牛肉盅頭飯 + 潮州粉果 (外賣) ( 20-NOV-2013 )

潮州粉果勁好味   因為啲皮都幾薄   同埋幾夠煙韌   又無咩肥豬肉   正呀

( 20-NOV-2013  WED )

尋晚開冷氣瞓   終於有覺好瞓   實在太開心喇   我最想要就係有好好嘅睡眠質素   如果我晚晚都瞓得好就好啦   我唔想要黑眼圈呀 ~

里奧大人今日同佢 2 個 Assist. 食 Farewell Lunch   所以佢今日要上大陸   我又要 Double Check 所有嘢   所以多數會遲過平時出門口呢 ~

早餐食魚柳包餐   雖然要個包係大火   但都唔夠脆囉   所以仍都係唔好食   應該唔會再叫喇 ~

菇場忙到 11 點半呀   不過超勁充實   我都鍾意咁呢   唔係每日 Hea 過真係有啲悶   哈哈 ~

又有肉醬意粉 Lunch Box 啦   我同事話我次次煮意粉都係帶 2 日   無計啦   唔識預份量 ~

放工即走   因為 Book 咗染髮同剪髮   好在喺屋企附近整   所以 8 點就搞掂哂 ~

里奧大人差唔多 8 點打嚟話放工   不過我叫佢自己喺上水食飯算喇   我又餓   都唔想等到 9 點幾先食飯呢 ~

勁想食牛肉飯同潮州粉果   但又唔想幫襯叙苑   因為佢地 d 態度勁衰   咁入咗去之後就走番出嚟   去東海堂買 Cake 比里奧大人聽日上大陸食   之後真係勁想食牛肉飯同潮州粉果囉   所以都係番轉頭買   哈哈 ~

勁餓呀   番到屋企即沖涼先   因為好難得可以乾乾淨淨咁樣食飯呢 ~

我都覺得自己超級勁   可以食哂   不過食完就飽到唔想郁   哈哈 ~

里奧大人 9 點幾番到屋企   佢無啦啦話好奇怪喎   點解我會幫襯叙苑   咁又係   我係話唔幫襯佢先家嘛   咁佢都話遲啲都會去食煲仔飯 ~

見里奧大人無食咁多餐住家飯   真係對佢唔住喇   所以批個火龍果比佢食   咁我食咗 3 粒   佢食嘅時候問我有無壞   因為有啲酸喎   又隊比我食   不過我已經刷咗牙   所以唔會食   同埋頭先我食咗都無酸   之後佢再隊咗幾次   搞到我發火   話唔食就咪食啦   我真係好憎人咁   話唔食就唔食   隊埋嚟做咩呢 ~

今晚 10 點 45 分瞓喇   因為今晚 12 點會停電    開唔到冷氣   希望隔離 bb 唔好喊啦 ~