Saizeriya ( 薩莉亞意式餐廳 ) @ 紅磡 ( 6-JUN-2023 )

水牛芝士薄餅 ($30) - 里奧大人話唔要辣肉腸   我覺得仲好啦   反正有雞翼嘛   同埋就咁得芝士都好好味呢

肉醬野菌肉醬意粉 ($42) - 我將肉丸 Cut 開一半放落里奧大人飯盒   佢問點解咁做 ?!   我話你成日食嘢咁快   細細粒無咁易哽親呀   佢話我真係好細心   不過我都認㗎   哈哈

原味雞翼 ($20) - 每次食都覺得好味道

肉醬多利亞 ($30) - 係焗飯底   但係啲飯嘅份量真係好少   咁諗住比里奧大人帶飯   最後再加多啲意粉比佢   唔係怕佢以為自己只係食緊肉醬

中華海草 ($18) - 我哋好鍾意食   其實凍肉舖有一大包賣的   不過真係太大包   唔想買完又成日格硬食   咁樣真係覺得好味都變得唔好味了   

( 6-JUN-2023  TUE )

尋晚瞓到半夜去廁所   之後好難瞓得番   應該係放完假有壓力番工   驚唔知醒起身呀 ~

原來我係連放11日假   真正休息只係得尋日   但都抖唔夠呀   哈哈哈哈 ~

早餐食黑糖餐包   山崎啲包都幾好味   但又係越嚟越貴同越嚟越細 ~

菇場超級忙呀   不過都預咗呢 ~

咁又 6 月過咗幾日

Lunch Time 去一田買牛油果   再買芝士同豬肉鬆   諗住聽日再嚟睇下   原來今日係最後一日減價   我成日以為今日係 6 月 3 日呀 ~

近近哋去買 MOS BURGER 做午餐   依家手機影唔到相添   最慘唔知買咩牌子好 ~

忙咗陣又要抖下先   但其實都幾攰   同 8 卦傾偈   仲居然講住一晚酒店要 $10,000   唔係佢話咁貴   我都唔知自己打錯   哈哈 ~

放工即走   今晚都唔煮喇   寧願多啲時間休息 ~

同里奧大人食 Pizza   食完都番屋企喇 ~

開機洗衫就沖涼   之後睇 Youtube 啦   不過越睇越眼瞓   但只係 9 點又唔想咁早瞓 ~

之後我一開眼   原來已經 10 點半   里奧大人話我頭先瞓到 "gur gur" 聲呀   好在我都仍然眼瞓   所以都瞓覺喇   哈哈 ~