慢慢行 ♡ 首爾。南韓 DAY 6 (PART 2/2) ( 3-JUN-2023 )

( 3-JUN-2023  SAT ) - PART 2/2

話咁快又過咗 6 日   我同里奧大人講話呢兩日唔好去街   要比對腳抖下呀 ~

最後一影喇   哈哈

落機同樣興奮㗎   哈哈

去旅行一定要揹背囊   因為我要好快手將所有嘢放入去嘛   如果放斜揹袋   會變咗一大嚿好核突

同里奧大人每人一個 Hand Carry

又令我諗起韓國地鐵   哈哈

辛苦里奧大人

e 通道真係好方便

仍然要行一大段路

UO619 首爾/仁川係 6 號行李帶

里奧大人手機係香港時間 4:00pm   我隻錶就仍然係 5:00pm 韓國時間   因為我未整 Setting

等緊行李

我發覺同機嘅韓國人   都係帶細嘅行李喼嚟香港   我諗真係香港人先鍾意買好多手信   因為我叔叔嬸嬸堂細佬妹買嘢番加拿大   都係買啲有紀念性嘅嘢   唔會話買大量香港特式食物做手信咁㗎   哈哈 ~

等咗幾分鐘之後就見到我哋嘅喼喇

另一個喼到好快到呀   感恩感恩

呢個韓國男仔真係一個暖男   佢將啲行李喼放好   再將個 handle 位置於向上面   咁等人易拎啲

真係要再次讚呢個韓國男仔  我企咁耐佢就整咁耐   真係機場職員都唔會咁做啦

順利出境

今日機場都算多人   可能星期六

今日搭巴士番屋企   我哋差啲行咗去搭的士嘅方向呀

天氣非常濕熱呀   所以好肯定知道自己已經喺香港了   哈哈哈哈 ~

5 點幾都番到屋企喇   第一時間做嘅就係開機洗衫   之後先慢慢執嘢 ~

執下嘢又抖下   但到 8 點都未餓   所以唔想出去食   但里奧大人就應該餓啦   咁我話 share 食個杯麵算啦 ~

我諗住食個就到期嘅韓國杯麵   但里奧大人話無餸喎   我話焗爐壞咗無得焗熱海鮮卷   叫佢食條魚肉腸當係餸啦   但佢話要食滿漢杯麵   因為有幾粒牛肉   咁是但啦   佢食得到就無問題了 ~

執嘢執到好悶   咁買完又要影相做記錄   呢樣係最花時間同最攰   所以影一半就算喇   哈哈 ~

家姐買咗甜品比我哋   所以 9 點幾就同里奧大人出去交收 ~

好在里奧大人都去咋   原來家姐將隻手錶 Set 咗啲嘢   所以有個 Function 用唔到要里奧大人整呀 ~

番到屋企即沖涼   再望個鐘   原來已經 10 點喇   咁要快啲食甜品喇   真係好少咁夜食   對於我嚟講算係食宵夜   哈哈哈哈 ~

招牌燒仙草 (芋泥+芋圓+紅豆+珍珠) ($50) - 我都幾鍾意食芋泥

里奧大人就負責食仙草

小丸子一號 (芋圓+珍珠+紅豆) ($48) - 其實兩碗甜品都差唔多   點解我會咁揀嘅

好在芋圓同珍珠都煙韌咋   哈哈

 

食完就睇下 FB   因為去旅行期間完全無睇過   基本上我去旅行上網只係搵地方食嘢咁㗎咋 ~

睇到 11 點幾都瞓喇   雖然去旅行係好玩   但其實都幾攰   真係年紀大無計   哈哈哈哈 ~