泰驚無險。買買食食嘆嘆嘆 @ 曼谷。泰國 DAY 1 (PART 2/2) ( 30-NOV-2013 )

繼續行程 Part 2 ( 30-NOV-2013  SAT  Day 1 )

今日目標係去 Platinum 掃貨   所以 2 點 10 分出發坐 BTS 去 Chit Lom   2 點 20 分就到   勁快 ~

由 Phrom Phong 去 Chit Lom 要 28B   其實唔算平   4 個站要 HK$7   同埋次次都要唱散銀先可以買車票呢

由 Chit Lom BTS 站去 Platinum 都要 15 分鐘㗎   今次唔駛開 GPS   因為里奧大人話佢記得點行   堅呀   一年後仲記得   比我帶路就唔知去咗邊 lu   呵呵 ~

直行

再直行

面向 Central World 再向右直行

經過 Big C 附近嘅一個巴士站

見到 Platinum 喇

勁塞車

2 點 45 分開始行喇   行咗 Zone 3 先   不過無咩嘢買咁   所以即去 Zone 1 同 Zone 2   但好鬼口渴   所以買咗杯檸蜜   個老闆問里奧大人係咪當地人   咁佢會唔會以為我又係當地人㗎   雖然我都幾似阿泰   哈哈 ~     

Directory 好清楚   所以我地目標係好清晰嘅   里奧大人陪我行咗 3 層呀   買到有啲悶   所以之後里奧大人買嘢   又撩起我嘅買嘢意欲   大家一齊買到嘢先開心家嘛

拎住黎影就無妨   着就咪搞喇   同埋如果係着都叫里奧大人着啦   我着住又望唔到饅頭人   佢着住咁我先望到家嘛

點會唔買 2 件先 ?!  其一真係平   其二質地唔錯   起碼個領夠挺身   咁當然無馬莎咁好啦   始終一分錢一分貨嘛   但喺 H & M 買件裇衫都要 HK$2xx   一年唔夠已經唔要得   已經唔係成日着   真係着咗都唔知有無 10 次     
   
另外買 Tee 嗰間仲有得試添呀   其實好多係唔比試㗎   所以好感恩可以試   因為件件嘅 Cutting 都唔同   所以唔試好難買啱 Size   咁職員叫里奧大人當眾除衫試呀   仲叫里奧大人 No Shy No Shy   好搞笑啦

行到 5 點要去 Food Hall 飲杯嘢   抖一抖再兜多個圈就走喇 ~

里奧大人買咗大杯芬達比我   Size 勁過麥當勞嘅大杯裝汽水   呢杯唔記得幾錢   只記得里奧大人話比多唔知 10B 定 5B 係大杯裝抵飲喎   不過好在原來啲冰係佔咗 2/3 杯

睇價錢   杯汽水應該係 25B   而 No Ice 同 Little Ice 就加 10B

難得去到水門街   咁我都想食雞飯   唔係因為雞飯出名   而係唔會特登去水門街搵食囉   因為周圍都好鬼多人 ~

6 點半去到   飯店已經坐滿哂人   好感恩之後有人走   所以變咗即刻有位呢 ~

呢度無冷氣架   所以坐嘅時候有啲焗   之後又無咩嘢 lu ~

好多員工   同埋都好多人叫外賣

密密做

雞湯 - 好勁胡椒味   飲完個身好暖   好舒服呀   可能頭先飲得太多凍嘢

雞 (大) - 好似 120B   我諗住叫 1 隻㗎   不過妹妹仔話太多   所以叫我哋要大就夠㗎喇   其實我覺得份量唔係好多   可能我大食   哈哈

油飯 10B - 原來真係有味飯嚟㗎   又幾好味喎   上次食唔出   可能掛住食汁

Fried Tilapia 70B - 勁大條   又脤卜卜   其實我好驚呢   不過口感似食紅衫魚又幾好味   哈哈   不過隻叉係軟身   好難整啲肉出嚟食囉   好在里奧大人好細心咁整比我食   係報恩嘅時候啦

