泰驚無險。買買食食嘆嘆嘆 @ 曼谷。泰國 DAY 1 (PART 1/2) ( 30-NOV-2013 )

( 30-NOV-2013  SAT  Day 1 ~ Part 1/2 )

哈哈   實在太興奮喇   終於等到呢一日 ~

去玩當然要玩到盡啦   所以今次 5 日 4 夜曼谷之旅都係早機去  (30-Nov-2013  OX203 / 8:15am ~ 9:55am 泰國時間) 晚機返 (4-Dec-2013  OX200 / 17:35pm ~ 21:30pm 到香港) ~

朝早 5 點起身   完全話醒就醒   去旅行真係幾早起身都得呢 ~

Call 咗的士 5 點 45 分喺停車場等   6 點 15 分已經到機場 lu ~

人影都無

天都未光就到機場喇

差唔多 6 點半 Check-in   真係唔多人喎   好在見到有 2 個旅行團出發   咁都好啲   起碼會出團嘛   唔會話咁危險咁囉 ~

都好快搞掂哂   要去食早餐喇 ~

食開嘅早餐都係 $2x   機場呢度就會加埋通粉   所以 $3x

咁我飲奶茶   里奧大人即刻問係咪咖啡唔好飲   搞笑   其實我覺得美心嘅奶茶好飲   同埋想一陣上機瞓嘛   所以咪唔飲咖啡囉

有 2 塊牛扒咁多   咁又抵喎

7 點 15 分就走喇   去完萬寧買喉糖就準備離境 lu ~

又有聖誕裝飾   開心開心

7 點半離境喇   之後就去 Disney 睇下嘢 ~

What's up   佢啲手指好搞笑

其實好鬼多塵   放番佢之後   我係咁打噴嚏

等緊我喇

無人去曼谷 ?!

第 1 次前面係無人

陽光普照   所以心情更加超級靚呀

同拍檔影番張相先

8:15am 登機

上機喇

8 點 15 分登機   架機坐得 1/3 乘客咋   我左邊同右邊都係自由行   因為同我一樣拎住沖哥本天書 ~

9 點派小食   10 分鐘之後就派飛機餐    萬萬都估唔今次嘅飛機餐係三文治 + 餅乾   超級勁失望啦   真係有想喊嘅感覺   因為無咗我最想食嘅芒果布甸   嗚嗚   不過算啦   其實三文治仲好   因為如果食飯實在太飽喇 ~

咁我用手機聽歌家嘛   我一上機已經教咗飛行模式   點知個空中少爺要我熄手機   我無理佢啦   點知佢又番轉頭叫我熄手機   係真係望住我熄咗先走開   真係好黐痴線   搭咁多次飛機   都係第一次咁㗎咋 ~

我前面係完全無人坐

呢包花生好好食

脹卜卜   如果我唔小心拍爆   嚇到成機人大叫都似

3 款唔同味道嘅三文治 - 上面係芝腿   中間唔記得係咩   下面係煙三文魚

完全無食過   之得唔買啦

當地時間 10 點到埗   最搞笑係我哋落機行出去   入機場嘅門居然無開   之後見 OX 職員行過嚟開門   搞咩呀   咁都得嘅 ~

見到呢啲人像畫   我覺得有啲驚   因為之後有次我去完洗手間嘅時候   一開門   望到右邊好似有個人企喺度咁   超勁驚呀   原來係對門貼住張人像畫

行下行下又開始多人   都好啦   起碼有人嚟泰國嘛


其實應該都無咩人去泰國㗎喇   所以 Check-in 都好快   11 點半可以拎行李喇 ~

最尾先到我哋   呵呵

今次勁呀   因為唔駛第一時間去唱錢   因為上次仲有剩 2,000B   夠錢買電話卡同打的去酒店   所以我哋即去買電話卡   仲諗住無咩人添   估唔到都好多人買卡   等咗 15 分鐘先買到 ~

呢層係買電話卡嘅

dtac 係最平   所以好多人買呢

今次一定一定要買電話卡   因為我要睇 "泰國粉絲大本營 Thailandfans Forum" 嘅最新資訊   同埋要 Whatsapp 比屋企人知我平安到埗   我唔想我開心時佢地擔心囉   媽咪真係由我去泰國前一星期見到有示威行動   已經開始好擔心   成日叫我轉地方呀   不過轉唔到啦   買咗 Package 嘛 ~  

今次泰國曼谷之旅   真係好感激好感激胡慧沖   我之前已經問沖哥   泰國咩情況   佢真係即時答覆   起碼我知道嘅情況係即時   唔係幾個鐘之後嘅事   對我黎講好緊要呢 ~   

我地去到機場   心大心細搭咩車好   沖哥建議我搭 BTS   因為驚塞車   不過里奧大人話已經到的士站   所以博一博喎   但其實我都想打的   因為我實在唔想拖住個喼行上行落呀 ~

今次坐細的   因為我哋無將個細喼拎出嚟

11:04am 開車

啲數目字咁細粒   睇完有啲暈

去酒店喇

到處都會見到泰皇

點樣噴上去嘅呢 ?!

