煎蘿蔔糕 ( 13-FEB-2016 )

( 13-FEB-2016  SAT )

今朝醒一醒   里奧大人問我做咩仲喺度   我話鬧鐘都未響   佢話響咗好耐啦   我一拎個鬧鐘一望   原來已經 9 點 15 分喇   嚇鬼死我啦   即彈起刷牙沖涼換衫走人 ~

好在的士唔駛排隊   唔係就大鑊 ~

終於 9 點 40 分番到菇場   勁驚呀 ~

又眼瞓又餓   所以沖杯齋啡   加咗少少糖   但一樣咁難飲   哈哈哈哈 ~

坐多半個鐘   好似有啲啲餓   咁即沖咗杯麥皮   食完好似無咁眼瞓 ~   
   
今朝太趕   求求其其刷牙洗臉 Jel 頭   所以硬係覺得唔乾淨咁   周身唔自在咁囉 ~

放工即走喇   約里奧大人去牛頭角譚仔食米線   先到先等   一有位就即叫嘢食   因為我真係好鬼餓呀 ~

初初仲有啲嬲鬼佢   但個侍應話無雞肉   問我哋要咩   里奧大人即刻話豬潤   我話一定唔會比豬潤   因為貴嘢嘛   我估最多都係比多啲火腿   之後佢話要我補血   所以要豬潤   好啦   唔嬲佢啦

番到屋企就 Hea 過   今晚里奧大人 8 點要到舖頭幫手   所以 6 點都煎糕比佢食先   我就食唔落喇 ~

是日懶餐 - 煎蘿蔔糕

煎蘿蔔糕 - 呢盒糕係八珍牌字   $198 盒   都唔記得係幾磅裝   但原來 2 月 10 日已經到期   好在今晚食咋   唔係真係擺到壞都似   好在都 OK 好味   但煎完阿 Mi 嘅蘿蔔糕   再煎街嘅蘿蔔糕就覺得難度高   因為啲糕唔實正   反轉有難度呢   哈哈 ~

7 點幾就出門口   咁我都沖涼喇   差唔多 8 點半先蒸糕食   蒸糕真係勁方便   但里奧大人就唔鍾意囉 ~

睇下電視   又睇下雜誌   最後決定再認真睇多次 "無心法師"   因為我好多時一路打機一路睇   好多嘢都睇漏咗   唔知佢講咩呢 ~

里奧大人 1 點先番到嚟呀   所以我都即入房瞓喇 ~