咁樣影好似勁大條   哈哈

個汁係酸酸哋嘅

可樂 10B

呢個泰國女人都好 Nice 㗎   成日同我笑

坐滿人

食完行去 Big C   超級多人呀   可能之前示威   所以啲人唔敢出街   但幾日喇   點都要補貨嘛   因為好多人都係一車車咁裝貨   超羨慕呀   最鍾意盤滿砵滿嘅感覺 ~

今次忍手   無買薯片比自己   只係買比家姐   同埋我最想買嘅只係米粉同媽媽麵   所以今次拎得都唔係太辛苦 ~

我一生中最愛   哈哈哈哈哈哈

其實晏晝經過 Big C 條街   但唔見有芒果糯米飯   可能夜晚先擺檔啩   但我勁想食   所以去 Big C 買定先   因為我目標係晚晚食一盒芒果糯米飯嘛   估唔到今晚見到街邊有得賣芒果糯米飯   阿姐仲比嚿芒果比里奧大人試   佢話超級甜   咁就當然買啦   之後阿姐居然拎另一盒芒果比我哋   里奧大人話要頭先試咗嗰盒芒果呀   咁又係喎   試咗好食先買   點會要其他喎   阿姐仲話 Same Same   一定唔信啦   哈哈 ~

芒果糯米飯   好似 110B

切好嘅生果真係懶人首選   可惜我只想食芒果糯米飯呢

經過 Central World 都好寧靜


車多

人都一樣多呢

所以都係早啲番酒店就最好

8 點番到 Phrom Phong 喇

坐 Tuk Tuk 番酒店先   放低嘢就行去 Asia Herb Association 按摩   但估唔到 Full 哂喎   所以 Book 定聽晚同後晚時間   之後就行去另一間按啦   Emporium 附近都好多按摩店嘛   反正出開嚟 ~

最後去咗一間好多人嘅按摩店   因為隔離 2 間係無人   所以即係話又係要等啦   感恩等 15 分鐘   呢間好多日本人嚟按摩   所以好靜   有個女人仲帶埋小朋友一齊嚟添呀   呢間按得都好舒服   因為我想瞓呀   如果大陸按嗰啲   我會成日計住時間   因為好鬼痛 ~

我哋去 NUCH 按腳   250B (60 mins)   按完對腳鬆哂

按完都 10 點幾 lu   所以無 Tuk Tuk 番酒店   咁就行番酒店啦   都係 8 分鐘   快嘅可以 6 分鐘添呀 ~

番到酒店就影戰利品   今次我要每晚都影戰利品   整整齊齊做個記錄都唔錯呢 ~

我最愛嘅大雪櫃

空蕩蕩   我屋企嘅雪櫃唔會咁孤單  哈哈

我嘅戰利品 @ Platinum 
5 條裙 + 1 件 One Piece + 2 件長袖裇衫

2 條絲巾 (580B)

里奧大人嘅戰利品 @ Platinum  
5 件裇衫 (1,750B) + 5 件 Tee (1,000B)

3 Sets (300B) - 買呢間手飾嘅舖頭   係播到啲音樂超勁大聲   好記得上年入完去之後有啲頭痛   所以今次我經過嘅時候   就同里奧大人講唔會去睇   點知我都係覺得 100B 一 Set 真係好吸引   所以即走入去睇   買咗 3 Sets   佢話我講完話唔入去睇之後   唔夠 2 秒我已經入咗去揀緊   哈哈   女人係咁㗎啦

里奧大人話我得 1 隻手   點帶得咁多   不過我唔理㗎   照買   呢度買咗 640B

戰利品 @ Big C - 今次好忍手   買咗 882B
MAMA 麵 (204B)
米粉 (145B)

買比家姐嘅薯片   有啲係 35B/包   有啲係 39B/包

買比家姐嘅紫菜 (39B/包)

買比家姐嘅大辣魷魚片 (18.5B/包)

通鼻塞 (81B)

搞掂哂就沖涼   原來都 11 點幾喇   食埋芒果糯米飯做宵夜   抖陣就瞓喇 ~

芒果好甜   但糯米飯好硬

呢日行程完畢 ^^