Highway Toll (25B)

再黎 Highway Toll (50B)

11 點 04 分開車   11 點 36 分到喇   車費係 355B (230B + 50B Surcharge + Highway Toll 75B)    估唔到車程係好快   去完 Highway 轉幾個彎就到   完全唔塞車   感恩感恩 ~

唔見聖誕鹿嘅


去到酒店   里奧大人就去 Check-in   我就周圍影下   影完就睇下里奧大人搞成點   今次 Check-out 時間係 2 點咋   上次 3 點家嘛   叫佢 2 點半都唔得   仲話 Peak Season   呃人嘅   哈哈 ~



下次上去睇下係咩嚟先

12 點就上房喇   勁有親切感    哈哈   上次住 25 樓   今次住 12 樓   下次唔知會唔會住 2 樓呢 ~

個景都開揚   其實都無咩機會望景   哈哈

今次去泰國   真係要留隻字紀念喇

睇咗即時資訊先可以安心出發呢

坐 Tuk Tuk 去 Phrom Phong 站   今日兌換率係 4.07   上年係 3.90   所以先兌換 HK$5,000 (20,350B)   因為日日嘅兌換率都唔同嘛 ~

坐 Tuk Tuk 出去食嘢 lu

下次再嚟應該已經起好 lu

兌換錢喇   有 3 間兌換店   所以超級方便   如果佢哋開嘅話   哈哈

兌換率係 4.07   發達咯

12 點 40 分去到 Emporium 嘅 GreyHound Cafe   居然要等位喎   要等 6 張枱   我同里奧大人仲諗住無咩人食   之後先醒起今日係星期六   唔係平日呢   咁里奧大人又餓喎   我叫佢去 Food Hall 買 Gelato 食住等啦   佢話唔好喎   我心諗以為佢驚我一個人喺度等添   嗰下有啲開心㗎   點知原來佢話好餓無力行喎  ~

咁我哋等嘅時候已經睇定 Menu   咁一坐低可以即叫   哈哈   感恩差唔多 1 點就有位   都算快㗎喇   同埋其實我見到都有啲係吉枱囉 ~

里奧大人話今次食咩都由我話事喎   佢有樣好  唔係我煮嘅就咩都會食   仲會食哂添   不過佢話炸嘢就唔敢食咁多   因為佢一熱氣就會好易病   咁即係成個行程就咁玩完 lu   呵呵 ~

好餓定啦   係咁望

餐包 - 好味呀   可能餓   哈哈

Crispy Sweet Corn with Crab Meat (220B) - 啖啖蟹肉   正呀   因為無諗過咁多蟹肉呀

Salmon Sashimi in Spicy Hot Sauce (200B) - 我其實好抗拒綠色嘅醬汁   不過呢個汁好鬼辣   我覺得好正   好開胃

 GreyHound Famous Fried Chicken Wings (130B) - 話咁快食咗 8 隻   真係好餓呀

size 係細過隻叉架

Spaghetti with Thai Anchovy (200B) - 意粉彈牙   如果我煮到咁就好 lu

Passion Fashion (Passion Fruit, Pineapple, Mint Syrup) (120B) - Healthy Cocktail 喎   HK$30 就抵飲喇   我杯飲品係黃色   隻杯係綠色   驟眼以為杯飲品係漸變色添呀   因為我之後睇到隔離個飲紫綠色飲品   之後佢飲完   其實個杯係紫色


都好 Fresh


Iced Lemon Tea (90B) - 眾所周知   佢啲冰係茶   所以唔會越飲越淡   呢方面真係好值得讚賞呢   夠細心嘛



呢餐食咗 1,056B

餐其實都好飽   不過勁想食 Gelato 呀   大佬   135B (HK$33) 有 3 球呀   香港 1 球都唔止呢個價啦   同埋見佢係咁質係咁質   所以超大球呀   其實如果要試哂所有味道   真係差唔多 1 球 Size   哈哈 ~



Mango + Azzurro  + Blueberry (135B) - 食完好鬼凍呀   家姐唔信我話去泰國會凍喎   我話次次喺商場食完凍嘢就會覺得超級凍呢

下次勁啲   要食 Jumbo   不過肯定飽到反肚

我都幾想試 Crispy Donut 嘅 Donut   不過我驚太飽肚

個士多啤梨蛋糕好吸引我架   因為啲色好假   上次又係切開一半   唔通係 display ?!

商場都好有聖誕氣氛啦

地方好闊落   香港係咁就好 lu

呢日未完㗎 ^^