開年飯 @ 姑奶屋企 ( 9-FEB-2016 ) + ( 10-FEB-2016 ) + ( 11-FEB-2016 )

大家樂嘅盤菜 x 2   今年 17 個人食   但居然每盤食剩 1/3   

太興叉燒 x 2   可能食咗叉燒   所以食唔哂啲盤菜   因為上年都係咁 2 盤   係食得哂㗎喎   

姑奶工人整嘅芋頭西米露糖水   超級甜   但我都會食   因為聽見佢哋話有芋圓呀   煙煙韌韌好味呀   佢哋話喺一田買   下次我都買番包先   呵呵 

@ 滿記
我嘅芝麻糊杏仁茶湯丸 ($36) - 唔熱都算   但稀亨亨又無味囉      

里奧大人嘅楊枝金露

姑奶嘅芒果黑糯米 (沙冰底)   好似 $33   但呢個芒果同黑糯米係另加嘅   1 片芒果就 $8   咁 2 球黑糯米就 $10   佢話有次佢老公知佢鍾意食   總共買咗 4 球比佢食   咁依家識佢嘅人都知佢非常熱愛呢個芒果黑糯米   咁個女仍都當然知啦   咁夜晚又特登買咗 6 球比佢食   所以佢果日就一共食咗 10 球黑糯米   恐怖

( 9-FEB-2016  TUE )

今朝瞓到 11 點 15 分先自然醒呀   因為約咗家姐 1 點幾去到 Fat Fat 屋企拜年   所以即刷牙沖涼   之後落去食早餐喇 ~

家姐未咁早搞掂嘢   所以我哋番屋企抖陣就搭車去 Fat Fat 屋企拜年 lu ~   

差唔多到 Fat Fat 屋企樓下   咁我過馬路望咗右邊先   因為啲車喺右邊嚟嘛   點知里奧大人捉住我話盲中中唔睇路   我話我睇咗啦   黐根   之後過完馬路   佢行多幾步就放低啲禮盒調頭走   都黐鬼線   我話其中有盒係妳契媽㗎   因為佢一陣會去契媽屋企拜年嘛   但佢照行   咁有鬼得佢   我一定唔會追   黐乸線 ~

再之前過一條大馬路已經喺咁話我唔睇車   咁有架大貨車嚟緊   但其實距離好遠   根本我行到過去   架貨車都未到啦   我唔係咁嫌命長囉   咁當時係紅公仔燈   所以佢話唔好過住   之後無車喇   又叫我過   但當時都仲係紅公仔燈   我咪話一時一樣囉   其實我已經慶慶哋   因為好多時都係咁 Double Standard   我覺得好煩 ~

差唔多 1 點半就去到 Fat Fat 屋企   家姐都到咗㗎喇   我話條友肚屙所以唔嚟   家姐又猛問食咗咩   我話一陣講   哈哈 ~

同家姐坐到 3 點左右就走喇   原來家姐無食午餐   因為驚 Fat Fat 又煮湯丸   上年佢食咗 8 粒呀   所以有啲恐懼   同埋我哋叫 Fat Fat 唔好煮喇   傾下偈好過啦 ~  

家姐聽見我同里奧大人鬧交   即刻話無哂心機   之後問駛唔駛佢打比里奧大人   我話駛鬼咩   由 Q 佢啦   反正我都無諗住同佢食嘢 ~

我帶家姐去食狗仔粉呀   估唔到佢都鍾意食   咁梗係啦   辣菜甫咁鬼辣   佢仲一連倒幾更落碗狗仔粉度   我話佢完全當我死嘅   佢食第一啖就話唔辣添喎   我話食落妳就知   之後佢都話好辣   佢話得好辣   基本上我應該食唔落   最後佢要叫罐汽水飲添呀   哈哈 ~

一律 $36

一律 $43   但今次呢個汁無乜味咁噃   

一律 $13   我同家姐都鍾意食陳皮魚蛋㗎   以前陳記魚蛋都係陳皮魚蛋   點知上次同里奧大人食已經係普通魚蛋 lu    

家姐去探媽咪   所以食完就送佢搭巴士   去到即有巴士   佢又話唔想上   想同我行去小巴站   我話唔駛呀   咁難得一去到有車   梗係上啦   快啲探媽咪好過 ~   

我行番去小巴站   但居然幾架都爆哂   要行前兩個街口先上到車呀 ~

4 點半番到屋企   家姐 Whatsapp 我 "問我見唔見到......"   好驚囉   我問佢見唔見到咩 ?!   我以為佢問我見唔見到鬼呀大佬   之後佢再打里......   哈哈   笑死我   一早講里奧大人嘛   嚇鬼到我呢 ~

不過我今晚都會去姑奶屋企食團年飯嘅   要派利是比兒生仔女嘛 ~

見到條友真係想兜巴刮佢   我都唔想同佢講嘢   最緊要唔好同佢啲家姐講話我頭先唔舒服就得喇   唔好新年流流咒我呢 ~

7 點開始食   差唔多 9 點就走人   同姑奶打的去九龍灣   去埋滿記食甜品就番屋企 lu ~

沖埋涼就休息   呢兩日特別特別攰   原來每月一到   所以未夠 10 點都瞓喇 ~

( 10-FEB-2016  WED )

今次無咁劇痛   唔知係咪因為真係無飲奶茶呢 ?!   但都係痛   同埋嘔囉   出出入入好攰   哈哈   但我又好鍾意沖勁熱水涼   唔知係咪因為水溫教到 46 度   平時最多係 38 度   所以次次沖完涼就超級攰   好似焗完桑拿咁   哈哈 ~

濛濛瀧瀧見到里奧大人熨衫   之後又開機洗衫   咁都好   唔駛我做   呢幾日又天氣潮濕   我哋又無出街   所以開唔到抽濕機   咁冬天衫又厚   真係好快又一機   如果等我精神先開機洗   起碼有 4 機衫要洗呢 ~

今日完全無食嘢   除咗沖涼   完成無離開過張床   加上呢排真係超級攰   真係唔願郁囉 ~

( 11-FEB-2016  THU )

呢日好啲咁啦   不過仲係有啲痛同嘔   同埋仍然無胃口食嘢 ~

好在唔駛番工   可以盡情瞓   瞓到 8 點就出廳   但都唔想食嘢   只係想認真沖涼洗頭啫 ~

里奧大人呢兩日應該食丁丁   平時我會覺得佢好慘   但呢兩日我勁憎佢   所以唔覺得佢慘   同埋無同佢講嘢   哼 ~

我聽日要番工呀   所以 10 點半都瞓 lu ~