元氣壽司 @ 九龍灣 ( 25-FEB-2016 )

蟹籽沙律

藁燒鰹魚配柚子胡椒 / 灸燒黑椒蠔

芥辣八爪魚軍艦

炸蝦天婦羅

海鹽赤海蝦

飛魚籽軍艦

玉米蝦船

三文魚壽司

( 25-FEB-2016  THU )

呢排尋得唔好   一醒咗就諗起媽咪啲衰嘢就瞓唔到   結果又爛臉   嗚嗚嗚嗚 ~

今朝無咩胃口   食奶醬多算喇 ~

菇場忙下停下   真係咪嚇我啦   我想今日準時走呀 ~

突然間好想食牛腩河   所以 Lunch Time 就去食喇   食完就行番半個鐘就番菇場 lu ~

又忙下停下   好在無 Urgent 嘢   呵呵   可以安心放工 ~

放工去探媽咪   佢話食叉燒   咁就買佢啦   但食 2 嚿又吐番出嚟   好似只係咬啲肉汁咁   咁好心就咪食啦   好在我都預咗食唔哂比家姐   唔係嘥哂啦   麻鬼煩 ~

我最憎佢就係一想食就買   買完又唔係食   大佬   幾百萬未開頭呀 ?!   定妳覺得我哋賺錢好易呀 ?!

之後姑娘幫佢量血壓   量咗 6 次都唔得   其實我已經覺得應該血壓高㗎喇   因為之前媽咪血壓太高都係量唔到   如我所料   血壓去到 202   最搞笑工人即刻指住啲叉燒   因為媽咪次次食完鹹嘢   血壓真係高好多囉 ~

姑娘話要佢限 1 公升水   鬼咩   唔郁就排唔到水啦   麻鬼煩   真唔明點解可以懶得咁緊要   日瞓夜瞓   越瞓就越攰啦   啲筋骨成日唔郁   一郁就會扯住   一扯住就痛又會唔願郁   真係諗起都覺得佢麻鬼煩 ~

佢話收音機無電   叫工人買電   我話星期六叫家姐買咪得囉   反正妳都係瞓   之後佢幾好中氣話家姐屋企百無   我覺得佢超勁衰格   所以都好大聲話佢   人哋唔聽收音機咪無呢啲電囉   妳屋企係咪乜電都有呀 ?!   佢唔出聲   合埋眼   咁就好喇   仍代表之後我幾晚唔會嚟睇妳 ~

如果妳係瞓嘅話   我比妳瞓   但妳只係合埋眼   即係好話妳好煩   唔想聽妳講嘢嗰隻   我就會問佢一陣睇唔睇電視 ?!   佢會即刻答話會睇   咁根本唔係瞓   咁我真係覺得咁辛苦探佢   係完全無意思   我真係寧願番屋企抖好過   但唔好話我唔理佢   佢自己唔珍惜   我仍都唔會做一啲妳唔開心而我又唔開心嘅事囉 ~

其實我 7 點 15 分想走   不過都想知媽咪血壓點囉   咁等到差唔多 7 點半  姑娘好好呀   我問佢幾時再量血壓   佢話晏啲   咁我話唔知我仲喺唔喺度呢   佢笑笑口話係咪想依家知呀 ?!   我話係呀   佢就即幫媽咪量血壓   真係好感激佢呀   好感恩次次見啲姑娘都好好呢 ~

之後血壓低番到 150   其實都算高   但無之前咁高囉 ~

婆婆打嚟問媽咪點   我話無嘢囉   之後同佢講話我呢幾日去旅行   佢第一句就話媽咪喺醫院喎   妳仲去旅行 ?!   我啲語氣都唔好咁覆佢話我 1 月已經 Book 咗位啦   鬼知佢會入院咁耐呀 ?!   佢之後笑笑口話咁玩得開心啲   我想話妳唔好打嚟我會開心啲囉   如埋同佢講埋叫佢呢幾晚唔好打比我   不過我覺得佢都會打囉   諗起都煩   遲早 Block 佢電話號碼 ~  

我同家姐都覺得媽咪真係好麻鬼煩   完全唔體諒我地放工仲睇佢   其實好攰   依家連家姐都話唔會晚晚探啦   有時間都自己休息下   所以依家我哋都唔會成日好想探佢   唔珍惜就把就   我次次探完佢   我夜晚瞓得實唔好   我相信自己都死咗好多細胞㗎喇   咁搞法   真係遲早命都無囉 ~

里奧大人 7 點幾放工   我無啦啦勁想食壽司   所以叫里奧大人喺元氣等我呢 ~

食完就番屋企喇   沖埋涼再 Double Check 哂所有嘢   之後我熨埋 2 機衫就睇陣電視   11 點幾就瞓喇 ~