Babymama: 慢慢行 ♡ 首爾。南韓 DAY 5 (PART 2/2) ( 2-JUN-2023 )

( 2-JUN-2023 FRI ) - PART 2/2

4 點 15 分番到弘大所以番酒店抖陣先 ~

睇咗 "鬼怪" 開始接受李棟旭個樣哈哈

福音台 ?!

好期待 "模範的士 2" 呀

抖到 5 點再去弘益大學嗰邊因為想帶里奧大人去 Isaac ~

係咪特登比人影相㗎 ?!

幾咁大風

見到有射槍遊戲好似幾好玩咁

@ Isaac

阿齋話弘大呢間有得坐所以就同里奧大人試下喇

呢餐只係 6,900W

諗住 5 點幾係無人因為食下午茶又算遲食晚飯又太早嘛哈哈

開餐

Ham & Cheese (3,100W) - 我無睇清楚其實我應該係叫 Ham Special 因為有生菜絲同醬汁係好味好多呢不過里奧大人話無所謂啦咩都試下嘛

好多人都話件多士好食我真係覺得無咩特別喎

Cafe Mocha (3,800W) - 仲貴過件三文治

個膠杯有 ISAAC 凸字又幾特別

我哋坐嘅位置係望住弘益大學呢間大學位置算係好方便

如果可以去參觀就好了

食到 5 點半左又周圍行下雖然成日話搭地鐵行到好攰但點都會繼續行嘅哈哈 ~

好大隻公仔所以影下

又見到呢架車

塗鴉

經過見到 OLIVE YOUNG 就入去行下因為呢間無咩人行所有我就有心機行喇 ~

見到車銀優即刻影比阿花

如果可以親眼見到銀優就更好啦

靚

終於影完哈哈哈哈

我買呢支 Body Lotion

Aveeno 咁又抵喎上次睇係 21,900W 㗎所以叫里奧大人買 3 支估唔到每支仲送 1 支細 Hand Cream

因為拎住幾支 Cream 都好重所以又要再番酒店放低喇 ~

仍然鍥而不捨咁睇襪好感恩見到 1,000W/對嘅船襪呀 ~

呢間買船襪算最平但就只係黑白灰色對我嚟講無問題呀所以買咗 10 對

里奧大人即刻打比家姐問佢要唔要 ?! 咁平就當然要啦哈哈

深藍色呢套好似制服咁嘅

呢個地方都幾好行可能條街道夠闊

手機影相又變咗咁但效果又幾特別喎哈哈

以前我會買好多狗仔衫比朱朱㗎不過依家就唔會買比 Berry 因為佢勁唔鍾意着衫

仲有埋帽仔好得意呀

最鍾意呢啲線衫可惜只得男裝

如果有女裝會即買呀我好鍾意黃色衫㗎着起上嚟精神好多但唔係隻隻黃色都好睇

紫色就斯文好多

里奧大人唔鍾意呢啲穿窿衫

呢啲 Tee 算係大件㗎喇

我鍾意前面有大袋嘅褸

又吊帶背心又大褸真係睇唔出係買冬季衫定夏季衫哈哈

好想買帽但我個頭太大戴 Cap 帽好辛苦

原來背面嚟嘅

呢啲顏色都 OK 㗎

撞哂色

我覺得男裝靚過女裝

襪呀不過圖案唔係咁吸引

唔記得點解會影呢件衫呢 ?! 因為我都唔鍾意有心型嘅嘢嘛

呢啲衫嘅質地應該好快乾

今日都係陪里奧大人睇衫同埋女裝衫真係超細件我直頭話係細路仔衫呀哈哈好多又係露腰着咗之後想食飽啲都唔得但其實又唔覺好多女仔着喎 ~

做打底衫都嫌短哈哈哈哈

細件到呢

睡裙都唔平

呢個價錢唔駛喺韓國買了

如果平平地都會買比家姐因為佢鍾意紫色

同埋我都會買番件比自己哈哈

全部都係 2,000W/對

我每次見到生日蛋糕都會好開心哈哈

幾得意喎

價錢又唔算貴

細路最鍾意嘅生日蛋糕

里奧大人實揀朱古力口味

尋晚喺呢間食店食晚餐

買雪糕食

里奧大人要 CUP

我揀 MANGO & BLUEBERRY 天氣咁熱要食啲酸酸咪咪嘅味道

好味呀同埋口感都好實在

New York Roll 幾好味咁

買 4 件送支凍水我覺得送多件仲好哈哈

其實係咪酥皮麵包 ?!

呢個都吸引但對於呢啲甜品我係鍾意睇多過食

韓國呢期好 hit 嘅冰糖葫蘆

店名叫王家

又見到西瓜哈哈哈哈

忍唔住買咗個袋不過唔記得實際幾錢添但好似係接近 HK100

最後一擊睇襪哈哈哈哈

有小丸子同 APEACH 點解唔係 1,000W 一對呀呀呀呀

今晚又見到佢哋宣傳啤酒

本身喺呢度等里奧大人但見到 TONYMOLY 就叫里奧大人過嚟搵番我哈哈

Mask 10+10 好抵呀我初初以為自己睇錯

買咗 60 塊 Mask 只係 30,000W 咋

明日之星

好多男團都有呢個 "無眼睇" 動作

大家互相支持

加油

越南菜就唔係咁想食

呢間咖啡館設計幾特別

已經 7 點幾喇但個天仍然好光

又見到呢架車係咪做宣傳呢 ?!

