佢去過一次就記得 仲要唔開 GPS 靠自己記 ~
行番出去搭車番屋企 突然心血來潮 Check 下啲袋 因為家姐頭先一見到我 就比封利是我 話比我買手機 我話唔要 我放番落佢袋 但佢居然將封利是放喺我個 M 巾袋 ~
我 11 點番到屋企 拿拿聲沖涼先 ~
之後家姐打嚟傾咗半個鐘 我呃佢話唔見咗 M 巾袋 佢吓咗一聲 之後佢知我講大話 因為佢話我唔會喺出面去廁所 哈哈 因為我平時如果係番屋企 又真係點急都會忍到番屋企先去喎 ~
家姐話等我去廁所嘅時候 將利是放入我袋 但銀包位置會好易見到 佢話求其放 M 巾袋 最搞笑糟糟問家姐做咩 ?! 佢話比利是我買手機 糟糟又話要 黐鬼線 哈哈 ~
估唔到家姐重用呢個小新利是封 佢話個利是封太細 放完啲錢就脹卜卜 我話妳唔駛放咁多咪得囉 不過我唔會用囉 佢生日又比番佢 哈哈
里奧大人 11 點 40 分先番到屋企 之後話頭先同媚姨一齊去菜仔舖頭傾偈 之後發生靈異事件 所以叫佢快啲沖涼再講比我聽 哈哈 ~
菜仔送比里奧大人 我話其實 1 支都夠啦
真係傾多陣偈都已經 12 點幾 係時候要瞓覺喇 ~
沒有留言:
發佈留言