慢慢行 ♡ 首爾。南韓 DAY 4 (PART 1/2) ( 1-JUN-2023 )

( 1-JUN-2023  THU )

今朝 9 點半起身   沖埋涼就即刻去食早餐   但好似 10 點半要收場   所以感覺比較趕   雖然其實都食得切   哈哈 ~

我唔會期待有新嘅食物出現呢

屋企有張咁長嘅餐枱就好喇   哈哈哈哈

等食中   所以又咩都影下   其實可能影咗都未定

呢支黑咖啡都幾好飲

出面影相真係一流   不過無得出去

餐廳營業時間

雖然都係呢份早餐   但都食得開心嘅   因為有我最鍾意嘅腸仔同杏鮑菇

食完就番酒店抖下   又睇下行程   所以 11 點左右先出發 ~

今日天色比較暗   咁就好喇   因為今日係露天活動

又經過 L7 HOTELS

我每次搭地鐵都同自己講   行路對身體好   食多啲嘢都唔怕   行路幫助消化   哈哈

一程 1,250W (約HK$7.40)

一入地鐵深似海

唔記得叫咩名添   只記得身型又係好好

行下其實好   但真係唔想行

里奧大人個頭   唔係向上就向下   因為一係睇指示牌   一係就睇手機路線圖指示

弘大去鍾路 3 街 (孔德 - (機場鐵路) --> 孔德 (5 號線) --> 鍾路 3 街)

魚餅店

傳統年糕   如果係幾粒   我都會買嚟試下

入閘喇

之後有路就行啦   哈哈

去 Gongdeok (孔德) 轉車

呢個時間無咩人

原來可以自拍   哈哈

今次英文同數字嘅字體   都大隻咗少少

車廂算多人   但好安靜   依家個個睇手機   唔靜先奇   哈哈

英文

韓文

中文

日文   勁呀呢   比我影到哂   哈哈哈哈

左則開門   我覺得有中文字真係方便好多

到 Gongdeok (孔德) 喇   意味又要行餐勁嘅    哈哈哈哈

車站地圖

其實有時覺得無咩人   會諗緊係咪搭錯方向㗎

向前行

再落扶手電梯

終於又到站內

依家要坐番地鐵路線

唔記得點解影對門

下次有機會再嚟南韓    一定要買副放大鏡先好嚟   哈哈哈哈

呢啲字體 Size 就差唔多

鐘路3街   Jogno3(sam)ga

估唔到有咁多位坐

出咗車廂   見有個人好迅速咁放低呢啲紙仔   唔知咩教會

一見到 Transfer 就驚

就咁搭個地鐵   一日都可以行幾千步   哈哈

上幾多層都唔係問題   最緊要有扶手電梯呢

今次算係順利喇

里奧大人話顯示屏架 3170 列車   係會郁㗎

列車到站就最開心   哈哈

終於出閘

增值 T-Money

增值 2,000W

7,670W 都應該夠用

感恩今次搭咗 45 分鐘地鐵就到   但其實頭先行來行去   都已經有啲攰攰哋 ~

見到出口位置就最開心

 

一出地鐵站就覺得好熱   同埋天氣乾燥比較辛苦   所以想快啲搵到韓屋   哈哈 ~

道士 ?!

我覺得韓屋好靚

四處都係韓屋

有唔少女仔都租韓服   我就一定一定唔會啦   我覺得揀衫先係最耐   因為件件都好靚咁   哈哈

可以入內參觀就好喇

終於見到模範的士 (右手邊)

車身好乾淨

真係好想坐呀   哈哈

成日影住架車   哈哈哈哈

周圍睇下

要保持安靜   始終都係民居呢

住呢度都唔錯   靜中帶旺

好鍾意呢道門

好難得見到呢啲門柄

呢條路就比較窄

呢幾家嘅大門都係好古色古香

去另一邊睇下

好鍾意呢啲屋頂

沿途都有人着韓服影相   係靚嘅   但要化妝就咪搞我喇

上暗斜

呢間屋又係好靚   真係好想入去睇下

上去係 Cafe   不過多人   唔係都想搵個地方坐下

Cafe 門口位置都有花心思設計

韓屋嘅外牆   應該每間都有啲唔同

雖然唔曬   但其實都好熱

 "善一" 定 "一善" 呢 ?!