經過 Samsung 店

好大間呀

好想買

可惜無國際保養唔係里奧大人都會買比我

繼續睇下先

呢度都有間 DAISO

小型市集

以為係 L7 添

仍然見到一大片天空實在太開心

唔知多唔多人用呢 ?!

經過 KAKAO FRIENDS 就入去買把 Ryan 撥扇因為我想買手信比自己哈哈 ~

Ryan 都幾得意㗎

細細粒好得意呀

香港好似有

呢啲真係影咗當買咗算喇

如果日日有嘢買住 L7 HOTELS 就方便喇哈哈

依家先睇到地下係有顯示燈

咁樣顯示都唔錯喎依家好多人都頭 "dup dup" 望手機嘛咁順便望埋紅綠燈哈哈

行呀行

如果 Binnie 喺度我係諗住去方社碰碰運氣睇下會唔會見到 ASTRO 成員㗎

8 點番到酒店放低嘢之後去睇手信價錢睇完就去增值 WOWPASS 先買因為真係唔想留咁多 WON 今次去完唔會咁快再嚟囉 ~

酒店大堂居然無遊客

房卡係黑色真係跌咗落地都唔覺哈哈

酒店隔離就係橋村炸雞其實好感恩今次想食嘅嘢係唔駛點搵就見到呢

好辣咁

今次揀半半

橋村炸雞隔離就係超市所以買啤酒好方便

呢啲超市比人感覺係平啲

我鍾意小新但唔想食朱古力餅乾條哈哈

地方都算闊落因為香港超市真係好迫

價錢唔係平香港好多咋喎

白飯直頭同香港差唔多價錢有時特價仲平過佢添呀

OTTOGI 呢個牌子都 ok 㗎

廁紙 & 女性用品

好耐之前食過呢隻乳酸糖都幾好味嘅

只係就咁睇都覺得好興奮哈哈哈哈

粟米 & 南瓜味軟糖我好少見到有呢啲味道

ZERO 系列係唔會買的

里奧大人話餅乾係辦公室零食我話糖同朱古力先係囉哈哈

曲奇餅同薯片其實係吸引

見到咁多薯片真係好開心因為香港來來去去都係嗰啲味道

DAISO 都有得買某幾款嘅軟糖仲平啲添呀

想買辣雞醬但思前想後都係唔敢買因為真係好辣

保鮮袋價格貴過香港

細細包唔錯

呢度都有大叔糖

好多款軟糖

韓國人最愛嘅即食麵 & 杯麵

買咗黃色呢 Pack 即食麵

香港都有得買嘅 H.B.A.F. 杏仁但味道當然無咁多

睇完又行番去 DAISO 今晚都係移嚟行去哈哈 ~

再行去 DAISO 睇手信價錢

我同里奧大人講話路牌有中文字就好啦

之後行另一方向睇下原來係有中文字哈哈

行番去地鐵站因為增值 WOWPASS

增值 80,000W

呢個路牌有中英日韓文

行咁多次都仍然未熟路哈哈

去到 DAISO 都 9 點 15 分要快快買嘢喇 ~

里奧大人至在必得

買完再去番超市呢次最後一擊買嘢喇

依家先見到凍櫃哈哈哈哈太耐無去旅行真係睇咩都反應慢過人

唔會飲燒酒啦

同里奧大人講話記得揀韓國牌子啤酒

雪糕櫃喺超市出面

呢晚唔記得買雪糕添

買完嘢都 9 點幾咁里奧大人去買炸雞因為起碼等半個鐘所以我番酒店先喇 ~

餐廳地方都幾大喎因為有 2 層

等咗 20 分鐘

沖埋涼就整理下啲手信先食完先再影相 ~

去到韓國咁多日都無嘢想買但估唔到最後一日先嚟買咁多嘢

呢幾日買嘅嘢

里奧大人 10 點番到酒店喇叫佢快啲沖涼因為我好想快啲食炸雞呀 ~

呢個袋嘅 Size 好似買鞋咁哈哈哈哈

雖然炸雞係好熱氣但我哋都會照食人在韓國嘛哈哈

開餐

里奧大人買咗罐 Kelly 啤酒係近排好 hit 嘅啤酒不過我覺得無咩味所以好啱我飲哈哈

Half & Half Combo (Garlic & Red) (23,000W) - 我初初以為隻隻雞膇都咁大隻㗎

好在底下係細細隻雞膇同雞翼

我鍾意好多醬汁食嘅時候無咁乾同埋無咁熱氣哈哈

Cheese Ball (6,000W)

好重奶味同埋好軟身我都係鍾意食 bhc 多啲

我食哂一盒醃蘿蔔

里奧大人突然大叫 "車銀優" 呀