滑蛋豬扒飯 + 泡菜汁豚肉鍋 (外賣) ( 12-JUN-2023 )

 ( 12-JUN-2023  MON )

今朝個肚仍然有啲赤赤痛   所以打番菇場請病假   之後瞓到 10 點 15 分都起身 lu ~

感恩起身都整到早餐   不過食完就要里奧大人洗嘢 ~

約咗 11 點 45 分睇醫生   咁里奧大人都要睇   佢塊臉又敏感   原來因為染髮關係   之後再睇對眼   醫生話佢隻眼有啲充血   但問題不大   滴眼藥水就可以 ~

咁我就一定係睇經痛啦   因為我好少會血崩咁情況嘛   咁我講我本身嘅 Case 佢聽   我講到一半   醫生講咗句 " 係咪着裙"   我停咗一停   但佢語氣唔似係問人咁   係平音㗎喎   我就心諗血崩關着裙乜事 ?!   之後佢再講 "係咪着裙"   我又停一停   之後姑娘問我依家係咪着裙呀 ?!   我話係呀   原來醫生想幫我摸下個肚 ~

佢都話我個瘤好大   但我話我每年都會睇婦檢   之後話如果再痛   一係搵佢一係睇番婦科呢 ~ 

睇完都差唔多 1 點   無諗過等咁耐 ~

番到屋企即沖涼洗頭   之後再開機洗衫 ~

2 點左右食午餐   又係魚香茄子   里奧大人食咗 4 餐   所以我次次唔舒服   我覺得里奧大人係最慘   食埋呢啲街外嘢 ~

睇下電視   3 點又瞓覺   都瞓咗個半鐘   今日真係好彩無番工咋   因為瞓完覺   個人真係舒服好多   呢三日都無咩氣力咁   雖然菇場唔忙   但坐喺度又唔可以瞓嘛 ~

睇下 Youtube 同電視   今晚 7 點半都可以開餐   呢三晚都要里奧大人滕來滕去買嘢食   等我體力回復   應該可以食下住家飯了   呵呵 ~

食完就抖下   唔駛洗碗真係好爽   要珍惜一下呢 ~

10 點又再沖涼   之後睇 "周遊關西"   所以 11 點先瞓覺呀 ~