有 lift 嘅住宅   一睇就知係有錢人家

 

今日主要係睇韓屋

里奧大人揹大機仲攰

無行入去睇呀

間間屋差唔多   其實幾易盪失路

難得自拍   咁我哋影完   後面拎住手機嘅女人   就比佢部手機比里奧大人   叫里奧大人幫佢一家四口影合照呀

棵樹放到咁嘅

呢間韓屋係可以入去參觀的

以前啲人係全部咁坐 ?!

行到咁攰   我當然會坐下啦   哈哈哈哈

坐一陣都 OK 嘅

最鍾意無窗花嘅窗   望落好開揚

雖然無冷氣   但又唔覺熱

望下出面

真係好鍾意個屋頂

室外環境

好乾淨

到此一遊

入口好似啲懷舊餐廳

展望臺要買票的   所以無入去睇呀

靚

睇唔到入面

里奧大人留意告示牌寫啲咩

首爾塔

我哋仍然高高在上

藍色屋頂唔夠懷舊

SEOUL

睇完韓屋就睇下其他屋

泊車位都幾搞嘢

另一架要咁樣泊車

夜晚一個人行都幾驚

喺呢度行去地鐵站都唔少時間   不過住得呢度就多數有車

呢棟住宅正喎

我哋買韓國月曆真係只用嚟擺   如果用嚟睇就慘   因為會放錯假   哈哈

有啲小店

咁樣賣呔都幾搞笑

又見到賣月曆嘅小店

影完都無入去睇添

唔知咩教會

地道小食店

便利店無冷氣   所以見到嘢食都唔會話好想食   哈哈

一場嚟到又影下相先

呢個肥仔幾得意

唔會買嚟飲

韓國都有唔少蠟筆小新代言

餅乾區

薯片個樣吸引   但都唔會買

但如果係車銀優就會即掃 6 包   哈哈

第一次見樽裝嘅地們菠蘿

韓國豆腐   價錢仲貴過香港

我覺得芝士類都吸引   哈哈

幾乎全部都係咖啡飲品

奶類真係唔太啱我   但我會睇

Binnie 鍾意飲嘅朱古力奶 (黃色包裝)   之前阿花請過我飲   所以唔買嚟飲 lu

呢啲乳酪就吸引   香港有就好啦

我鍾意食香腸   可惜酒店附近間便利店無得買呢

買咗呢 2 支果汁 (2,500W 買 1 送 1)

里奧大人話坐下   但其實都幾焗   我見有人食杯麵   呢下真心佩服   不過佢哋應該習慣哂啦

坐到 1 點半都走喇   因為想食午餐呢   地方唔熟嘛   要時間搵下 ~

唔驚人嘅白鴿

突然間有堆人行出嚟

里奧大人話呢間唔錯咁   所以就去呢間食午餐喇

比妳坐喺度等位

要再上多一層先到食店

我就係好想帶里奧大人去食呢啲午餐

Load 相就想食豬手   但當時就勁唔想食   哈哈

飲品貴過午餐

超級凍嘅茶

餐廳環境

有紙巾供應

開餐

Braised Semi-dried Pollack and Rockfish with Today's Stew and Rice (13,000W) - 我就係好想喺韓國食魚   所以今餐食得好滿足

兩款唔同嘅魚   我當然唔知邊款打邊款啦   哈哈   個樣好似好辣   但其實唔辣

唔多骨就最好   但其中 1 條口感比較 "鞋"   不過我都鍾意食   哈哈

白飯係煙煙韌韌   但又唔似珍珠米

我真係好鍾意食啲配菜

Bulgogi (Beef) with Today's Stew and Rice (12,000W)  - 原來大家嘅配菜係唔同

賣相就真係麻麻   但味道都唔錯

員工開餐

最後再加多 2 碟炒青瓜同 1 碟生菜   韓國人都食好多瓜菜

任何地方   做飲食業都好辛苦

我鍾意呢啲枱腳   用嚟 "long" 腳好舒服   哈哈

無咩人 lu

@ 愛好樂

呢日未完㗎 ^^