帶子刺身 + 三文魚刺身 + 越南虎蝦刺身 + KFC (外賣) ( 3-NOV-2013 )

帶子刺身 - 500g 大約 11 隻左右   仲有 12 隻未食呢

Size 有匙更咁大隻

都厚身   夾起上嚟係聚手   所以家姐話要原隻食   唔切片   食到佢幾滿足呀   哈哈   不過之後佢話超勁飽囉 

三文魚刺身 - 一磅   都算厚切   都幾新鮮

越南虎蝦刺身 - $38 包   我買咗 2 包   呢度係大半包咋   我拻第 1 隻蝦殼嘅時候覺得好易拻   幾鬼開心   再拻就原來好難   黐住哂   所以有啲甩皮甩骨囉   佢啲蝦籽係綠色   我未見過咁   所以好驚   唔要啲籽   哈哈

KFC 二人套餐 $55 - 派嘅 Coupon 嚟㗎   其實我唔知原價幾錢   但都抵啦   
2 件雞胸 + 2 件雞膇 + 辣汁蘑菇飯 (細) + 雞皇飯 (細) + 薯格  

d 飯好難食   林 pat pat   我講緊係佢嘅白飯 

( 3-NOV-2013  SUN )

今朝 9 點醒咗去廁所   見里奧大人唔喺身邊   仲以為佢又睇劇   原來佢 8 點幾醒咗   上網睇手機資料   不過我去完廁所都入房瞓多陣   佢又話瞓 ~

不過 10 點要起身食早餐喇   我 12 點要去拎刺身嘛 ~

食完早餐   我去惠康買 Wasabi 同魚生豉油   之後忍唔住又買埋出前一丁   仲係 $27/9 包再 95折   加埋今日 Enjoy 卡 95 折   所以真係好難忍手唔買囉   不過買 9 包算喇   因為加加埋埋已經有 27 包   仲有之前買咗啲印尼撈麵同超力米   真係夠喇 ~

番到屋企沖埋涼   抖陣就去拎刺身   係之前團購架   因為好抵   但唔知好唔好食   博一博呢   好感恩今日有得拎   因為星期日係唔送㗎   今日係特別加開咋   所以要去九龍塘站交收囉   約好 12 點   不過佢遲咗 10 分鐘 ~          

帶子刺身 - 500g ($168)  

 我買 1 Kg ($336)

三文魚刺身一磅 ($98)

好熱呀   番到屋企放哂入雪櫃   又要沖多次涼喇   仲要開埋冷氣添呀 ~

今晚真係唔洗煮   所以盡情睇哂啲飲食男女   一口氣睇咗 5 本   勁呀 ~

2 點半出去食 Tea   食完番屋企 lu   里奧大人又做公司嘢   我又再睇飲食男女   差唔多 5 點就飲湯   我就燉肉汁   不過依家有電子燉盅真係好方便   今次真係好在問里奧大人點用   我居然無加水就開制呀   係里奧大人同我講做咩唔加水   我先記得要加水咋 ~

今晚家姐黎食刺身   老實講   家姐唔嚟食   我唔會團購囉   因為我同里奧大人食唔到咁多   咁佢話 7 點 45 分左右會到我屋企   咁我 7 點 15 分就同里奧大人去買 KFC   好在早落黎咋   排咗 20 分鐘先買到呀   因為好多人買咗團購   所以咁多人囉 ~

里奧大人去買啤酒   咁我番到屋企先喇   要預備啲刺身   咁佢哋一上到嚟就可以食呢 ~

我真係諗住食外賣嘢唔駛洗嘢   不過唔係囉   點都要 3 個碗 3 對筷子   我又想賣相好啲   將啲刺身放喺碟   咁仲有用嚟解凍啲盒呢   咁都要洗 9 樣嘢   哈哈 ~

家姐要里奧大人幫手將手指啲歌 Download 落手機度   咁啱晴晴 Daddy 又 Whatsapp 我哋   始終 Whatsapp 方便過 Skype 嘛   但好奇怪   我 Add 佢又得   但里奧大人 Add 佢又唔得   搞咗好耐啦   之後終於 Add 到   家姐啲歌又 Download 埋   原來已經 10 點   家姐都要走喇 ~

我就即沖涼喇   之後睇陣電視   11 點瞓喇 ~