煎蝦卷 + 蒜蓉炒豆苗 + 炸魚皮 (外賣) ( 18-FEB-2016 )

勁想食鮮冬菇   所以買 Pack 啦   不過唔滑嘅   喺稻香打邊爐啲鮮冬菇好好味㗎

( 18-FEB-2016  THU )

唔知係咪真係瞓得唔好   所以攰得滯   情緒好低落添 ~

今朝食蛋牛治   以前啲鹹牛肉真係鹹鹹香香㗎   依家真係無咩味   得個肥字囉 ~

菇場唔忙呀   所有大粒又唔喺度   完全無工作嘅原動力   哈哈 ~

Lunch Time 又未餓   咁行下先去食嘢 lu   食完又行下咁啦   難得唔落雨嘛 ~

無啦啦又忙   好在個幾鐘就搞掂   可以 Hea 等放工 lu ~

今晚去街市買餸   拎住一百蚊喺手   真係要揀過計過先買呀   依家買嘢真係好貴   如果滾多個湯就一定過一百   講緊仲要只係兩個人食咋   以前開罐頭係最 Cheap 嘅食糧   依家買罐罐頭都要等特價先捨得買呀 ~

番到屋企又好精神咁喎   浸完菜就開機洗衫   6 點幾里奧大人打嚟話放工   咁我都要煮嘢喇 ~

是日懶餐 - 煎蝦卷 + 蒜蓉炒豆苗 + 炸魚皮 ( 外賣 )  

煎蝦卷 - 買咗半磅 ($22)   都幾好味喎   我食到有啲墨魚粒咁   不過佢又話係蝦卷   是但啦   最緊要好味   下次再買   哈哈   懶人首選 ~        

蒜蓉炒豆苗 - 都係炒豆苗好食啲   我有心機先炒菜咋   因為要慢慢加啲菜係咁炒炒炒   用好多時間咁呢 ~  

炸魚皮 ( 外賣 ) - 突然好想食脆卜卜嘅嘢   所以買炸魚皮   $10 包又抵喎   又脆   同埋食到好似有胡椒粉味定咩   但里奧大人話喉嚨有啲痛   食咗好少咋   所以食到我有啲驚   嘩哈哈 ~

     
搞掂哂就沖涼   睇下電視又睇下雜誌   里奧大人 10 點半就瞓喇   我就 11 點先瞓 ~